Nú er nóg komið Geir, þetta gengur ekki lengur !

Er ekki komið nóg af þessum skrípaleik. - Ef ekki er hægt að reka þá sem uppvísir eru að lygum og prettum, þá verður ríkisstjórnin að segja af sér og efna til kosninga strax. -

Þolinmæðin er á þrotum.

Ekki meir Geir! 

 Þú verður að grípa í stjórnartaumana, það ert jú þú,  sem ert forsætisráðherra,  og þú ræður.  - Þú ræður líka yfir Seðlabankanum.

Þú ræður yfir Davíð !

Og þú getur líka afnumið eftirlaunaólögin, eins og þau leggja sig. - Þú ræður !

 

Kannast ekki við 0%

Nei Geir ekki meir ! Ekki meir !

Nei, Geir ég veit að þú ert mikill húmoristi, ég veit að þú hefur gaman af góðu gríni, og forveri þinn í foringjastólnum er þekktur orðhákur og húmoristi, og góður sem slíkur. -

En nú gangið þið fóstbræður of langt.

Nú er komið nóg af aulahúmor!  Nú er komið af fíflaskap! Hegðun Davíðs er ekki fyndin! Það er bara ekkert fyndið við svona framkomu gagnvart þjóðinni.

    Ég geri mér í hugarlund að hótun Davíðs, um, að hann muni snú aftur í stjónrmálin, ef hann yrði rekinn úr Seðlabankanum,  - virki eins og svipa á flokkinn. -  virki eins og Grýla á flokkinn. - Og að þetta sé dæmi um góðan húmor ykkar Davíðs.  -

Ykkur finnst þetta kannski alveg drepfyndið. -  Svona náið þið best saman,  og þessi Grýlu hótun mun kannski virka til að sameina flokkinn. -  Grýla er einmitt að kalla á börnin sín þessa daganna, því hún er að fara að sjóða til jóla.  - Og hún öskrar :  Komið hingað öll til mín, Leppur, Skreppur, Lápur, Skrápur, Leiðindaskjóða, og Landsfundur allur.

 Og smjörklípan er kannski líka fyndin, og hefur alltaf virkað, fyrr en nú: 

   Nú ætti "múgurinn" að hafa eitthvað, að rífast um. - Og mótmæla. -   Á meðan þið félagar vinnið ykkur inn tíma, fyrir Landsfundinn. - Reddið Mogganum. - Fáið nýja ritstjórn. - Eyðileggið RÚV,  leggið niður landsfjórðungsútvarpið.  En fyrst og fremst komið í veg fyrir klofning innan flokksins.

Já, akkúrat, þannig getur hótunin um Evrópu-Grýluna sem komin er í stað "Rússa-Grýlunnar", virkað flott,  og plottið gengur upp.

   Hugmyndin um aðildildarviðræður Evrópu-Grýlunnar og Íslenskra jafnaðarmanna er hættuleg Íslensku Grýlunni,  Jólasveinunum og verkstæðum þeirra, sem vilja engan jöfnuð. -

Og því þarf að koma í veg fyrir allt sem heitir upplýsingar um aðild eða aðildarviðræður, í augum þeirra sem slást um völdin í Sjálfstæðisflokknum og úrskurða á Landsfundi:  -

 Því skilaboðin verða að vera skýr :  Ef Landsfundur samþykkir aðildarviðræður við ESB-Grýlunna. - þá snýr Foringinn Grýla aftur og klýfur flokkinn.

Já, þið eruð miklir húmoristar, það verður ekki af ykkur skafið.

Dæmi um það, má sjá í fjölmiðlum í dag:  Þá mun ég snúa aftur! - Tilkynnir Davíð. 

Svo hvort er betra, að hafa "foringjann"  góðan í Seðlabankanum,  eða láta hann kljúfa Sjálfstæðisflokkinn? - Spyr sá sem ekki veit. 

Og þannig verða allar aðildarviðræður útaf borðinu á einu bretti ?  -  Það ákveður Landsfundur eins og Styrmir sagði. - Og þið Foringinn takið enga sjensa, Geir? ., þið viljið engar aðildarviðræður.  - 

Og þá mun Davíð geta átt huggulegt ævikvöld í Svörtu loftum svo lengi sem hann lystir. - Því líklega snýst þetta valdabrölt Davíðs,  eingöngu um væntanlegar aðildarviðræður.  -  Og hræðslu flokksklíkunnar ógurlegu,  við það sem kann að koma fram í þessum aðildarviðræðum, sem gæti orðið til þess að landið gegni í ESB. -

Og kannski um Eftirlaunaólögin líka? Því þau lög voru barn Davíðs, var það ekki?

