Óli Ól. og sá konungborni frá Katar !

   Það hlaðast upp sérstæðar sögur um afrek útrásarvíkinganna og óráðsíuplebbanna sem olli  bankahruninu. 

   Nú er það sagan af sölu Óla Ól. á  hlut í Kaupþingi til vinar síns,  hins konungborna emírsbróður frá Katar. 

Hvorugur vinurinn þurfti að leggja til krónu, hvað þá meir til kaupanna. -

En salan ku hafa kostað bankann sjálfan, þ.e. Kaupþing 37.5 milljarða, samkvæmt fréttum.

   Hvar skyldi Óli Ól. vera núna?    Ætli hann sitji nú á Jómfrúreyjum og telji peningana sem honum tókst að færa yfir á félag sitt á Jómfrúreyjum?

   Og nú hefur verið upplýst að  a.m.k. 104 milljarðar voru fluttir úr landi til hinna ýmsu félaga á skattfrjálsri Paradís í eigu Ólafs og Co, næturnar fyrir opinbert fall Kaupþings. -

   Löglegt ?!?   Varla,  þeir vissu vel,  að þetta voru bara loftpeningar sem þeir þyrftu aldrei að borga til baka. - Allavega er þetta siðlaust. - Landráð segja mér fróðir menn.

Og þeir vissu líka að Íslenska ríkið, Íslenska þjóðin mundi verða rukkuð um þessa 104 milljarða.

Plús 37.5 milljarðanna sem féll á Kaupþing vegna kaupa þess kongungborna góðvinar Ólafs.

Og nú vilja þeir fá að kaupa bankanna aftur,  skuldlausa.

Hvað verður það næst? 

Vel gert við Al-Thani

Þeir deyja ekki ráðalausir strákarnir !!!!

Þeir deyja ekki aldeilis ráðalausir strákarnir á Hrauninu, hafa ráð undir hverju rifi. - Enda vanir menn, flestir.

Og þannig eru þeir víst líka, Strákarnir,  sem ásamt ráðamönnum lögðu drög að gjaldþroti Íslands. 

Þeir voru samt ekki að verki þarna á Hrauninu núna !   Nei, nei,  þeir hafa ekki enn verið sóttir.

   Enda þarf ekkert að sækja þá. -  Þeir vita upp á hár hvaða skálkar lögðu Ísland í rúst, og hvernig þeir frömdu sína ljótu verknaði.  -

   Og fyrst þurfa Skálkarnir sjálfir að ljúka rannsókn á sjálfum sér.  -  Þeir verða að rannsaka þetta sjálfir, því þeir þekkja þetta manna best, og kunna best til verka,  vita hvar þeir eiga að leita, og eru því fljótari að finna glæpinn.    

 Já, þeir eru klárir strákarnir, það verður ekki af þeim skafið.   - 

Enda ekki að ástæðulausu sem var húrrað hástöfum fyrir þeim, undir stjórn Davíðs,  húrrað af lífs og sálarkröftum, afþví klapp dugði ekki til,  svo mikil var aðdáun ráðamanna á verkum þeirra. 

Þeir eru enn samir við sig Strákarnir, hvort heldur þeir eru á Hrauninu, eða á leið þangað. -

Fyrir GJALDÞROT AF GÁLEYSI. - OFL.

Smyglaði fíkniefnum inn í fangelsi

Skammbyssuskot í leikfangakassa .......

   Blessuð börnin á Jörva voru aldeilis hissa þegar upp úr leikfangakassa leikskólans kom skammbyssuskot á nýja árinu, vá, þarna hafði aldeilis verið skotið. Við nánari athugun kom í ljós að skotið hafði verið á skólann þeirra, og skotið farið í gegnum vegginn og leikfangakassann og hafnað ofaní leikföngunum.  

   Við nánari athugun reyndist þetta vera skot úr skammbyssunni sem sextán ára unglingur tók frjálsri hendi heima hjá sér, og hræddi íbúa í Smáíbúðahverfis með því að skjóta.  

