Smjörklípuaðferðin tókst - Allt er samkv. áætlun ..yfir og út...

Ég held ég sé búinn að fatta gátuna! - eða svarið. - Hvað á annars að kalla þennan leik sem búið er að leika með okkur borgarbúa, og reyndar landsmenn alla, síðustu mánuði.

   En nú, þegar búið er að rífa bitbeinið út úr Ólafi F., og stinga því upp í Óskar Bergsson, og hann situr, sæll og glaður, og japlar með sínu biti, -  þá hlýtur hann að telja sig hafa þau tögl og hagldir, sem Ólafur F. hafði áður. -   Og unir því glaður við útdeilingua embætta og nefndarstarfa.

   Mætti því ætla að nú skapist friður í Borginni, svo hægt sé að fara að snúa sér að vinnu.  - 

     En það er ekki í hendi,  þó að það hafi verið formaður Óskars, sjálfur bjargvætturinn úr grasinu Guðni Ágústsson sem nú bjargaði óstýrilátu börnunum í Borgarstjórnarflokki Sjálfstæðismanna til stjórnar á ný. - Um leið og hann reynir að bjarga eigin skinni frá því að vera dæmdur í sögubókum afþví að hafa verið linkind í ríkisstjórn sem samþykkti m.a. að setja Ísland á lista hinna viljugu ....... 

  Nú er ekki vegur, að nota misskilnings aðferðina, það sjá allir orðið í gegnum hana. -  Þessvegna verða allir sem vettlingi geta valdið að nota  núna "smjörklípuaðferðina hans Davíðs". -

Obbbo bobb!!!

    Enda er vá fyrir dyrum, komin er út bók,  sem sýnir svo ekki verður um villst,  staðreyndir mála,  sem hafa verið haldið leyndum fyrir Íslensku þjóðinni.  -  En nú þegar ljóstrað er upp um leyndina, er hætta á,  að farið verði að blása lífi í sannleikann og honum blásið út til óánægðra kjósenda og annarra þurfalinga,  sem sífellt eru tilbúnir til að stökkva upp á nef sér og væla, og skæla. -

   Þá er næsta víst,  að vinsældir Samfylkingarinnar rjúki upp úr öllu valdi,  og Vinstri Grænir komist í fréttatímanna á ný. - Því er þörf á að grípa til róttækra aðgerða, og  kveða niður alla umræðu um upphaf Íraksstríðsins, og brottför Bandaríska hersins. -

   Það þarf að berja niður alla umræðu, um hverjir mökkuðu,  og hverjir ráðlögðu,  Fyrrverandi forsætis og utanríkisráðherrum, að haga sér eins og þeir gerðu. -

    Nú kemur í ljós,  að þeir Davíð og Halldór, höfðu hvorki þekkingu, né skilning,  til að skilja, og meta,  hvað þeim bæri að gera. - Hvað þá,  að þeir segðu rétt frá, hvorki á Alþingi né frammi fyrir alþjóð. -

   Sumir segja að umskiptin í Höfuðborginni síðustu daga, hafi orðið mun fyrr en, gert hafði verið ráð fyrir, til þess að koma í veg fyrir uppþot almennings, og upphlaup fjömiðla. - Og óvægin skrif blaðamanna um viðkvæm mál,  sem ekki máttu sjá dagsins ljós, næstu áratugina. -

   Sagt er,  að þá hafi verið ákveðið,  að drífa bara í að skipta Ólafi út, og Óskari inn, þannig mundi almenningur væntanlega gleyma sér í blaðri og bloggi um þau út/inn skiptingar næstu vikurnar. -

Á meðan gefst tími fyrir ráðbrugg um nýja Ríkisstjórn. - 

   Ef það tekst ekki, mun Framsókn segja frá því hvað Davíð gerði vitlaust.  -   Og á móti hótar Sjálfstæðisflokkurinn að segja frá hvað Halldór gerði rangt. - 

    Og það var byrjað að planta rógi hér , og  dassi þar. - Saklaust pöbbarölt Ólafs gert að drykkju með  ósæmilegri hegðun. -  Svo m.a.s. Hanna Birna taldi sér ekki sæma að segja frá í smáatriðum í Kastljósi, slíkur væri óhugnaðurinn,  en svoleiðis væri ekki hægt að líða nokkrum manni,  hvað þá Borgarstjóra,  lýsingin setti hroll að þeim sem hlustuðu, svo hræðilega leið veslings verðandi Borgarstjórastýrunni,  sem dæsti af vanlíðan, - Hún hefur líklega aldrei heyrt um "Útvarpssögu Bermúdaskálarinnar"  á Íslandi og góðglaða borgarstjórann.  - Nei, líklega ekki hún er svo ung. - En hún er ekki of ung til að láta blekkja sig til að nota svona aðferð til að koma höggi á samstarfsmann sinn. - og losa sig þannig við manninn,  sem hefur ekki einu sinni bakland, eins og hún benti líka ábúðarfull á,  Ólafi til foráttu. -  Ritstjóri einhvers blaðs kom líka í Kastljós og vitnaði um hverslags kjaftasögur gengju um borgarstjórann, án þess að hann væri víttur fyrir frá stjórnanda Kastljóss. Þetta hef ég aldrei "séð og heyrt" fyrr í Kastljósi. -

   Öllu var semsagt tjaldað til, - til að leiða fólk frá þeim fréttum, sem ég beið eftir að fjallað væri um, - sem maður hefði ætlað,  að hvert mannsbarn sem komið er til vits og ára,  mundi vera að ræða þann daginn og daganna á eftir, og í dag.   