Ekki get ég ímyndað mér, að Davíð hafi nokkra löngun til að standa í þessum látum. - En hvað gerir hann ekki til að reisa,  vini sína jólasveinanna, kvótagreifanna,  og bankafurstanna og þá bræður alla. - uppúr drullunni. - Þeir studdu við hann á sínum tíma.

Og hreingerningin hjá ykkur Geir, mun hún þá felast í afskriftum og niðurfellingu skulda bankanna og fyrirtækjanna, og brunaútsölu á sömu föllnu bönkunum og fyrirtækjum, til þessara sömu gömlu vina og vandamanna sem geta þá keypt aftur gömlu fyrirtækin sín og bankanna fyrir slikk, og nú skuldlausa. -  Þannig lítur það út ef grannt er skoðað.  -

Og allt á kostnað heimilanna, og alþýðu þessa lands.

  Og Foringinn mikli,  mun væntanlega sjá sjálfan sig sem Hannes Hafstein endurborinn, hamast við að reisa nýtt Fullvalda Ísland upp úr öskustónni.  -  og þannig hafi hann bjargað Íslandi úr klóm Evrópu-Grýlunnar. - 

Og mun hann þá aftur leggja til,  að leitað verði frekar á náðir dollarans og Bush. - við að endurreisa "sjálfstæðisstefnu" hins nýja fullvalda Íslands. - Því Foringjanum virðist liggja lífið á,  sem er svo sem skiljanlegt, því Bush hverfur senn frá völdum.

Því í skjóli Bush og Bandaríska hersins blómstraði Sjálfstæðisflokkurinn. -

Og þrátt fyrir brölt Davíðs og Halldórs með því að hengja Ísland í aftaní hóp hinna viljugu þjóða, og eindrægan vilja þeirra kumpána við að festa Ísland á klafa Bandaríkjahers,  fór herinn. -  Og flokkurinn klofnaði.

En heimili landsins eru líka að hrynja, skiptir það ykkur engu máli Geir?  Skiptir það ykkur engu , þó lýðurinn svelti, eða verði gjaldþrota?  

Og kreppan er varla komin, hvernig verður ástandið í mars - apríl?

Þá verður skríllinn kannski hættur að mótmæla, eða farinn burt. - Haldið þið það Geir?

Veistu að þjóðinni blæðir, og henni blæðir út,  ef fer, sem horfir.  

En þið eruð náttúrulega svo miklir húmoristar að ykkur finnst sjálfsagt góður "splatter" með miklu blóði toppurinn á tilverunni.

En nei Geir, ekki meir. - Stöðvaðu þennan ljóta darraðardans.  Svo Ísland lifi.

Davíð: „Þá mun ég snúa aftur"

Eftirlaunaólögin burt fyrir jól !!!

Ég bið þá sem standa að útifundinum á Austurvelli,  að taka kröfuna um afnám eftirlaunaólaganna inn í kröfu næsta útifundar sem verður á morgunn.

Ég kref Alþingi um að taka fyrir frumvarp Valgerðar Bjarnadóttur og fleiri þingmanna Samfylkingar og Vinstri Grænna, um afnám "eftirlaunaólaganna" fyrir strax á mánudag, og afnema eftilaunaólögin áður en þingi lýkur fyrir jól. -

Ég vona að fundarstjóri útifundarins beri fram þessa kröfu mína.  Og fundarmenn samþykki, eða felli. 

Burt með eftirlaunaólögin !

Burt með  spillingaröflin!

Kosningar eins fljótt og auðið er.

Útifundur boðaður á morgun

ÞAÐ VERÐUR AÐ KJÓSA SEM FYRST - AÐVENTAN ER ALVEG TILVALIN TIL KOSNINGA

Það verður að kjósa sem fyrst, Alþingi nýtur ekki trausts. - Heitir það ekki stjórnarkreppa ?

Þessvegna þarf að efna til kosninga og kjósa um það hvort að fólk treystir því fólki sem í framboði er til þess að fara með framkvæmdavaldið og framkvæma það sem þjóðin vill að verði gert, og á þann hátt sem þjóðin ákveður. 

