Smjörklípuaðferðin tókst - Allt er samkv. áætlun ..yfir og út...

Ég held ég sé búinn að fatta gátuna! - eða svarið. - Hvað á annars að kalla þennan leik sem búið er að leika með okkur borgarbúa, og reyndar landsmenn alla, síðustu mánuði.

   En nú, þegar búið er að rífa bitbeinið út úr Ólafi F., og stinga því upp í Óskar Bergsson, og hann situr, sæll og glaður, og japlar með sínu biti, -  þá hlýtur hann að telja sig hafa þau tögl og hagldir, sem Ólafur F. hafði áður. -   Og unir því glaður við útdeilingua embætta og nefndarstarfa.

   Mætti því ætla að nú skapist friður í Borginni, svo hægt sé að fara að snúa sér að vinnu.  - 

     En það er ekki í hendi,  þó að það hafi verið formaður Óskars, sjálfur bjargvætturinn úr grasinu Guðni Ágústsson sem nú bjargaði óstýrilátu börnunum í Borgarstjórnarflokki Sjálfstæðismanna til stjórnar á ný. - Um leið og hann reynir að bjarga eigin skinni frá því að vera dæmdur í sögubókum afþví að hafa verið linkind í ríkisstjórn sem samþykkti m.a. að setja Ísland á lista hinna viljugu ....... 

  Nú er ekki vegur, að nota misskilnings aðferðina, það sjá allir orðið í gegnum hana. -  Þessvegna verða allir sem vettlingi geta valdið að nota  núna "smjörklípuaðferðina hans Davíðs". -

Obbbo bobb!!!

    Enda er vá fyrir dyrum, komin er út bók,  sem sýnir svo ekki verður um villst,  staðreyndir mála,  sem hafa verið haldið leyndum fyrir Íslensku þjóðinni.  -  En nú þegar ljóstrað er upp um leyndina, er hætta á,  að farið verði að blása lífi í sannleikann og honum blásið út til óánægðra kjósenda og annarra þurfalinga,  sem sífellt eru tilbúnir til að stökkva upp á nef sér og væla, og skæla. -

   Þá er næsta víst,  að vinsældir Samfylkingarinnar rjúki upp úr öllu valdi,  og Vinstri Grænir komist í fréttatímanna á ný. - Því er þörf á að grípa til róttækra aðgerða, og  kveða niður alla umræðu um upphaf Íraksstríðsins, og brottför Bandaríska hersins. -

   Það þarf að berja niður alla umræðu, um hverjir mökkuðu,  og hverjir ráðlögðu,  Fyrrverandi forsætis og utanríkisráðherrum, að haga sér eins og þeir gerðu. -

    Nú kemur í ljós,  að þeir Davíð og Halldór, höfðu hvorki þekkingu, né skilning,  til að skilja, og meta,  hvað þeim bæri að gera. - Hvað þá,  að þeir segðu rétt frá, hvorki á Alþingi né frammi fyrir alþjóð. -

   Sumir segja að umskiptin í Höfuðborginni síðustu daga, hafi orðið mun fyrr en, gert hafði verið ráð fyrir, til þess að koma í veg fyrir uppþot almennings, og upphlaup fjömiðla. - Og óvægin skrif blaðamanna um viðkvæm mál,  sem ekki máttu sjá dagsins ljós, næstu áratugina. -

   Sagt er,  að þá hafi verið ákveðið,  að drífa bara í að skipta Ólafi út, og Óskari inn, þannig mundi almenningur væntanlega gleyma sér í blaðri og bloggi um þau út/inn skiptingar næstu vikurnar. -

Á meðan gefst tími fyrir ráðbrugg um nýja Ríkisstjórn. - 

   Ef það tekst ekki, mun Framsókn segja frá því hvað Davíð gerði vitlaust.  -   Og á móti hótar Sjálfstæðisflokkurinn að segja frá hvað Halldór gerði rangt. - 