   Það er frétt eins og birtist í Fréttablaðinu, útbreiddasta dagblaði landsins. -  Það sem þar segir í fyrirsögn: "STJÓRNVÖLD OFMÁTU STÖÐU TIL SAMNINGA Í VARNARMÁLUM"

Stjórnvöld ofmátu stöðu Íslands í deilum vegna brotthvarfs Bandaríkjahers. Stuðningur við Íraksstríðið kom fram fyrr,  en Davíð og Halldór hafa haldið fram.  

 Halldór neitar.

 Davíð þegir. 

   Þar kemur líka fram, að Íslensk stjórnvöld lýstu yfir stuðningi við innrásina í Írak, eftir,  að ljóst varð, að herinn yrði kallaður héðan. -  En Davíð og Halldór héldu,  að slíkur stuðningur mundi liðka fyrir að hluti hersins yrðu hér um kyrrt.  -  Fljótlega var þó ljóst, að stuðningur Íslands við innrásina skipti þar engu máli herinn mundi samt fara. - 

   Athygli vekur, að stuðningur við árásina var staðfestur,  þegar ósk breskra stjórnvalda þar um, barst degi fyrr,  en fyrrverandi forsætis- og - utanríkisráðherrar hafa haldið því fram að beiðni um slíkan stuðning,  hafi borist frá Bandaríkjunum.

   Afhverju var þetta ekki á dagskrá fjölmiðla í dag, viðtöl við þessa fyrrverandi Forsætis og Utanríkisráðherra. -  Viðtöl vegna viðbragða pólitíkusa suður með sjó,  sem héldu því fram að brottför Bandaríkjahers hefði komið þeim í svo opna skjöldu, - að þeir hafi ekki haft grænan grun um,  að það,  svo mikið sem stæði til, að herinn færi.  

   Viðbrögð virkjunarsinna, fyrir austan, vestan og norðan, um blekkingarleikinn sem leikinn var  í kringum velvildina við álverið í Helguvík.  - Þar sem enginn fyrirvari hafði verið um,  að svo og svo   margir yrðu atvinnulausir, og þar sem að herinn hefði bara rokið burt, einn, tveir og þrír.

Hvar eru fjölmiðlar nú? - Hvar er Kastljósið ? - Er þetta kannski Ísland í dag?

 

Athugasemdir

[Lára Hanna Einarsdóttir, 17.8.2008 kl. 05:32]

Frábær pistill, Lilja Guðrún!  Meira svona!

[Ía Jóhannsdóttir, 17.8.2008 kl. 08:28]

Tek undir með Láru Hönnu góður pistill!!!  Sendi sunnudagskveðju heim til ykkar allra.

[Jenný Anna Baldursdóttir, 17.8.2008 kl. 09:43]

Takk kærlega fyrir þennan frábæra pistil og ég er ansi hrædd um að bók Vals hafi hrundið af stað atburðarrásinni í borgarstjórn.

Enda sannleikurinn ekki til að flagga á torgum.

[www.zordis.com, 17.8.2008 kl. 09:45]

Þú skrifar svo ansi skemmtilega!  Takk fyrir þessa lesningu

[Eva Benjamínsdóttir, 17.8.2008 kl. 11:19]

Takk fyrir Lilja mín, í þessum góða pistli er einhvernveginn allt svínaríið svo augljóst og skýrt

[Edda Agnarsdóttir, 17.8.2008 kl. 19:52]

Frábært hjá þér vúman! Bara halda áfram, góð æfing fyrir bókina.

[Rúna Guðfinnsdóttir, 17.8.2008 kl. 19:57]

Þú kannt að koma orðum að því!  Frábær lesning.

Kveðjur og heilsanir.                     

[Sigrún Jónsdóttir, 17.8.2008 kl. 21:22]

Meiriháttar pistill og þarna leysir þú örugglega hluta af púslinu.  Takk fyrir

[Ingibjörg Hinriksdóttir, 17.8.2008 kl. 23:41]

 Snillingur!

[Kristin Jónsdóttir (IP-tala skráð) 18.8.2008 kl. 16:29]

Þetta eru snilldarskrif, meira af þessu! frábært til aflestrar

[Magnús Geir Guðmundsson, 18.8.2008 kl. 22:56]

Mjög athygliverð sjónarmið hjá þér mín kæra Lilja Guðrún. hef sjálfur reyndar haft svipaðan þankagang í dag varðandi hin dæmalausu og ósmekklegu dagbókarskrif fv. ritstjóra Morgunblaðsins, tímasetning þeirra makalaus, en þau greinilega sett fram nú til að reyna að draga athyglina frá til dæmis því sem þú nefnir, held að engin vafi sé á því!

En manni er líka næst að halda að dýpri tilfinningar spili þarna inn í, biturð m.a. í garð forsetans af ýmsum ástæðum, hið mikla fall blaðsins í bara´ttunni við Fréttablaðið og eigendur þess o.s.frv. Staða D er svo almennt verri en hún hefur sjálfsagt lengi verið og því verður einhvern vegin að bregðast við því!

[Lilja Guðrún Þorvaldsdóttir, 19.8.2008 kl. 00:22]

Sammála þér Magnús Geir, biturleikinn og heiftin er slík að manni sundlar við tilhugsunina,  að þvílíkt og annað eins skuli vera til hér á okkar dögum, í þessu fallega landi. -

 Einhvernveginn minnir þetta mig á fóstbróðurinn sem náði með annarri hendi,  taki,  á hvönninni,  og hékk þar á þrjóskunni, heimskunni og heiftinni, frekar en að leita eftir hjálp. -    

[Ásdís Sigurðardóttir, 19.8.2008 kl. 16:22]

Innlitskvitt og kær kveðja   

[Brynja skordal, 20.8.2008 kl. 16:05]

Innlitskvitt til þín Elskuleg