ÞESSVEGNA ÞARF AÐ KJÓSA SEM FYRST, - OG AÐVENTAN ER ALVEG TILVALIN TIL KOSNINGA, ÞEIM MUN GLEÐILEGRI VERÐA JÓLIN. 

OG ÞÁ GETUM VIÐ ALDEILIS HLAKKAÐ TIL JÓLANNA.

 ÞVÍ ÞJÓÐIN HEFUR FENGIÐ AÐ VELJA OG HAFNA.

Hefur almenning ekki með sér

Snillingur sem á ... .... ....

Stefán Karl Stefánsson er snillingur sem á fáa sína líka, og hann lætur ekki deigan síga. - En frítíma sínum ver hann í,  að halda fyrirlestra um einelti, og styðja og hughreysta þá sem orðið hafa fyrir einelti. - Já, hann Stefán Karl er engum öðrum líkur. -

Til hamingju Ísland að eiga slíkan son, sem listamaðurinn Stefán Karl Stefánsson er.

Og ef ykkur langar að fræðast meira um hann Stefán Karl, þá bendi ég á nýja heimasíðu um hann, www.stefankarlfanclub.com

Stefán Karl vekur athygli

Efast líka um stjórnarsamstarfið !

Mikið er ég sammála honum Merði Árnasyni þar sem hann lýsir efasemdum sínum á stjórnarsamstarfinu í þessari grein.

Og ég er líka dauðhrædd um,  hvað verður um fjármagn það sem við höfum fengið að láni frá Alþjóðagjaldeyrirssjóðnum. -

Því það ku vera í "valdi" Seðlabankans að útdeila þeim fjármunum.

Guð hjálpi landi og þjóð !

Efast um stjórnarsamstarfið

Nýtt Lýðveldi - Svo Ísland lifi af

 Þennan pistil skrifaði ég í júlí s.l. -

   Mér finnst rétt að birta pistilinn aftur núna, þar sem ég hef á tilfinningunni að fleiri séu sammála mér nú en voru fyrir hálfu ári síðan.  -   En lesið sjálf. - 

------------------------------- 

   Löngum hafa heimilin verið sögð kjölfesta fjölskyldunnar.  -  Íslendingar eru ein stór fjölskylda,  og okkar heimili og kjölfestan í lífi okkar er Ísland. 

Saman hafa Íslendingar gengið í gegnum súrt og sætt. -  Og fjölskyldan hefur stækkað, dafnað, eflst og þroskast. - 

   Sumir,  reyndar allmargir,  hafa hleypt heimdraganum og leitað sér menntunar á öðrum og stærri heimilum, -  enn aðrir hafa haldið í víking, - en langflestir koma til baka,  til að halda festu í heimilishaldi Íslands. 

   Fyrrum forráðamenn heimilisins Íslands, hafa gjarnan komið í sjónvarp og talað um festu, á meðan þeir skryppla í einhversskonar loftfimleikum á sannleikstrampólíni eða hoppuloftkastala.  - Enginn skilur hvað þeir eru að segja, enda ekki til þess ætlast. - nema jú, að öllum er ljóst að enn sé heimilinu stýrt úr Svörtuloftköstulum. -

   En afþví "fyrrum forráðamenn" tala gjarnan í hálfkveðnum vísum einsog loftkastalamönnum er gjarnt að gera, - vitandi vel að heimilismenn Íslands skilja ekki lengur þegar talað er saman í kviðlingum og hálfkveðnum vísum. -

  Þá fer ég fram á það, við núverandi forustumenn heimilisins á Íslandi,  að þeir tali "skýrt" og skorinort, -  því lífið liggur við. -       

Og ekki er ráð nema í tíma sé tekið. -     Allir vita að það  borgar sig að segja börnum sannleikann, tæpitungulaust,   ekki má láta börnin velkjast í vafa um hvað er að gerast í lífi þeirra,  með því að fara undan í flæmingi, þegar þau spyrja.     Því þá senda forráðamenn börnunum misvísandi skilaboð. - 

 Þögn - er dæmi, um misvísandi skilaboð.  -  

   Um að ekki megi tala um hlutina. - En börn skynja, þögnina.  - vita að eitthvað er að,  en ekki akkúrat hvað. - Þau skilja því þögnina sem samþykki um að "þau" hafi gert eitthvað af sér,  -sem ekki megi tala um. - 

Og þá missa börnin festuna - og fyllast óöryggi.

