Lilja Guðrún Þorvaldsdóttir

21.1.2009 | 00:28

Ég er stolt af þjóð minni .....

Öll mótmæli eru eðlileg í lýðræðisríki, sagði menntamálaráherra í dag, og bætti við, en þau mega heldur ekki ganga það langt að þau fari að súast upp í andhverfu sína. -

Ég er hjartanlega sammála henni.

Þessvegna skil ég ekki enn, hegðun óeirðalögreglunnar þegar þeir mættu á svæðið gráir fyrir járnum, og skipuðu fólkinu í Alþingisgarðinum að færa sig fjær Alþingishúsinu. - Og þegar fólkið er að mjaka sér fjær og a.m.k. 5 ljósmyndarar taka sig til og mynda kurteisa mótmælendurna, að þá skuli óeirðalögreglan gera sér lítið fyrir og gasa alla ljósmyndaranna. Hvern á fætur öðrum.

Hvað lögreglunni gekk til með þessum níðingsskap, er ofar mínum skilningi. Og afleiðingin er eins og sjá mátti í fréttum kvöldsins.

Lögreglustjóri Höfuðborgarsvæðisins kom í Kastljós í kvöld og var spurður m.a. um þetta atvik sem var, eins og fyrr segir upphafið að meisun og kylfubarsmíðum lögreglunnar.

Hvað lögreglunni gekk til með því að gera fréttaljósmyndara á svæðinu óvirka, skil ég ekki, nema á einn veg.

Dæmið sjálf þarna miðar ein óeirðalöggan beint í augu hins unga og efnilega fréttaljósmyndara Jakobs Fannar og gasar af lífs og sálarkröftum. Það má sjá á myndinni sem fylgir fréttinni.

Ég sá alls 5 fréttaljósmyndara liggja í valnum, eftir þessa óvæntu árás óeirðalögreglunnar, á menn sem voru bara að vinna vinnuna sína.

Því spyr ég: Hverra hagur er það þegar heiðarleg mótmæli snúast upp í andhverfu sína?

Eitt er víst að engum af þeim fréttaljósmyndurum sem gasaðir voru í dag er hagur af því að fá þetta eitur upp í augun, og vita ekki hversu varanlegan skaða þeir bera af. Þar er atvinna þeirra í húfi.

Því piparúði er bannaður, m.a.s. í hinum frjálsu Bandaríkjum eftir að í ljós kom að piparúði drepur, já piparúði getur valdið dauða fólks. - Þessvega þarf tilskilin leyf fyrir piparúða eins og byssum í Bandaríkjunum.

Er búin að fatta plottið, var að hlusta á hina mætu konu Helgu Völu þegar hún sagði réttilega. - Mótmælin eiga ekki að snúast um aðgerðir lögreglunnar. -

Mótmælin eiga að snúast um málefnin sem verið er að mótmæla, og því var það akkur ríkisstjórnarinnar að snúa mótmælunum upp í andhverfu sína.

Björn Bjarnason dómsmálaráðherra og yfirmaður lögreglunnar, var enn í Alþingishúsinu þegar tíufréttir kvöldsins voru sendar beint frá Alþingishúsinu.

	Mótmæli mega ekki snúast upp í andhverfu sína
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 00:43 | Facebook

Athugasemdir

Sérsveitin býr til óeirðir, Lifi byltingin!!!!

Jóna Kolbrún Garðarsdóttir, 21.1.2009 kl. 02:46

Takk fyrir að samþykkja bloggvináttu við mig.

Jóna Kolbrún Garðarsdóttir, 21.1.2009 kl. 02:59

Ég er stolt af tjód minni einnig.Torgerdur Katrín segir rádherra turfa taka afdrifaríkar ákavardanir sem er hárrétt..En besta ákvördunin er ad tau segji af sér.Hvenær ætli ad tau geri sér grein fyrir hvad mótmælin snúast um.Burt med hiskid og tad straks.

Hjartnskvedja til tín frá Jyderup

Gudrún Hauksdótttir, 21.1.2009 kl. 09:37

Takk fyrir síðast elsku Lilja mín, það var yndislegt að hitta svona á þig og slást í för. Ég er sammála, Helga Vala stóð sig vel í sjónvarpinu og að sjálfsögðu eiga mótmælin ekki að snúast um aðgerðir lögreglunnar heldur málefni mótmælenda. Vona samt að Ríkisstjórnin fara að skilja að þeim er ekki sætt lengur og fólkið vill kosningar strax.

Ég var enn að baxa við að klippa lítið bíó frá atburðum gærdagsins um þrjú leitið í nótt en þá hafði mikið gengið á á Austurvelli og mótmælin komin út í öfga að mínu mati, þegar menn rífa upp bekki og setja á bál og skemma. Ég er friðsæll mótmælandi og þoli ekki stríð. - Baráttukveðjur til þín, eva :)

Eva Benjamínsdóttir, 21.1.2009 kl. 17:29

Já.... lögreglan er of baráttuglöð. Mér kemur alltaf í hug fréttin af mótmælum bifreiðastjóra við Rauðavatn. Bílstjórarnir voru að gefa lögreglunni í nefið í mestu makindum. Þar spurði fréttamaður lögregluþjón hvort vænta mætti einhverra viðbragða lögreglunnar við þessum mótmælum og löggan svarar eitthvað á þessa leið; "bíddu bara og sjáðu.... það gerist ýmislegt á eftir". Stuttu síðar meisuðu þeir bílstjórana af engu tilefni. M.ö.o. fannst mér augljóst að ákvörðunin hafði verið tekin fyrirfram af lögreglunni algerlega burtséð frá hegðun mótmælenda. Hugsanlega er það að gerast aftur í gær ? Ef svo er, er það óforsvaranlegt.