   Leikskólakennurunum varð illt við,  þegar þær sáu skotið, hringdu í lögregluna og létu vita af fundinum í leikfangakassa leikskólans. Þær héldu að þarna væru þær að koma nýjum upplýsingum til lögreglunnar, um þennan vofveifilega atburð sem átti sér stað frá kvöldmatartíma til miðnættis s.l. föstudagskvöld. -   

   En nei, ekki aldeilis, lögreglan vissi allt um það að drengurinn hefði skotið á hús leikskólans Jörva. 

  En þeim fannst algjör óþarfi að láta leikskólakennaranna vita af þessum vágesti meðal barnanna.  Kannski voru þeir hræddir um að leikskólakennararnir spyrðu óþægilegra spurninga, sem þeir ættu erfitt með að svara, hver veit?.

Því við svona óhugnanlegt atvik vakna upp margar spurningar.

   Afhverju í ósköpunum sagði lögreglan í fyrstu fréttum eftir að drengurinn fannst,  að engu skoti hafi verið skotið úr byssunni.

   Afhverju voru þá vígbúnir sérsveitarmenn á hlaupum milli húsa í hverfinu, frá kvöldmat og fram að miðnætti,   þegar ættingjar drengsins í Fellahverfi í Breiðholti hringdu í lögregluna og létu vita hvar stráksi væri.

Afhverju er byssa skráð hér á landi, sem er bönnuð? -  Spurði ég mig og mína nánustu á föstudagskvöld, og aftur að laugardagsmorgni. - Og svaraði sjálfri mér óvart upphátt: Ó, Guð almáttugur þetta er líklega sonur lögreglumanns eða einhvers annars háttsetts manns að mati skráningarlögreglunnar sem skráði ólöglega byssuna. - Skráningarmaðurinn hefur kannski verið að vinna sig í áliti einhvers háttsetts. Æ,æ.

Fólkið mitt leit á mig, og sagði:  Ekki vera svona svartsýn, kannski er þetta bara misskilningur. - Það þurfa ekki allir vera spilltir.  -

Og ég sá auðvitað strax að þetta hlyti að vera misskilningur, enginn lögreglumaður skráir ólöglega byssu, sem bannað er að eiga hér á landi. -  Ólöglegt vopn er ólöglegt vopn. -  Bannað er bannað,  og það gildir jafnt um alla sama hvort þú ert óbreyttur lögreglumaður, rafvirki, prestur,  eða fyrrverandi sérsveitarmaður. 

Og hversvegna verður ekki allt vitlaust yfir því að svona vopn skulu vera hér á landi og það í eigu fyrrverandi lögreglumanns, og að auki skráð. 

Og hversvegna er okkur ekki sagt að vopnið hafi verið gert upptækt og því verði eytt, og eigandinn verði látinn svara til saka.

Og hversvegna gerist svona lagað?

 

 

Skaut úr skammbyssunni

Flugeldar fyrir og eftir tólf ! Þögn klukkan tólf !

Velti því fyrir mér hve sterkt það væri ef við Íslendingar allir sem einn. - Tækjum okkur til og ..

Hættum að skjóta upp flugeldum 5 mínútum fyrir 12 á miðnætti þann 31. des. og byrjuðum ekki aftur fyrr en 5 mínútur yfir tólf, eða klukkan 24:05 þann 1. jan. 2009.

Ef við hefðum algera þögn frá 23:55 - 24:05 á gamlárskvöld, á meðan við kveðjum gamla árið og tökum á móti því nýja. 

Og ef við notuðum þessa þögn til þess að halda höndum saman og senda hvert öðru strauma,  og kraft okkar í milli,  þjóð vorri og landi til heilla á komandi ári. 

Við getum líka notað þessa þögn til að hugleiða saman það sem koma skal. - Og hvernig við viljum takast á við það.

Tölum svo saman og segjum hvert öðru hvernig við viljum sjá nýtt Ísland verða til, á nýju ári.

 

 

 

„Fer þokkalega af stað“

Nýr flokkur fram .....

