Lilja Guðrún Þorvaldsdóttir

19.8.2008 | 16:18

Hver er pé err maður Ólafs F.?

Með því að lokka Ólaf F. til samstarfs aftur. - tekst Frjálslyndaflokknum að verða sýnilegum á ný, í fjölmiðlum, - og eygja þá von, að fá loks einhverja athygli, og það jafnvel jákvæða. -

En þeir hafa ekki komist að í þessum darraðardansi stjórnmálanna í Reykjavík, þó væntanlega enginn hafi tekið eftir því, - þar sem þeir höfðu á sínum tíma úthýst fulltrúa og varaborgarfulltrúa Frjálslyndra, í eigin innanflokks darraðardansi og valdahroka. - En semsagt nú er allt fallið í ljúfa löð, eða þannig.- " Týndi sonurinn kominn heim á ný"

Stríð um athygli og völd færðust yfir á landsmálapólitíkina um leið og Framsóknarmaddaman sté fram á sjónarsviðið, svipt öllum glæsileik, og baðst vægðar fyrir sína hönd og annar vandamanna.

Vildi Framsóknarmaddaman færa stjórnmálin yfir á "sitt annað plan", og bauð fram sinn einkason, til fulltingis sínum heilindum. - Og til aðstoðar borgarstjórnarflokki Sjálfstæðisflokks. - Bauðst maddaman sjálf, til að hysja upp um "bogarfulltrúa Sjálfstæðis" buxurnar sem þau misstu niðrum sig þegar fóstursonurinn Björn Ingi yfirgaf sökkvandi fleytuna á sínum tíma, og kvaddi með rassskelli. -

Nú skal ekki lengur gráta Björn bónda, heldur herja til sóknar á ný. - Höldum áfram, æpti Framsóknarmaddaman og undir það tóku grátandi borgarflokkurinn, og einkasonurinn einn síns liðs: Höldum áfram, var baulað í kór, í fjósi Valhallar.

Þá vaknaði Frjálslyndiflokkurinn til meðvitundar., af værum blundi fyrir utan Valhöll. - Þar höfðu þeir beðið færis á að hverfa til síns heima, á ný, inn í hlýjuna í Valhöll, - búnir að gera sitt í makki og rógi undanfarin misseri, og vildi nú fá sín laun. -

Þeir sáu, að það voru allir í fjölmiðlum nema þeir. - Allir voru að gera það gott, nema þeir. - Allir fengu athygli nema þeir. - Nú voru góð ráð dýr. -

Því, hvað, ef hinn brottrekni Ólafur F., færi í alvöru að segja frá, og það sem verra er, ef hann segir líka hvert styrkir Borgarstjórnarflokks Frjálslyndra hefur farið, og fer að gera kröfur um sinn hlut, sem skerf til Íslandshreyfingarinnar, þangað sem hann var neyduur til að fara, vegna úthýsingar og afneitunar Frjálslyndra við honum. -

Úbbs, hvað gera þá Frjálslyndir, borgarfulltrúalaus og styrkjalaus. - Þeir verða að komast að, með góðu eða illu. -

En þar sem Frjálslyndir eru nú vanir menn, þá leita þeir til þess, sem þeir treysta best, og senda því sjálfan fjölmiðlaforkólfinn Magnús Þór í broddi fylkingar, sem alltaf tekst að vekja athygli, sama hvernig hann fer að því. - Undir kjörorðinu "betra að vera þekktur af illu en engu", hjá þjóð sem man hvort eð er ekki lengra en nef þess nær. - Og nú var makkað og rakkað, tæklað og tælt. - Og Ólafur samþykkti allar fyrirgefningarbeiðnir enda maður góður, og ...

Útkoman varð, að Ólafur F. lét það eftir þeim, að tilkynna það á blaðamannafundi, að sátt hefði náðst milli Ólafs F. og Frjálslyndra.

Á meðan á blaðamannafundinum stóð, - var stofnað nýtt "Borgarstjórnarfélag Frjálslyndra" og Jón Magnússon kjörinn formaður þess félags. -

Svo enn heldur lygasagan áfram, nema nú hafa Frjálslyndir komist inn í umræðuna og geta farið að láta ljós sitt skína.

	Ólafur F. til liðs við Frjálslynda flokkinn
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 17:15 | Facebook

Athugasemdir

Snilldar vel skrifað eins og allt annað hjá þér skvísa. Þetta er ótrúlegt allt saman, ég er ekki viss um að það logi mikið ljós frá FF, en maður heldur áfram að fylgjast með þessu svona allavega á hliðarkantinum. Knús og kveðja

Ásdís Sigurðardóttir, 19.8.2008 kl. 16:34

Jón Magnússon segist ekki hrifinn af endurkomunni. Kannski er það pr-stönt.

Jenný Anna Baldursdóttir, 19.8.2008 kl. 18:29

Akkúrat Jenný, gert til að starta sjóinu, um kommbakk þeirra í fjölmiðla.

Lilja Guðrún Þorvaldsdóttir, 19.8.2008 kl. 18:49

Frábær færsla. Sönn samantekt. kv.

Bergur Thorberg, 19.8.2008 kl. 22:49

Þú kannt að koma orðum að þessu Lilja Guðrún. Það verða fleiri þættir í þessu leikriti

Sigrún Jónsdóttir, 19.8.2008 kl. 23:04

Elífðar hringrás. Vona að Ráðhúsið verði á sínum stað og mávagerið sem hefur tekið pláss andanna .... það er líf og fjör jafnt utan sem innandyra við Tjörnina.

www.zordis.com, 20.8.2008 kl. 00:28

Flott færsla hjá þér Lilja mín, þú ert snillingur í þessu.
Sammála er ég þér og er ég búin að fá æluna mörgum sinnum upp í háls af þessu öllu saman.
Knús Kveðjur
Milla.

Guðrún Emilía Guðnadóttir, 20.8.2008 kl. 20:34

Þetta hressir mann! Kveðja

Eyþór Árnason, 20.8.2008 kl. 21:53

Skemmtilegt

Edda Agnarsdóttir, 20.8.2008 kl. 22:56

Eins og faðir minn heitinn hefði sagt: "Það er hver silkihúfan upp af annarri"

Rúna Guðfinnsdóttir, 21.8.2008 kl. 00:56

Lilja mér finnst þessi pistill þinn ansi djúpur, mikil pæling og ég er ennþá að hugsa um hvað verður um JFM, hann er í Íslandshreifingunni er það ekki ? og vinnur fyrir ÓFM og okkur í Borgarstjórn, en ÓFM vill betri spil á hendi og sér fylgið í þeim Frjálslyndum, sem hann sveik. Ætli JFM hafi fattað uppá þessu fyrir ÓFM. - Bara er ekki lengur að skilja vitleysuna, maður getur heldur ekki talað við nokkurn mann í brigslinu og framapotinu, æ, þetta er svo ljótt.