    Og það var byrjað að planta rógi hér , og  dassi þar. - Saklaust pöbbarölt Ólafs gert að drykkju með  ósæmilegri hegðun. -  Svo m.a.s. Hanna Birna taldi sér ekki sæma að segja frá í smáatriðum í Kastljósi, slíkur væri óhugnaðurinn,  en svoleiðis væri ekki hægt að líða nokkrum manni,  hvað þá Borgarstjóra,  lýsingin setti hroll að þeim sem hlustuðu, svo hræðilega leið veslings verðandi Borgarstjórastýrunni,  sem dæsti af vanlíðan, - Hún hefur líklega aldrei heyrt um "Útvarpssögu Bermúdaskálarinnar"  á Íslandi og góðglaða borgarstjórann.  - Nei, líklega ekki hún er svo ung. - En hún er ekki of ung til að láta blekkja sig til að nota svona aðferð til að koma höggi á samstarfsmann sinn. - og losa sig þannig við manninn,  sem hefur ekki einu sinni bakland, eins og hún benti líka ábúðarfull á,  Ólafi til foráttu. -  Ritstjóri einhvers blaðs kom líka í Kastljós og vitnaði um hverslags kjaftasögur gengju um borgarstjórann, án þess að hann væri víttur fyrir frá stjórnanda Kastljóss. Þetta hef ég aldrei "séð og heyrt" fyrr í Kastljósi. -

   Öllu var semsagt tjaldað til, - til að leiða fólk frá þeim fréttum, sem ég beið eftir að fjallað væri um, - sem maður hefði ætlað,  að hvert mannsbarn sem komið er til vits og ára,  mundi vera að ræða þann daginn og daganna á eftir, og í dag.   

   Það er frétt eins og birtist í Fréttablaðinu, útbreiddasta dagblaði landsins. -  Það sem þar segir í fyrirsögn: "STJÓRNVÖLD OFMÁTU STÖÐU TIL SAMNINGA Í VARNARMÁLUM"

Stjórnvöld ofmátu stöðu Íslands í deilum vegna brotthvarfs Bandaríkjahers. Stuðningur við Íraksstríðið kom fram fyrr,  en Davíð og Halldór hafa haldið fram.  

 Halldór neitar.

 Davíð þegir. 

   Þar kemur líka fram, að Íslensk stjórnvöld lýstu yfir stuðningi við innrásina í Írak, eftir,  að ljóst varð, að herinn yrði kallaður héðan. -  En Davíð og Halldór héldu,  að slíkur stuðningur mundi liðka fyrir að hluti hersins yrðu hér um kyrrt.  -  Fljótlega var þó ljóst, að stuðningur Íslands við innrásina skipti þar engu máli herinn mundi samt fara. - 

   Athygli vekur, að stuðningur við árásina var staðfestur,  þegar ósk breskra stjórnvalda þar um, barst degi fyrr,  en fyrrverandi forsætis- og - utanríkisráðherrar hafa haldið því fram að beiðni um slíkan stuðning,  hafi borist frá Bandaríkjunum.

   Afhverju var þetta ekki á dagskrá fjölmiðla í dag, viðtöl við þessa fyrrverandi Forsætis og Utanríkisráðherra. -  Viðtöl vegna viðbragða pólitíkusa suður með sjó,  sem héldu því fram að brottför Bandaríkjahers hefði komið þeim í svo opna skjöldu, - að þeir hafi ekki haft grænan grun um,  að það,  svo mikið sem stæði til, að herinn færi.  

   Viðbrögð virkjunarsinna, fyrir austan, vestan og norðan, um blekkingarleikinn sem leikinn var  í kringum velvildina við álverið í Helguvík.  - Þar sem enginn fyrirvari hafði verið um,  að svo og svo   margir yrðu atvinnulausir, og þar sem að herinn hefði bara rokið burt, einn, tveir og þrír.

Hvar eru fjölmiðlar nú? - Hvar er Kastljósið ? - Er þetta kannski Ísland í dag?

 

Klækir eða klúður nema hvorttveggja sé ! - Allt er þegar þrennt er !!

Nú gerast hlutir svo hratt að maður hefur ekki undan að breyta og bæta pistilinn, ég held að ég gefist upp í bili, og gefi orðið laust .

Nú virðist semsagt Óskar sé búinn að samþykkja, að ganga í sæng með Hönnu Birnu og Vilhjálmi. - Hanna Birna verður Borgarstjóri fyrst, Vilhjálmur Forseti Borgarstjórnar, og Óskar form. Borgarráðs.

- Sömu klækir - Sama klúður -

- Ætlar að endurtaka sig þar á bæ. - 

- Allt er þegar þrennt er -

Þá hefur hringurinn í kringum klæki og klúður Sjálfstæðismanna lokast !

