Skammbyssuskot í leikfangakassa .......

   Blessuð börnin á Jörva voru aldeilis hissa þegar upp úr leikfangakassa leikskólans kom skammbyssuskot á nýja árinu, vá, þarna hafði aldeilis verið skotið. Við nánari athugun kom í ljós að skotið hafði verið á skólann þeirra, og skotið farið í gegnum vegginn og leikfangakassann og hafnað ofaní leikföngunum.  

   Við nánari athugun reyndist þetta vera skot úr skammbyssunni sem sextán ára unglingur tók frjálsri hendi heima hjá sér, og hræddi íbúa í Smáíbúðahverfis með því að skjóta.  

   Leikskólakennurunum varð illt við,  þegar þær sáu skotið, hringdu í lögregluna og létu vita af fundinum í leikfangakassa leikskólans. Þær héldu að þarna væru þær að koma nýjum upplýsingum til lögreglunnar, um þennan vofveifilega atburð sem átti sér stað frá kvöldmatartíma til miðnættis s.l. föstudagskvöld. -   

   En nei, ekki aldeilis, lögreglan vissi allt um það að drengurinn hefði skotið á hús leikskólans Jörva. 

  En þeim fannst algjör óþarfi að láta leikskólakennaranna vita af þessum vágesti meðal barnanna.  Kannski voru þeir hræddir um að leikskólakennararnir spyrðu óþægilegra spurninga, sem þeir ættu erfitt með að svara, hver veit?.

Því við svona óhugnanlegt atvik vakna upp margar spurningar.

   Afhverju í ósköpunum sagði lögreglan í fyrstu fréttum eftir að drengurinn fannst,  að engu skoti hafi verið skotið úr byssunni.

   Afhverju voru þá vígbúnir sérsveitarmenn á hlaupum milli húsa í hverfinu, frá kvöldmat og fram að miðnætti,   þegar ættingjar drengsins í Fellahverfi í Breiðholti hringdu í lögregluna og létu vita hvar stráksi væri.

Afhverju er byssa skráð hér á landi, sem er bönnuð? -  Spurði ég mig og mína nánustu á föstudagskvöld, og aftur að laugardagsmorgni. - Og svaraði sjálfri mér óvart upphátt: Ó, Guð almáttugur þetta er líklega sonur lögreglumanns eða einhvers annars háttsetts manns að mati skráningarlögreglunnar sem skráði ólöglega byssuna. - Skráningarmaðurinn hefur kannski verið að vinna sig í áliti einhvers háttsetts. Æ,æ.

Fólkið mitt leit á mig, og sagði:  Ekki vera svona svartsýn, kannski er þetta bara misskilningur. - Það þurfa ekki allir vera spilltir.  -

Og ég sá auðvitað strax að þetta hlyti að vera misskilningur, enginn lögreglumaður skráir ólöglega byssu, sem bannað er að eiga hér á landi. -  Ólöglegt vopn er ólöglegt vopn. -  Bannað er bannað,  og það gildir jafnt um alla sama hvort þú ert óbreyttur lögreglumaður, rafvirki, prestur,  eða fyrrverandi sérsveitarmaður. 

Og hversvegna verður ekki allt vitlaust yfir því að svona vopn skulu vera hér á landi og það í eigu fyrrverandi lögreglumanns, og að auki skráð. 

Og hversvegna er okkur ekki sagt að vopnið hafi verið gert upptækt og því verði eytt, og eigandinn verði látinn svara til saka.

Og hversvegna gerist svona lagað?

 

 

Skaut úr skammbyssunni

Athugasemdir

[Jenný Anna Baldursdóttir, 6.1.2009 kl. 00:02]

Það er enginn endir á spillingunni.  Þetta er ógeðslegur pittur LG og það er bara sorglegt.

[Hólmdís Hjartardóttir, 6.1.2009 kl. 01:49]

Til hvers að eiga skammbyssu heima hjá sér?

En lögreglan hefði átt að tala viðleikskólastjórann. 

Sorglegt mál

[Ingólfur Þór Guðmundsson, 6.1.2009 kl. 01:56]

Ég er viss um að Björn Bjarnason er á bakvið þetta allt saman, enda hefði þetta aldrei gerst ef að hann væri ekki dómsmálaráðherra !

Hljóma ég paranojaður ?

[Hin Hliðin, 6.1.2009 kl. 06:29]

Ég bara verð að kommenta á þetta hjá þér.  Fyrir 10 árum síðan eignaðist ég mína fyrstu skammbyssu, nokkrum árum síðar eignaðist ég skammbyssu sem er sambærileg þeirri sem var notður þarna.

Svona byssur eru ekki ólöglegar.  Það er kannski erfitt að fá leyfi fyrir þeim en þær eru síður en svo ólöglegar.  Þó að það sé samkvæmt lögum, bannað að flytja inn skammbyssur, þá eru gefna undanþágur ef viðkomandi hyggst nota skammbyssuna í íþróttaskotfimi.

Niðurstaða:  Fréttaflutningur af málinu er til háborinnar skammar.

[Aprílrós, 6.1.2009 kl. 09:12]

Mér finst þetta mjög sorglegt, og uðvitað átti lögreglan að láta leikskólastjórann vita að skotið hafi verið á leikskólann, Jesús minn ég vil ekki hugsa það til enda hafi þetta gerst á leikskóla tíma.

[Anna Ragna Alexandersdóttir, 7.1.2009 kl. 11:08]

Sorglegt. 

Gleðilegt ár takk fyrir bloggið á árinu.

[Ásthildur Cesil Þórðardóttir, 7.1.2009 kl. 13:20]

Mikið er þetta flott samantekt hjá þér Lilja mín.  Tek undir hvert orð.  Það hafa margir æpt um litla átta ára stúlku sem bað sjálf um að fá að standa upp á friðsamlegum mótmælum til að tjá sig, sagt að foreldrarnir væru slæmir foreldrar, en skrýtið nokk þá hefur enginn sem ég séð talað um foreldra sem hafa marghleypu á glámbekk fyrir börnin á heimilinu.  Tvískinnungur?  Ætli það sé ekki eitthvað svoleiðis.

[Eva Benjamínsdóttir, 8.1.2009 kl. 13:41]

Góður pistill Lilja mín.- Hér er einsog svo oft áður reynt að breiða yfir sannleikann og villa um fyrir almenningi en í þetta sinn komust þeir ekki upp með það. Það er grafalvarlegt að menn sem kunna með vopn að fara, sinni ekki þekkingunni um að ganga frá bissum sínum á viðeigandi hátt. - Yfirhylmingin er svo algerlega í takt við Ráðamenn sem virðast vera komnir í dreggjar þjóðfélagsins - sem almenningur á að treysta. 

BURT MEÐ SPILLINGARÖFLIN !