Nú verða þeir sem ekki vilja afnema eftirlaunaólögin aldeilis að passa sig það virðist sem hópur fólks sé að vinna að nýju framboði, þetta er áreiðanlega ekki eini hópurinn sem undirbýr framboð.

En það eftirtektarverða við þetta framboð er að þau vilja eins og Ögmundur og Valgerður Bjarnadóttir, afnema eftirlaunaólögin.

Hverjir þarna eru að baki veit ég ekki,  en mér finnst þetta alveg rosalega spennandi.

Nú er sko eitthvað að gerast.

Og nú mega ráðamenn, ríkisstjórn og aðrir þeir sem á Alþingi sitja aldeilis fara að vara sig.

Burt með spillingaröflin.

Segja eftirlaunafrumvarp kattarþvott

Undarlegar árásir á .............

Þær eru undarlegar þessar árásir á Forseta vor,  herra  Ólaf Ragnar og forsetaembættið.     Það er eins og þeir sem greiðan aðgang hafa að embættismönnum Ríkisendurskoðunar hafi notað aðstöðu sína,  og brotist inn í skjöl forsetaembættisins.

- Hver tilgangurinn er,  með því að klína upplognum sökum og ávirðingum á embættið,  akkúrat núna  þegar önnur mál og enn brýnni þarfnast rækilegrar skoðunar,  átta ég mig ekki á,  en ljóst er að hér er um skýra "smjörklípuaðferð" að ræða. -

Kannski til þess gerð,  að beina athygli landsmanna frá þeim málum sem á þjóðinni brenna þessa stundina, -  og á ég þá að sjálfsögðu við þau mál,  sem Lansdmenn hafa ítrekað sent beiðni um, að fá skýr svör frá Ríkisstjórn þessa lands,  um aðdraganda og undanfara atburðarrásarinnar sem leiddi að falli bankanna og hruni efnahagskerfis Íslands,   og fyrirsjáanlega afleiðingu þessara atburða. - Og hvert ríkisstjórnin hyggst stefna með uppbyggingu og hvernig á að fara að þeirri uppbyggingu.

Þessi árásarhrina á Forsetaembættið byrjaði þegar Jón Gerald,  kom í Silfur Egils s.l. sunnudag og talaði allt í einu lýtalausa íslensku, og skeikaði hvergi lesturinn af velskipulagðri, og vel upplýstri,  ræðu, sem hann var með á blaði . - Þar sem hann bar Forseta vor þungum sökum, og sömu sakir mátti sjá á síðum Morgunblaðisns sama dag í grein eftir Agnesi Bragadóttur.

Og í dag má lesa og heyra í fjölmiðlum að sá hinn sami maður Jón Gerald eða hvað hann annars heitir sá ágæti maður, hafi staðið fyrir mótmælum í Landsbönkum Reykjavíkur þar sem mótmælendur  földu andlit sitt svo sem tíðkast í henni Ameríku, og lásu texta mótmæla sinna af blöðum, og báru spjöld með nafni þess manns sem hengja skal. 

Og þar mátti heyra á mótmælendum,  að þeim voru ekki töm þau orð sem á blöðunum stóðu, sem var svolítið ankanalegt þegar horft er til þeirra kröfugu mótmæla sem þegar hafa farið fram víðsvegar um land og þar hefur enginn mótmælandi velkst í vafa um hverju hann var að mótmæla, í það og það sinnið.

EN EITT ER VÍST AÐ ÞESSI MÓTMÆLI VORU VANDLEGA UNDIRBÚINN. -

Því kom þessi ókunnugleiki mótmælendanna við slagorðin sem á miðunum stóðu,  mér afskaplega spánskt fyrir sjónir.

Bókhaldsgögnum forseta stolið?

Prisma virkar mjög spennandi .....

Mikið rosalega virkar þetta nýja diplómanám spennandi, sem Listaháskólinn og Háskólinn á Bifröst hafa skipulagt í samvinnu við Reykjavíkur Akademíuna. -

Þetta ætla ég að skoða nánar!

Nýtt diplómanám í boði

Sitjum ekki aðgerðarlaus !