   Þannig óöryggi er einmitt ríkjandi ástand á heimilisfólki Íslands í dag. -  Við skynjum, að eitthvað mikið er að.  -  Óg það gerir okkur enn óöruggari, að fá ekki að vita,  - hvað það er,  sem er að !-  

   Ég veit, eða ég skynja, að þjóðin sé farin á hausinn.  -  Að þeir sem lofuðu að vernda heimilið, kjölfestuna Ísland, hafa ekki staðið við loforðin.  -

   En þar sem við,  heimilisfólkið,  höfum ekkert heyrt frá þeim,  sem halda um Stjórnartauminn.  -  Eða fengið staðfestingu frá þeim, um, að Ísland sé farið á hausinn. -  Þá, vitum við í raun og veru, ekkert, hvernig staðan er. - 

Hvernig er staðan t.d. á heimilisbókhaldi Íslands í dag ?!?! - 

   Ef staðan er slæm,  er þá ekki ráð að við björgum okkur sjálf,-  áður en okkur verður kippt upp á borð í erlendum banka. - Sem tekur okkur góðfúslega upp í skuld.

   Eins og málin horfa nú,  við okkur heimilisfólkinu,  er það eina von okkar um björgun, -  að við heimilismenn tökum málin í okkar hendur! - Tökum okkur saman í andlitinu,  og -  

    BYRJUM Á AÐ HORFAST Í AUGU VIÐ SANNLEIKANN. -  Viðurkennum að við eigum við vanda að stríða.  -  Með því að fara saman í gegnum Tólf spora kerfið. -

VIÐ byrjum á, að viðurkenna, að þeim sem við treystum fyrir lífi okkar,  og framtíð, hafa ekki staðið vörð um hag heimilisins, eins og þeir sögðust gera. - Og við trúðum í blindni.

BYRJUM Á ÞVÍ AÐ VIÐURKENNA AÐ VIÐ SÉUM ALKAR !

Viðurkennum: - AÐ VIÐ SÉUM BÚINN AÐ VERA Á DÚNDRANDI FYLLERÍI Í RÚMAN ÁRATUG.

Viðurkennum:  AÐ VIÐ ERUM BÚINN AÐ SELJA ALLT UNDAN OKKUR.

Viðurkennum að við erum búinn að :   BRENNA ALLAR BRÝR AÐ BAKI OKKAR.

Viðurkennum að við erum búinn að :  MISSA ÖLL TENGSL VIÐ FJÖLSKYLDUNA.

Viðurkennum að:  VIÐ FEGRUM ALLT ÚT Á VIÐ - AFÞVÍ VIÐ HÖLDUM AÐ VIÐ GETUM EKKI FEISAÐ SANNLEIKANN.

Viðurkennum að :  - ALVEG EINS OG ALKINN, BENDUM VIÐ Á ÞÁ SEM HAFA AÐVARAÐ OKKUR OG SAGT,  AÐ VIÐ SÉUM AÐ DREKKA OG SUKKA Í ÓHÓFI. - 

  Þá bendum við á þá og segjum:  -  ISS ÞEIR ERU BARA  AFBRÝÐISAMIR ASNAR,  YFIR ÞVÍ AÐ VIÐ EIGUM KLÁRARI OG KALDARI KARLA Í BISSNESS EN ÞEIR GETA NOKKURNTÍMA ÁTT.

Viðurkennum að:  -   SJÁLFEYÐINGARHVÖT LANDSMANNA ER SVO MIKIL,  AÐ VIÐ GLEYPUM VIÐ STÓRIÐJU, ÁLVERUM, OLÍUHREINSUNARSTÖÐVUM OG NEFNDU ÞAÐ  -   TIL AÐ GETA HALDIÐ FYLLERÍINU ÁFRAM.  

VIÐ ÍSLENDINGAR ERUM ALKAR !

ÍSLENDINGAR ERU EINS OG AUSTURVELLIR EVRÓPU Á GÓÐUM SUMARVIÐRISDEGI.

ÍSLAND ER ALKI !