 

   En það liggur fyrir að í morgun bauðst  Ólafur F. til þess að segja af sér og víkja þannig fyrir  Margréti Sverrisdóttur til að greiða fyrir myndun nýs Tjarnarkvartetts. -

 

   Ég vona og bið,  að sú verði raunin,  að við fáum í lok dags,  að sjá "Tjarnarkvartettinn" koma til baka, brosandi og hlý og segja okkur að þau séu tekin við Borginni á nýjan leik. - Og þá geti maður leyft sér að líta upp og anda léttar af feginleik.  -

   Seinna getur maður svo litið til baka til síðustu mánaða, og litið yfir það sem þar gerðist,  eins og þetta hafi bara verið,-  eins og sjö mánaða hryllingsmartröð,  -  sem virtist engan endi ætla að taka.   -  En nú værum við laus úr ánauð þeirrar valdagræðgi og firringar,  sem þessari martröð fylgdi.  -

    Einungis gerð til þess, að við gætum lært af því hvernig fer,  ef við ekki vöndum val okkar til þeirra fulltrúa,  sem eiga að fara með völdin í þessari borg.  - Og við gætum brosað til lífsins á nýjan leik. 

- Því fjöregg okkar væri komið í hendur þeirra sem fara fyrir félagshyggju. 

Ólafur vildi Tjarnarkvartett

Snillingurinn Ólafur F. stenst engum snúning.

   Ólafi F. tekst það sem engum öðrum hefur tekist en áreiðanlega marga hefur dreymt um, - það er að knésetja Sjálfstæðisflokkinn í Reykjavík, vitandi það að þar með brotnar Sjálfstæðisflokkurinn niður í öreindir fylkinga, sem engan vegin er hægt að sjá fyrir um, hvernig endar. -

   Maðurinn sem hrakinn var út af Landsfundi Sjálfstæðismanna Í Laugardalshöllinni forðum daga með svívirðingum, bauli og púi,  svo skömm var á að hlusta og sjá. -

Það var keikur maður en brotinn maður, sem sagði sig úr Sjálfstæðisflokknum í kjölfarið.

Það var maðurinn sem stofnaði Framboð Frjálslyndra til Borgarstjórnarkosninga í Reykjavík. -

   Og hann komst inn í Borgarstjórn, og seinna komst hann í oddaaðstöðu, þegar hann krækti í Vilhjálm Þ. eftir Borgarstjórnarkosningarnar 2006, þó hann missti hann,  þegar hann var rétt við það, að landa honum.

   Og úrþví það fór svo, þá ákvað Ólafur að halda sig í fríi, -  Hann sat í rólegheitum, og  fægði veiðistöngina, og endurnýjaði í veiðikassanum, fór yfir fluguúrvalið,  skoðaði flugufót hér, og kom fyrir flugufót þar. -  Sat við fullur einbeitni og ofurrólegum ásetningi.  

Svo þegar REI málið náði hámarki, prófaði Ólafur sitt fyrsta flugukast, -  það gekk eftir,  hann krækti strax,  í,  beggja vegna árinnar.  -  

   En þegar hundrað daga meirihlutinn hafði komist í hæstu hæðir í vinsældum, - Svo m.a.s. stækastu íhöld töluðu um það í ræðu og riti, hve vel þessi fríði hópur Tjarnarkvartettsins stæði sig.  - Ákvað Ólafur að stoppa hann upp, og kasta aftur.-  ....

Svo, Ólafur kastaði á nýjan leik,  nú með  sinni nýjustu flugu,  sem hann af natni hafði sjálfur vafið, og sjá -

   Sjáfstæðisflokkurinn beit allur á, -  nú með Kjartan í broddi fylkingar, en Vilhjálm Þ. sem aðal aðstoðarmann og staðgengil. - Og áður en dagur var að kvöldi kominn, var Ólafur búinn að landa nýjum meirihluta með einu og öllu. - Og .....

   Ólafur var orðinn Borgarstjóri í Reykjavík - Hvern hefur ekki dreymt um að verða Borgarstjóri í Reykjavík, sem setið hefur í áraraðir í meirihluta í Borgarstjórnarflokki Sjálfstæðisflokksins, en verið flæmdur úr fokknum, fyrir að hafa hugsjón. 

