Enn gengur Bjarndýr laust í Skagafirði !

Enn gengur Bjarndýr laust á landinu, reyndar liggur Dýrið núna í makindum, eftir að hafa hámað í sig æðaregg og unga, og kannski eina og eina æðarkollu með og jafnvel nokkra steggi. -

 En semsagt núna virðist hann bara liggja á meltunni í miðri sælgætisskálinni. og fær sér einn og einn unga eða egg,  þegar hann nennir að teygja sig eftir því.  -  Svona eins og þegar við teygjum okkur í konfektmola með kaffinu sem vð fáum okkur eftir matinn á góðum stundum. -

 

Bjarndýrið veit náttúrulega ekki að núna á þessari stundu, eru menn í mörgum löndum að tala sig saman um,  hvernig,  best sé að bera sig að,  við að bjarga lífi hans. -

 

Hann veit ekki heldur,  að nú koma "kjöthleifarnir ekki hlaupandi til hans, sjálfviljugir,  eins og þeir hlupu til fyrirrennara hans,  sem kom hér fyrir um tveim vikum síðan. 

 

Kannski  heldur hann,  að hann fái eins móttökur,  og er núna bara að gæða sér á nokkurskonar "forrétti"  áður en sjálf "aðalmáltíðin" berst honum á tveim jafnfljótum. 

 

Hann veit náttúrulega ekki, að nú hefur lögreglan brugðist skjótt við,  og lokað leiðinni til Hvítabjarnar,  og að lögreglan er harðákveðin í því að halda forvitnu fólki frá því,  að æða beint í hramm Bjarnarins. -  

Björninn veit heldur ekki,  að á þessari stundu,  undirbúa Danir hjálparstarf sitt, og hafa boðað komu sína hingað til lands, til björgunar Bangsa,  eftir hádegi á morgunn.  -

Vonandi verður Björninn spakur og slakur. -   Vonandi hefur hann það huggulegt áfram, -  og vonandi nær hann ekki að klára allt æðarvarpið,  - á meðan beðið er komu Dana.

 

Því þá væri hann til alls vís, eins og Hvítabjarna er siður, þegar þeir sýna hrammanna.   

 

  

Reynt að ná birninum lifandi

Athugasemdir

[Jenný Anna Baldursdóttir, 16.6.2008 kl. 19:20]

Hahahaha, þetta er ferlega absúrd þegar þetta er sett upp svona, sko frá sjónarhóli Bjössa.

Lífið er auðvitað absúrd þannig að þetta undirstrikar það bara.

Takk fyrir mig.

[Lilja Guðrún Þorvaldsdóttir, 16.6.2008 kl. 20:56]

Velkominn heim Ólafur !  Alveg datt mér það í hug, að það hefði verið eitthvað svoleiðis í gangi. -  En ég vildi bara benda þér á það, svo að þú gætir leiðrétt þetta, sem þú hefur nú gert. - Vonandi hafið þið fjölskyldan haft það gott í Boston. 

[Lára Hanna Einarsdóttir, 16.6.2008 kl. 21:23]

Hver ætli bæti bóndanum tjónið? Novator? Æðarvarp er tekjulind þeirra bænda sem það hefur svo bangsi veitir bónda þungar búsifjar.

[Ásthildur Cesil Þórðardóttir, 16.6.2008 kl. 21:44]

Þú ert ótrúleg Lilja mín, hahahaha....

[Lilja Guðrún Þorvaldsdóttir, 16.6.2008 kl. 21:49]

Það er mörg búmannsraunin" var alltaf sagt í sveitinni þegar ég var lítil. - En ætli nokkurn hafi órað fyrir því á þeim tímum. - 

Að Ísbjörn mundi spilla æðarvarpi fyrir nokkrum bónda að minnsta kosti ekki, þegar hafís væri þetta langt frá landi eins og nú er raunin. - 

Ég hlustaði á viðtal við þennan fróma bónda, hann var með ólíkindum rólegur og æðrulaus - og ekki kvartaði hann undan birninum, nema síður sé.  -

Þó að Björninn lægi þarna á eggjum, steggjum og æður.  - Og Björninn æti þau sem hann nennti að éta, og  træði á hinu, og lægi á öðru. -

Og væntanlega drap björninn, um leið von bóndans á bænum og fjölskyldu hans,  um að þau drægju björg í bú af æðarvarpinu þetta árið. - og jafnvel næstu árin. -

Því hvað veit maður, hverskonar áhrif svona "Skaðræði" geta valdið í æðarvarpi þarna um slóðir.   

[Sigrún Jónsdóttir, 16.6.2008 kl. 21:52]

Er æðarvarp ekki friðað???.  Ætli "friðaði" bangsinn viti það ekki, verandi af sama "friðarins" stofni?.

En bóndinn er náttúrulega ekki friðaður

[Lilja Guðrún Þorvaldsdóttir, 16.6.2008 kl. 22:02]

Það er bara svo lítið vitað um menntun og fyrri störf þessa Bjarnar ennþá? -

En svona af hegðun hans að dæma, og látbragð öllu. - Þá veit hann upp á hár, hver það er sem hefur hér öll tögl og haldir. - Já, já, hann veit að hann er sá sem öllu ræður. -

Er til dæmis einhver annar hér á landi sem sporðrennir fullorðnum heilum sel, eins og menn hér sem geta sporðrennt pylsu í einum bita og kallast þá "maður með mönnum"

Þeta er jú enginn Björn Bjarnason, sem þarna er á ferð.   - NEMA !

[Sigrún Jónsdóttir, 16.6.2008 kl. 22:33]

.......þetta sé kettlingur í bóli Björns

[Edda Agnarsdóttir, 16.6.2008 kl. 22:36]

Jú er ekki björn í Bjarnarlíki?

Hahahahaha  Annars er þetta snilldarfærsla hjá þér Guðrún Lilja.

[Lilja Guðrún Þorvaldsdóttir, 16.6.2008 kl. 22:47]

Nei, ekki alveg strax, en þú ert þú kominn í frí Ólafur?

[Lilja Guðrún Þorvaldsdóttir, 16.6.2008 kl. 22:54]

Spurningin er Sigrún. -   Hver er í bóli hvers ?

Já, Edda allavega er þetta einhver í Bjarnarlíki, það er ljóst. -  Skildi það vera BJÖRN ? - 

Að vera eða ekki ...............................................