Eitruð pólitík!

   Mikið assskoti getur pólitíkin verið eitruð! 

   Árni hefur fengið að finna vel fyrir því, þegar fæðubótarefnið hans, sem átti að skila honum auknum kröftum í köggla og hraustlegt og gott útlit. 

  Skilaði honum svo bólgnum hnúum og hnefum og sprungnar neglur, að hann gat ekki látið hendur standa fram ermum.

Það ku hafa verið svo hrikalegt að hann hafi ekki getað heilsað að "sjómannasið" lengi.

Enn svoleiðis "heilsing" hefur lengi verið aðalsmerki Árna.

   Og einmitt fyrir svoleiðis "heilsingu" er hann hvað þekktastur, fyrir utan tónlistina sína, sem hann stundar jafnan af dugnaði og elju. 

   En nú hefur Árni semsagt farið í afeitrun, svo nú má vænta þess, að hann taki til við fyrri iðju, af enn meiri ákefð en áður,  heilsi nú jafn hraustlega og hann gerði áður, jafnvel af enn meiri kröftum, enda ekki seinna vænna, það eru jú að koma kosningar.

  Þeir sem ég þekki, og hafa látið glepjast af skyndireddingum rétt fyrir kosningar, með því að svolgra í sig fæðubótarefni án þess að lesa notkunarreglurnar, allt gert til að verða eins vinsæll og íþróttaálfurinn, eða Glanni glæpur, hafa hingað til látið sér nægja að hætta bara notkuninni, og snúið sér að hreinum ómenguðum íslenskum afurðum, og öðrum vörum án aukaefna.

   Aðeins með því að sleppa hvítu hveiti, hvítum sykri, hvítu pasta, og allri unninni kjötvöru, og allri unninni fiskvöru, og allri vöru sem inniheldur msg. 

   Þá hafa þeir hinir sömu bara afeitrast án nokkurrar utanaðkomandi hjálpar, og hafa því getað notað peningana í afborganir af lánum sínum í stað Póllandsafeitrunarferðar. - 

  Og að launum hafa þeir þannig losnað við rándýra fæðubótareitrun,  og líka losnað við að þurfa að fara í rándýra afeitrun.

   Og þurfa því ekkert að borga upp í ferðina með krassandi auglýsingu.

   Svona getur nú lífið verið auðvelt, ef maður þarf ekki að vasast í pólitík.

   Og ef maður þarf ekki að punga út fyrir rándýrum prófkjörsauglýsingum.

   Því pólitíkin getur verið svo eitruð.

 

 

DV: Eitrað fyrir Árna Johnsen

Hvar eru handjárnin !?!?!?

 

Er þarna ekki komin næg ástæða til að grípa helv. skúrkinn,  og færa hann til yfirheyrslu, og láta hann fá stöðu  ........ 

Allavega nú er hægt að kyrrsetja hann og frysta allar hans eigur,

Var það ekki einhvernveginn þannig sem hann sagði að ætti að fara aðþví að ná þessum svikahröppum,  lögmaðurinn í Silfri Egils s.l. sunnudag. 

Og nú er sönnunin komin, glæpurinn var framin.

Svo hvar er löggan með handjárnin?

Leynifélög Ólafs vistuð á Tortola

Eftirlauna(ó)lögin burt !!!

  

   Nú er fyrsta umræða um afnám eftirlaunalaganna hafin á Alþingi.

  Nú hljóta allir þingmenn að vera í stuði, yfir að fá loks að standa við orð sín, og taka þátt í, að afnema þessi fjárans eftirlaunaólög. 

   Nú getur líka Birgir Ármannsson aldeilis glaðst, því loksins er stjórnarfrumvarp um afnám eftirlaunalaganna komið fram. -

    Og nú getur Birgir Ármanns samviskusamlega tekið frumvarp Valgerðar Bjarnadóttur um afnám eftirlaunalaganna sem hann hefur setið á síðan haustið 2007, og ekki viljað láta fjalla um,  í allsherjarnefnd af því að stjórnarfrumvarp sé væntanlegt um sama mál, hvað úr hverju.

   Já, nú getur Birgir semsagt tekið frumvarp Valgerðar Bjarna & félaga, og stungið því allsstaðar annarsstaðar en undir stól. 

  Hann getur m.a.s. stungið því í rass.....vasann sinn,  eða félaga sinna,  ef það "sé" stemmning.

   Eða, hann getur sjálfur lagt það fram, því það gengur lengra en frumvarp Steingríms J.  Og þá mundi nú Birgir Ármannsson skora feitt. -  

   Svo sá ég að Sigurður Kári sagði í fréttum að hann vildi að Kjararáð réði eftirlaunum þingmanna alveg eins og launum þeirra. -

   Sigurður Kári áttar sig kannski á því hvernig kaupin gerast á eyrinni,  ef hann les lögin um eftirlaun opinberra starfsmanna, og hverjir það eru sem þau ákveða. 