Og nú hefur Ólafur öll tögl og hagldir yfir öllum Borgarfulltrúunum eins og þeir leggja sig. - 

   Allir vita að hann segir satt , þegar hann segir við óþekka Sjálfstæðismenn,  að hann hafi sprengt meirihluta Tjarnarkvartettsins til að hjálpa þeim, -  kærum vinum sínum og fyrrum flokksfélögum Vilhjálmi og Kjartani og öllum hinum góðu vinum,  til að komast aftur til valda. -

Og líka þegar hann minir þá mjög alvörugefinn á, - að Hann fari bara til baka, ef þeir eru ekki góðir, og geri eins og hann segir.  -

Svo nú er takmarkinu náð, - Ólafur hefur náð því markmiði,  að hafa Sjálfstæðisflokkinn í hendi sér.

Og hann getur spilað með flokkinn eins og honum sýnist. -  Og það gerir hann. -

Ásamt sínum mönnum, sem eru jú ennþá innan Sjálfstæðisflokksins en hafa ekki fengið að njóta þess fyrr en nú. -

Svo Ólafur er þá snillingur! -  Því ekki bara að honum hafi tekist að lama Sjálfstæðisflokkinn,  honum er  líka að takast að leggja niður Frjálslyndaflokkinn,  og jafnvel Íslandshreyfinguna líka, ef honum sýnist svo. - Það hefur engum einstaklingi tekist fyrr.

Þannig tekst honum að hefna sinna harma frá Landsfundinum forðum.  -

SÁ HLÆR BEST SEM SÍÐAST HLÆR !

 

 

Tæp 2% borgarbúa kysu F-lista

Hótaði að sprengja sig í ..........

Fyrir um þrem árum síðan, var ég og fjölskylda mín að koma seint heim eitt kvöldið, klukkan var orðin margt og það var dimmt úti, en afskaplega stillt og fallegt veður, og stjörnubjartur himinn. -

Þegar við 3 fullorðin, með eitt sofandi barn, stígum út úr bílnum, heyrum við neyðaróp, -  einhver hrópar á hjálp í myrkrinu, og svo er eins og ópin séu kæfð. -

Okkur bregður illilega, ég tek við sofandi barninu og fer með það inn,  á meðan reyna hin að átta sig á,  hvaðan neyðarópið barst.  -  Þau hlaupa um og kalla, en fá ekkert svar. -  Þau eru við það að gefast upp á leitinni. - Þegar allt í einu, kona birtist á svölum blokkar og hrópar á hjálp því hann ætli að drepa sig. - Í því ryðst maður út á svalirnar, angist konunnar er mikil, - karlinn grípur í konuna, hún rígheldur í svalahandriðið og hrópar til hjálparsveitarinnar að hjálpa sér,  - Karlinn tekur hana hálstaki og tekur fyrir munn konunnar til að kæfa niður ópin, og dregur hana inn.  -  Lokar svaladyrunum,  og slekkur öll ljós. - Hjálparsveitin  mín kallar að það séu búið að hringja á lögregluna. -  Þögn -

Já, ég hringdi á lögregluna, strax, á meðan þau voru að reyna að finna út hvaðan neyðarópið barst. -

Lögreglan kemur, -   Hjálparsveitin segir þeim hvað þau höfðu heyrt og séð, - Og hvar atburðurinn hafi gerst !

Lögreglan segir að þarna sé allt slökkt svo varla sé nokkur vakandi þar.

Þau endurtaka frásögn sína og segjast hafa mig sem vitni að þessu líka. 

Það tekur tíma fyrir lögregluna að finna út úr því hvaða dyrabjöllu þeir eigi að hringja,  til að tala við húsráðendur.  - Þegar það hefur tekist koma þeir út aftur og segja hjálparsveitinni að þarna hafi allt verið með felldu,  - þau hjón hafi verið sofandi,  vaknað við dyrabjölluna, og ekki kannast við neitt. -

Enda beri framkoma mannsins ekki vitni um annað en að hann segi satt.

Þá gat ég ekki á mér setið, gaf mig fram og spurði hvort að þeir hefðu talað við konuna. - Nei, þeir höfðu ekki gert það.  - Þeir töluðu við húsbóndann -

Væri ekki ráð að tala við húsfreyjuna sjálfa ? spurði ég : Og endurtók það sem áður hefur komið fram.