OG: -  VIÐ EIGUM ALDREI EFTIR AÐ GETA KOMIST AÐ RAUNHÆFRI NIÐURSTÖÐU UM "FRAMTÍÐ ÍSLANDS" - FYRR EN ÖLL SPIL HAFA VERIÐ LÖGÐ Á BORÐIÐ. -

ÞÁ FYRST GETUM VIÐ FUNDIÐ LAUSN Á VANDANUM ÞEGAR VIÐ "SJÁUM" ÚRHVERJU VIÐ HÖFUM AÐ SPILA

   ALKINN NÆR EKKI BATA FYRR EN HANN VIÐURKENNIR VANDA SINN  -  HORFIST Í AUGU VIÐ SJÚKDÓMINN   - VIÐURKENNIR AÐ HANN EIGI VIÐ VANDA AÐ STRÍÐA. -  OG FER Í GEGNUM TÓLF SPORA KERFIÐ -  ÞÁ FYRST BYRJAR BATINN.

  ÞVÍ EINS OG ALKINN . -  ÞÁ NÁUM VIÐ HEIMILSIFÓLKIÐ Á ÍSLANDI -  EKKI HELDUR NEINUM BATA - FYRR EN VIÐ HORFUMST Í AUGU VIÐ VANDANN, -  VIÐURKENNUM SJÚKDÓMINN, - OG GÖNGUM Í GEGNUM ÖLL SPORIN TÓLF. -  

TÓLF SPORA KERFIÐ - FYRIR RÍKISSTJÓRN, LAND OG ÞJÓÐ ! - 

ER ÞAÐ EINA SEM BJARGAR ÞVÍ, AÐ LANDIÐ OKKAR ÍSLAND LIFI AF.

OG VIÐ GETUM BYRJAÐ UPP Á NÝTT.

Hvað fælir Guðna frá ....?

Hvað í ósköpunum er að gerast, Guðni Ágústsson segir af sér þingmennsku og formennsku í flokknum.

Hvað liggur þarna að baki ?

Er hann að axla ábyrgð ?

Eða ?!?!?!?!?

Hver segir af sér næst?

Guðni segir af sér þingmennsku

Það voru ekki átök í Sjálfst.............!

 Það voru ekki átök í Sjálfstæðisflokknum ! - segr Árni Sigfússon

FRAM Á SÍÐASTA ÁR VAR "SLEGIÐ" Á HÖND ÞEIRRA SEM VILDU RÆÐA EVRÓPUMÁL .....  -  segir Árni.

ÞETTA HEFUR BREYST,  - NÚ FÁ ALLIR AÐ KOMA SÍNU AÐ. - ! segir bæjarstjórinn.

RÖKRÆÐAN ER MJÖG MIKILVÆG,  OG ÞAÐ ER KOMINN TÍMI TIL AÐ TAKA ALVÖRU UMRÆÐU UM MÁLIÐ! - segir bæjarstjórinn Árni

FER VIRKNI BLÁU HANDARINNAR DVÍNANDI ?!?

MENN ERU AÐ KOMAST AÐ ÞVÍ Í SJÁLFSTÆÐISFLOKKNUM AÐ "RÖKRÆÐAN" SÉ MIKILVÆG Í PÓLITÍK.

JA, BRAGÐ ER AÐ ÞÁ BARNIÐ FINNUR.! - Hvað gerist nú þegar flokksmenn hafa fundið bragðið af lýðræði, -  losnar þá um tök "Bláu handarinnar" ? -

Munu þau þora að taka undir kröfu almennings og segja: -

BURT MEÐ SPILLINGARÖFLIN !

Setjast á að samningaborðinu

Nú koma þeir af fjöllum hver á fætur öðrum ....

Nú fara þeir að tínast af fjöllum hver af öðrum  "jólasveinarnir".

 - Ég var farin að halda að Fjármálaráðherrann hefði flúið tómar fjárhirslur  Ríkisins, sérstaklega eftir að hafa yfirtekið bankanna hvern á fætur öðrum en gripið líka í tómt þar.

 Svo les ég í Morgunblaðinu að loks hafi Ráðherrar komið af fjöllum.

 Og þá get ég andað léttar.

 Því nú er allur búpeningur landsmanna kominn af fjöllum þetta árið. 

 Hvort fjallheimtur eru góðar er ekki nefnt. 

 En féð er komið í hús. 

 Og dýralæknirinn í Fjármálaráðuneytið.

 Og Fjármálaráðherrann kominn í fjárhirslurnar. 

 Og þá er bara að bíða þess að þeir fari að tínast af fjöllum,  hinir jólasveinarnir.

 Og hvað þá gerist veit nú enginn, -  vandi er um slíkt að spá.

 En vonandi fáum við SVÖR um heimtur, það er ekki seinna vænna.

Ráðherrarnir koma af fjöllum