Mætum öll vel klædd,  með handavinnuna okkar hver sem hún er, og stólkoll til að sitja á, fyrir utan Stjórnarráðið í dag kl: 17:00.

Sitjum ekki aðgerðarlaus ! Krefjumst afnám eftirlaunaólaganna strax!  Sitjum ekki aðgerðarlaus!

Ráðherrar, alþingismenn, og aðrir opinberir "embættismenn", geta bara verið á sömu eftirlaunum og "opinberir starfsmenn".

Mótmælendur „sitja ekki aðgerðarlausir“

Fríar skólamáltíðir var það sem bjargaði ........

Fríar skólamáltíðir var það sem bjargaði Finnskum skólabörnum frá hungurdauða í kreppunni sem reið yfir Finnland fyrir nokkrum árum. - 

Og þetta var það fyrsta sem hin mæta kona Sigurbjörg  Árnadóttir benti á,  í Silfri Egils, að þyrfti að grípa til,  strax,  hér á landi. -  Því þessar fríu skólamáltíðir í Finnlandi, voru,  oftar en ekki, einu máltiðirnar sem börnin fengu, í þeirri kreppu. -

Það gekk meira að segja svo langt þegar verst lét, að Finnsk skólayfirvöld byrjuðu mánudagsmorgnanna á því, að gefa börnunum að borða,  því þau höfðu ekki fengið neinar máltíðir heima hjá sér yfir helgina. -

Foreldrar þessara barna sultu, og gamla fólkið svalt, í hel, svo tugum skipti. 

 Að ekki sé minnst á þá veiku og þá sem minna máttu sín.

Ég minnist kreppunnar hér á Íslandi 1968 - 1971, - minnisstæðast er,  þegar ég var vitni af þvi að,   gamalt fólk var að hrynja niður á götum Reykjavikur,  og þegar betur var að gáð,  þjáðist þetta gamla fólk af næringarskorti.

Sú kreppa er samt ekki nefnd á nafn,  nú,  þegar verið er að bera saman kreppur síðustu aldar og þess,  sem bíður okkar í þeirri kreppu sem nú er að skella á okkur hér á Íslandi í dag.

Reynum nú einusinni að hafa vaðið fyrir neðan okkur. - Og samþykkjum fríar skólamáltíðir, og það strax.

Fólk á ekki fyrir mat

Þessvegna geri ég kröfur um að allir .....

 Það er rétt sem Göran Persson segir það verða allir að bera byrðarnar.

Ekki bara þeir sem minnst hafa launin. - LÍKA HINIR SEM SETTU OKKUR Í ÞESSAR SKULDIR.

Því geri ég þá kröfu að allir vinnandi menn og konur verði á sömu launum næstu 2 ár a.m.k., á meðan við erum að vinna okkur útúr skuldafeninu. -

Og þá á ég við alla, sama hvaða nöfnum þeir nefnast, og hvaða störfum þeir gegna.

Hvaða laun þarf fólk að hafa til að komast af? Á þeim launum verður þjóðin öll.

Hversvegna eiga sumir að geta lifað af 15o þúsundum á mánuði, á meðan aðrir þurfa að hafa 1.500.000. - eða fimmtánhundruðþúsund.

Og enn aðrir, eða þeir sem komu okkur í skuldasúpuna, fá allt upp í 7,5 milljónir á mánuði og þar yfir. 

Krafan er: ALLIR VINNANDI MENN OG KONUR Á SÖMU LAUN.

400.000.- - 500.OOO.-  ÞÚSUND Á MÁNUÐI.  Á MEÐAN VIÐ ERUM AÐ KOMA OKKUR ÚT ÚR SKULDASÚPUNNI.

VIÐ HLJÓTUM AÐ VILJA SKIPTA LAUNUNUM JAFNT ALVEG EINS OG VIÐ SKIPTUM SKULDUNUM JAFNT.

VIÐ VILJUM RÉTTLÁTT ÞJÓÐFÉLAG.

 

 

 

Persson: Allir verða að bera byrðarnar