Þeir fóru inn aftur hringdu dyrabjöllunni, og báðu húsbóndann um að fá að tala við "konuna". -  Húsbóndinn sagði það ekki hægt, þar sem hún svæfi, og hann vildi ekki vekja hana vegna svona tittlingaskíts, -

Lögreglan sagði honum, að þeim hefði borist kvartanir, um rifrildi og hávaða. - Já, já, svaraði húsbóndinn, við höfum kannski hækkað róminn, við vorum með sjónvarpið á fullu líka, og konan verður stundum svo æst að hún stekkur út á svalir, til að jafna sig. - En við vorum sofnuð,  og hún er steinsofandi og þarf að vakna snemma í fyrramálið svo það kemur ekki til greina að ég fari að vekja hana núna.

Og við það sat, -  lögreglan sagði okkur líka,  að maðurinn hefði komið alveg afskaplega vel fyrir, - og því væri þetta örugglega bara misskilningur  hjá hjálparsveitinni. - 

En hvað ef þetta gerist aftur ? spurði ég? - Þá hringið þið aftur: svaraði lögreglan.

En ef það er líka misskilningur þá? - Látiði okkur um að meta það. -   

Og með það fór lögreglan. -

 

Daginn eftir mætti ég "konunni", - Hún reyndi að fela andlit sitt, þegar ég nálgaðist og bauð henni góðan dag. - Hún var bólgin og rauðblá og marin í andliti , - mér brá illilega. - Karlinn kom og hvæsti á mig: Góðan dag. -

Seinna frétti ég frá nágranna að skýring karlsins á útliti konunnar hafði verið,  að hún hafi farið til lýtalæknis ?!?!?!?!  -  í misheppnaða aðgerð hlýtur að vera,  - bætti nágranninn við,  kaldhæðinni röddu. -  því það var alveg hroðalegt að sjá hana. -

Og nú eru þau skilin. - en hann lætur hana samt ekki í friði. -

Þó hún sé flutt .... í Hafnarfjörð.

Brjálæðingur á 245 kílómetra hraða á sveitavegi .....

Að hætta sér út á Þjóðvegi landsins nú orðið, er eins og að spila stöðugt í "Rússneskri rúllettu". - Þú veist aldrei HVAR "dauðaskotið" lendir. 

Er ekki komið nóg af þessum brjálæðingum, -  hvernig hugsa menn sem svona haga sér. -

Skyldu þeir gera sér grein fyrir því,  að það er ekki þeim að þakka,  ef, - og ég endurtek "ef"  þeir eru svo heppnir, að sleppa við,  að drepa saklausa vegfarendur. -

Þeim þykir þetta kannski töff, að geta gortað afþví hversu hratt þeir óku, - og hversu klárir þeir voru að sleppa undan löggunni.  - 

En þeir gorta sig ekki mikið liggjandi á líkbörum með munnin fullan af mold. -

Eða liggjandi í fangi lögregluþjóns eða sjúkraliða, hágrátandi, yfir að hafa "óvart" drepið saklausan vegfarenda. -  

Eða finnst þeim kannski "krúttlegt" að ranka við sér liggjand í sjúkrarúmi,  lamaður,  og geta ekki einusinni lyft litla fingri, hvað þá glasi.

Og nú fer í hönd ein mesta umferðarhelgi ársins. - 

ER EKKI BETRA AÐ HUGSA SIG AÐEINS UM ÁÐUR EN TRYLLT ER AF STAÐ. - ÞVÍ AKSTUR ER DAUÐANS ALVARA.

OG RÚSSNESK RÚLLETTA Á EKKI HEIMA Á ÞJÓVEGUM LANDSINS.

Á 245 km hraða

Þetta er glæpur !

Ökumaður þessarar bifreiðar sýnir þarna af sér glæpsamlega hegðun. -  Vítavert gáleysi, er of vægt til orða tekið. -  Ég mundi segja tilraun til manndráps. - Hann ætlar sér þarna að fara famúr þéttri bílaröð þar sem er bíll við bíl,  á tvöfaldri heilli línu, í beygju, við gatnamót. - Margfaldur brotavilji. - Svona ökumaður á ekki að hafa ökuleyfi. - 

Ökumaðurinn er auðsjáanlega að flýta sér inn í eilífðina, og svífst einskis til að ná fram ætlun sinni. 

Hættulegur framúrakstur

ÉG TREYSTI GEIR OG SOLLU - TIL AÐ LEGGJA SPILIN Á BORÐIÐ - OG ....