  Og hversvegna sömu lög eiga að gilda um alla opinbera starfsmenn þegar til eftirlauna kemur. 

   Sá líka að Kristinn H. Gunnarsson kvartaði sáran, á sömu nótum og Siv um daginn, - Kristinn H. sagði að ef hann þyrfti að fá sömu eftirlaun og aðrir opinberir embættismenn, þá yrði hann að fá hærri laun,  þá yrði að hækka laun þingmanna, ef almennilegir þingmenn ættu að fást til að setjast á þing hér eftir.

  Jamm. -  Já, það er fjör,  - já, það er fjör, .....

  Við sjáum hvað setur, og fylgjumst grannt með.

Ræða eftirlaunalögin

Loksins spor í átt að lýðræði !

Kjósendur vilja hafa eitthvað að segja um hverja þeir eru að kjósa til setu á Alþingi.

Kjósendur vilja kjósa um menn, og krefjast því persónukjörs.

Kjósendur vilja kjósa um menn og málefni.

Nú er að sjá hvort og hvaða flokkar þora að leggja vinnu sína í dóm kjósenda í raun.

Nýtt frumvarp Forsætisráðherra er jákvætt spor í átt til lýðræðis.

Fylgjumst með.

Persónukjör í kosningunum?

Vitlausasti maðurinn !?!?!?!?!?!?

Vitlausasti maðurinn

09feb09

„Auðvitað þóttist ég hafa heilmikla þekkingu og reynslu frá því ég var borgarstjóri og forsætisráðherra lengi og það allt saman en ég komst auðvitað fljótt að því að þegar maður kemur í nýtt starf að þá er maður vitlausasti maðurinn á staðnum í töluverðan tíma. Og þar lenti ég í, menn sátu í umræðunum og ég skyldi ekki helminginn af því sem menn voru að segja af því að menn nota svona annan talsmáta og þess háttar. Og það er ekkert að því að vera vitlausasti maðurinn á staðnum ef þú viðurkennir það. Ef þú viðurkennir það þá hættirðu því kannski fljótlega en ef þú viðurkennir það ekki og þykist vera eitthvað betri heldur en þú ert þá verðurðu það bara áfram.“

Davíð Oddsson í Kastljósi í september 2006, nýorðinn Seðlabankastjóri

Þetta fann ég á bloggi Sigurjóns M. Egilssonar, og mér fannst alveg tilvalið að setja það hér inn rétt til að minna á þessi orð Davíðs.

 

 

 

Christensen: Neyðarlegt að Davíð segi ekki af sér

Piparúði drepur !!!!!

Svar embættismanna heilbrigðissviðs Reykjavíkurborgar við fyrirspurnum Guðrúnar Erlu Geirsdóttur myndlistarkonu um heilsufarsleg áhrif piparúða  á þá sem fyrir honum verða eru alveg með eindæmum, og veita á engan hátt fullnægjandi svar um mögulega skaðsemi piparúða, á þá sem fyrir honum verða. 

   Við erum bananalýðveldi, ef við tökum svona svörum embættismanna á heilbrigðissviði hjá Reykjavíkurborg, þegjandi og hljóðalaust.

   Það að Bandaríkjamenn hafi bannað sölu á piparúða,  nema með sérstökum undanþágum, sem þarf að sækja um leyfi fyrir, eins og um kaup á byssu sé að ræða, segir sína sögu.

   Þetta stranga skilyrði fyrir kaupum á piparúða, settu Bandaríkjamenn þegar sýnt þótti,  og sannað, svo ekki varð um villst, -  að piparúði getur valdið varanlegum skaða. Og piparúði getur valdið dauða þess sem fyrir honum verður. 

  Alveg eins og skot úr byssu getur valdið dauða þess sem fyrir skotinu verður.

ÞESSVEGNA VORU SETT SÖMU LÖG UM KAUP OG NOTKUN OG Á PIPARÚÐA -  OG UM KAUP OG NOTKUN Á BYSSU í Bandaríkjunum.

Piparúði getur valdið dauða, og hefur valdið svo mörgum dauðsföllum í BNA að setja þurfti ströng lög um notkun hans.

Ég hvet því Guðrúnu Erlu Geirsdóttir varaborgarfulltrúa Samfylkingar til að fylgja fyrirspurn sinni fast eftir, og sætta sig ekki við svona vinnubrögð, eins og svar embættismanna heibrigðissviðs Reykjavíkurborgar ber vott um. 