   Þennan pistil skrifaði ég í júlí s.l. -

Pistillinn vakti mikla reiði sumra, sem nú hafa þurft að éta ofaní sig stóru orðin. -

Mér finnst rétt að birta pistilinn aftur núna, bara svona í til að minna á,  að við skulum vera vakandi yfir þeim vinnubrögðum sem eru viðhöfð af hálfu stjórnvalda og annarra ráðamanna. - 

------------------------------- 

   Löngum hafa heimilin verið sögð kjölfesta hverrar fjölskyldu. -  Ísland er okkar heimili, og Íslendingar eru ein stór fjölskylda, sem hafa gengið saman í gegnum súrt og sætt. -

   Og fjölskyldan hefur stækkað og dafnað. -  Eflst og þroskast, -  sumir,- reyndar allmargir,  hafa hleypt heimdraganum og leitað sér menntunar á öðrum og stærri heimilum,-  enn aðrir hafa haldið í víking, - en langflestir koma til baka, til að halda festu í heimilishaldi Íslands. 

   Fyrrum forráðamenn Íslands, koma gjarnan í sjónvarp og tala um festu, á meðan þeir skryppla á einhversskonar sannleikstrampólíni eða hoppuloftkastala, - enginn skilur hvað þeir eru að segja, nema jú, að enn sé öllu stýrt úr Svörtuloftköstulum. -

   En afþví "fyrrum forráðamenn" tala gjarnan í hálfkveðnum vísum einsog loftkastalamönnum er gjarnt að gera, - vitandi vel að heimilismenn Íslands skilja ekki lengur þegar talað er saman í kviðlingum og hálfkveðnum vísum. -

 Þá fer ég fram á það, við núverandi forustu heimilisins á Íslandi,  að þeir tali "skýrt" og skorinort, -  því lífið liggur við. -

   Allir vita að það  borgar sig að segja börnum sannleikann, tæpitungulaust, ekki láta þau velkjast í vafa um hvað er að gerast í lífi þeirra með því að fara undan í flæmingi, þegar þau spyrja.  

   Því þá sendum við börnunum misvísandi skilaboð. - Þögn - er dæmi um misvísandi skilaboð.  - UM að ekki megi tala um hlutina. - En börn skynja sannleikann. - vita að eitthvað er að,  en ekki akkúrat hvað. - Þau skilja því þögnina sem samþykki um að "þau" hafi gert eitthvað,  -  sem ekki megi tala um. - 

Og börnin missa festuna - og fyllast óöryggi.

   Þannig óöryggi er einmitt ríkjandi ástand á heimilisfólki Íslands í dag. -  Við skynjum, að eitthvað mikið er að.  -  En það gerir okkur enn óöruggari, að fá ekki að vita,  - hvað það er, sem er að !!!!-  

   Ég veit, eða ég skynja, að þjóðin sé farin á hausinn.  -  En þar sem við,  heimilisfólkið,  höfum ekkert heyrt frá þeim,  sem halda um Stjórnartauminn.  -  Eða fengið staðfestingu frá þeim, um, að Ísland sé farið á hausinn. -  Þá, vitum við í raun og veru, ekkert, hvernig staðan er. - 

Hvernig er staðan t.d. á heimilisbókhaldi Íslands í dag ?!?! -

   Ef staðan er slæm,  er þá ekki ráð að við björgum okkur sjálf,-  áður en okkur verður kippt upp á borð í erlendum banka. - Sem tekur okkur góðfúslega upp í skuld.

   Eins og málin horfa nú,  er það eina von okkar um björgun, -  að við tökum málin í okkar hendur! - Tökum okkur saman í andlitinu,  og -  BYRJUM Á AÐ HORFAST Í AUGU VIÐ SANNLEIKANN. -  Viðurkennum að við eigum við vanda að stríða.  -  Með því að fara saman í gegnum Tólf spora kerfið. - VIÐ byrjum á því að viðurkenna ......  ...... ........ ...................

BYRJUM Á ÞVÍ AÐ VIÐURKENNA AÐ VIÐ SÉUM ALKAR !

Viðurkennum: - AÐ VIÐ SÉUM BÚINN AÐ VERA Á DÚNDRANDI FYLLERÍI Í RÚMAN ÁRATUG.

Viðurkennum:  AÐ VIÐ ERUM BÚINN AÐ SELJA ALLT UNDAN OKKUR.

Viðurkennum að við erum búinn að :   BRENNA ALLAR BRÝR AÐ BAKI OKKAR.

Viðurkennum að við erum búinn að :  MISSA ÖLL TENGSL VIÐ FJÖLSKYLDUNA.