Um  leið vil ég þakka Gerlu árvekni hennar, fyrir heill og heilsu borgarbúa.

 HÚRRA FYRIR GERLU !!!!!

Tekist á um piparúða

She loves you ! Jeh, jeh, jeh.

Það sem henni Dorrit getur dottið í hug !!!

Hún er alveg hreint stórkostleg.

She loves you je, je, je. - je, je, je,

 Je, je, je, je.  

Dorrit: Ísland verði svalari útgáfa af Dubai

Mun láta verkin tala !!!

Hún sagði "Minn tími mun koma" og nú er hennar tími runnin upp.

Hún er núna  "Forsætisráðherra Íslands".

Og Frú Forsætisráðherra segir: "Ég mun láta verkin tala".

Og hún "Forsætisráðherrann" ku vera hamhleypa til verka.

Svo það er ekki ráð nema í tíma sé tekið.  - Fyrir hana forsætisráðherrann að taka til hendinni, -  nú,  þegar hennar tími er kominn, til að vera, í áttatíu daga og fjórum betur.

 

 

Stjórnarskiptin vekja athygli

Ég er stolt af þjóð minni .....

   Öll mótmæli eru eðlileg í lýðræðisríki, sagði menntamálaráherra í dag, og bætti við,  en þau mega heldur ekki ganga það langt að þau fari að súast upp í andhverfu sína. - 

Ég er hjartanlega sammála henni.

   Þessvegna skil ég ekki enn, hegðun óeirðalögreglunnar þegar þeir mættu á svæðið gráir fyrir járnum, og skipuðu fólkinu í Alþingisgarðinum að færa sig fjær Alþingishúsinu. - Og þegar fólkið er að mjaka sér fjær og a.m.k. 5 ljósmyndarar taka sig til og mynda kurteisa mótmælendurna,  að þá skuli óeirðalögreglan gera sér lítið fyrir og gasa alla ljósmyndaranna. Hvern á fætur öðrum.  

Hvað lögreglunni gekk til með þessum níðingsskap, er ofar mínum skilningi. Og afleiðingin er eins og sjá mátti í fréttum kvöldsins. 

   Lögreglustjóri Höfuðborgarsvæðisins kom í Kastljós í kvöld og var spurður m.a. um þetta atvik sem var,  eins og fyrr segir upphafið að meisun og kylfubarsmíðum lögreglunnar.

Hvað lögreglunni gekk til með því að gera fréttaljósmyndara á svæðinu óvirka, skil ég ekki, nema á einn veg. 

Dæmið sjálf þarna miðar ein óeirðalöggan beint í augu hins unga og efnilega fréttaljósmyndara Jakobs Fannar og gasar af lífs og sálarkröftum. Það má sjá á myndinni sem fylgir fréttinni.

Ég sá alls 5 fréttaljósmyndara liggja í valnum, eftir þessa óvæntu árás óeirðalögreglunnar, á menn sem voru bara að vinna vinnuna sína.

Því spyr ég:  Hverra hagur er það þegar heiðarleg mótmæli snúast upp í andhverfu sína?

    Eitt er víst að engum af þeim fréttaljósmyndurum sem gasaðir voru í dag er hagur af því að fá þetta eitur upp í augun, og vita ekki hversu varanlegan skaða þeir bera af.  Þar er atvinna þeirra í húfi.

   Því piparúði er bannaður, m.a.s. í hinum frjálsu Bandaríkjum eftir að í ljós kom að piparúði drepur, já piparúði getur valdið dauða fólks. -  Þessvega þarf tilskilin leyf fyrir piparúða eins og byssum í Bandaríkjunum.

   Er búin að fatta plottið, var að hlusta á hina mætu konu Helgu Völu þegar hún sagði réttilega. - Mótmælin eiga ekki að snúast um aðgerðir lögreglunnar. -

   Mótmælin eiga að snúast um málefnin sem verið er að  mótmæla, og því var það akkur ríkisstjórnarinnar að snúa mótmælunum upp í andhverfu sína.

Björn Bjarnason dómsmálaráðherra og yfirmaður lögreglunnar, var enn í Alþingishúsinu þegar tíufréttir kvöldsins voru sendar beint frá Alþingishúsinu.  

 

 

Mótmæli mega ekki snúast upp í andhverfu sína

Fólk vill stjórnarslit strax !

Þessvegna hafa þúsundir Íslendinga mótmælt við Alþingishúsið í allan dag.

Þessvegna er fólk enn að mótmæla við Alþingishúsið!

Þessvegna mun fólk halda áfram mótmælum við Alþingishúsið, þar til ríkisstjórnin fer frá,  og efnt verður til kosninga.

Ekki stjórnarslit í augnablikinu