Viðurkennum að:  VIÐ FEGRUM ALLT ÚT Á VIÐ - AFÞVÍ VIÐ HÖLDUM AÐ VIÐ GETUM EKKI FEISAÐ SANNLEIKANN.

Viðurkennum að :  - ALVEG EINS OG ALKINN, BENDUM VIÐ Á DANI OG ENGLENDINGA SEM HAFA AÐVARAÐ OKKUR OG SAGT,  AÐ VIÐ SÉUM AÐ DREKKA OG SUKKA Í ÓHÓFI. -  Þá bendum við, á þá: -  ISS ÞEIR ERU ASNAR BARA  AFBRÝÐISAMIR AFÞVÍ VIÐ EIGUM KLÁRARI OG KALDARI KARLA Í VIÐSKIPTUM EN ÞEIR HAFA NOKKURNTÍMA ÁTT.

Viðurkennum að:  -   SJÁLFEYÐINGARHVÖTIN ER SVO MIKIL,  AÐ VIÐ GLEYPUM VIÐ STÓRIÐJU, ÁLVERUM, OLÍUHREINSUNARSTÖÐVUM OG NEFNDU ÞAÐ  -   TIL AÐ GETA HALDIÐ FYLLERÍINU ÁFRAM.  

VIÐ ÍSLENDINGAR ERUM ALKAR !

ÍSLENDINGAR ERU EINS OG AUSTURVELLIR EVRÓPU Á GÓÐUM SUMARVIÐRISDEGI.

ÍSLAND ER ALKI !

OG: -  VIÐ EIGUM ALDREI EFTIR AÐ GETA KOMIST AÐ RAUNHÆFRI NIÐURSTÖÐU UM "FRAMTÍÐ ÍSLANDS" - FYRR EN ÖLL SPIL HAFA VERIÐ LÖGÐ Á BORÐIÐ. -

ÞÁ FYRST GETUM VIÐ FUNDIÐ LAUSN Á VANDANUM ÞEGAR VIÐ "SJÁUM" ÚRHVERJU VIÐ HÖFUM AÐ SPILA

   ALKINN NÆR EKKI BATA FYRR EN HANN VIÐURKENNIR VANDA SINN  -  HORFIST Í AUGU VIÐ SJÚKDÓMINN   - VIÐURKENNIR AÐ HANN EIGI VIÐ VANDA AÐ STRÍÐA. -  OG FER Í GEGNUM TÓLF SPORA KERFIÐ -  ÞÁ FYRST BYRJAR BATINN.

Fer í gegnum "tólf spora kerfið". - Þá fyrst byrjar batinn.

   ÞVÍ EINS OG ALKINN. -  ÞÁ NÁUM VIÐ HEIMILSIFÓLKIÐ Á ÍSLANDI -  EKKI HELDUR NEINUM BATA - FYRR EN VIÐ HORFUMST Í AUGU VIÐ VANDANN  -  HÖFUM VIÐURKENNT SJÚKDÓMINN, - OG GENGIÐ Í GEGNUM ÖLL SPORIN TÓLF. -  ALLT TÓLF SPORA KERFIÐ. - 

 

TÓLF SPORA KERFIÐ - FYRIR RÍKISSTJÓRN, LAND OG ÞJÓÐ ! - ER ÞAÐ EINA SEM BJARGAR ÞVÍ !

AÐ LANDIÐ OKKAR ÍSLAND LIFI AF.

Þjóðin þarf festu í landstjórnina

Segir undirheimunum stríð á hendur !!!!!

Segir undirheimunum stríð á hendur. -

Vill meina að það séu aðallega foringjar glæpagengja undirheimanna sem berjast á móti lögleiðingu.

Eitthvað hljómar þetta kunnuglega, -  Hvaða kóngur er það hér á Íslandi sem vill ekki lögleiðingu?

Berst fyrir lögleiðingu fíkniefna

Vinnustaðakynning vekur umtal !

Er öðruvísi hægt að kenna ungu fólki að bera virðingu fyrir lífinu,  - en með því að sýna þeim staðreyndir dauðans. -

Svart á hvítu.

Unglingum sýnt í líkhús

07. 07.

HVAÐ ÆTLI ÞEIR HEFÐU GERT HEFÐU ÞEIR NÁÐ HENNI? -

STRAX !?!?

Tákngervingur frelsis