Hagur Íslenskra Bankaræningja aldrei minni....Krafa um breytt gjaldmiðilsviðmið ....

 Er ekki komin tími á að Íslenskir bankaræningjar leggi niður vinnu, eða beinlínis hætti störfum -  Með svona veikri stöðu krónunnar, hefur staða bankaræningja versnað meir, en orð fá lýst. -

Með svona áframhaldi er eina von "Íslenskra bankaræningja" að bankarnir verði þjóðnýttir aftur.

Hve oft, hef ég ekki,  hugsað um örvæntingu, þessara vesalings "bankaræningja", sem láta sér, detta í hug, að ræna Íslenska banka, -  og missa við það æruna,  við að ræna "örkrónum" úr íslenskum banka.

  Bara hringingin í lögguna, við tilkynningu á ráni,  er dýrari, en uppskera ránsins, getur mögulega orðið, fyrir ræningjanna. -   þeir ná ekki einusinni upp í, útlagðan kostnaður, við kaup á hettum, kylfum, og öðrum tækjum og tólum s.s. eldsneyti á bíla. 

Að ég tali nú ekki líka um, útlagðan kostnað ríkisins, við hvert bankarán. -  m.a. áfallahjálp, og útbúnað við leit hinnar borgaralegu lögreglu, að "bankaræningjunum"  -  utan sérsveitar,  sem er dýrari en ræningjanum tekst mögulega að ná í ránsferðinni, þó hann taki "bankann" með öllu sem í honum er.-

Og að "Bankaræninginn"þurfi svo að sitja ævilangt uppi með stimpilinn "bankaauraræningi" innilokaður jafnvel í mörg ár. -  Þetta er ekki einu sinni, hugsunarinnar virði, hvað þá ómaksins virði.  -

Þó "Bankaauraræningjunum" hafi tekist að fela peningapokann, áður en þeim er náð, þá er "gildi" krónunnar strax fuðruð upp, á meðan á yfirheyrslum stendur. - Hvað þá að þeir njóti nokkurra eftirlauna út á ránsfenginn.  Á meðan þeir afplána í fangelsi. -

- Þegar ég var lítil. - Var mikið gert grín, að því, hvernig erlendir bankaræningjar,  sem náðust,  fengu sína líkamlegu þjálfun, í fangelsinu. -  Þeim var einfaldlega afhent eftirfarandi verkfæri:  skófla, hjólbörur, og tvær spýtur 1,5 cm x 240 cm á lengd.  

 Síðan áttu fangarnir að fara niður í kjallara, - moka í fullar hjólbörur af sandi,  keyra hjólbörurnar upp á aðra hæð,  með því að nota spýturnar sem skábrautir,  og sturta svo sandinum úr hjólbörunum niður um gat á gólfinu, -  þetta púluðu þeir við 8 klst. á dag með löglegum matar og kaffihléum, allan ársins hring, eða svo lengi sem afplánun þeirra stóð.  - 

 En þegar ég var lítil,  voru nefnilega engir Íslenskir bankaræningjar til, - Þá voru allir svo meðvitaðir um "verðgildi" Íslensku krónunnar, að engum þótti taka því,  að ræna Íslenskan banka.  Það datt bara engum í hug að ræna Íslensku krónunni, yfirhöfuð,  því hún var þá, eins og nú, gjörsamlega verðlaus. 

Þar sem það tók því ekki fyrir Sigga í næsta húsi,  eða Balla á horninu,  að ræna banka.  Fjármögnuðu þeir félagar og aðrir álíka kumpánar. - óhóflegt líferni sitt, með sauðaþjófnaði,  hrossaþjófnaði,  og nautgripaþjófnaði, - já, í búfénaðinum var fjársjóðurinn fólgin. 

 Það var t.d. lengi mjög vinsælt að stela nautum samanber söguna af Búkollu, og söguni af Systrunum sem stunduðu "eggjakast" sín á milli, dægrin löng. -  Milli þess sem þær stálu nautum. -  Þá var nefnilega eggjakast líka eins og nú, vinsælt hobbý. - og stuldur á búfénaði, bankarán þess tíma.  -

En Aðalverðgildamatið, þegar ég var lítil, var samt viðmiðunin við "Íslenska Brennivínið",  þegar t.d.  gerðir voru langtíma samningar og eða allar fjárfestingar, og hlutafé lagt fram.  Dæmi:  Þú lagðir fram hlutafjáreign,  og þess háttar, og var framlagið, þá miðað við og metið, - sem svo, og svo, margar flöskur, af "Íslensku Brennivíni". - Það væri ráð að taka það upp nú -

 T. d. á ég bréf, upp á hlut, í Alþýðuleikhúsinu, þar sem ég lagði fram og greiddi með víxli 250 þúsund krónur á sínum tíma, og metið er samkv. bréfinu jafnvirði eignar að 250 flöskum af "Íslensku brennivíni".  - 

Þetta langaði mig bara, að benda Íslenskum Bankaræningjum á,  svo þeir geti fengið endurmat á sínu starfi, og séu metnir samkvæmt raungildi þess gjaldmiðils sem um getur hverju sinni. -

Svo þarf líka að gefa bankaræningjum kost á  endurmenntun fyrir  "bankaræningja", og koma þeim þannig, upp úr "bankaauraræningja hjólförunum,  þeir þurfa líka að fá námkeið í "mati" á auðstjórn og auðsöfnun - samkv. þessum ný endurvakta verðmætastuðli, sem ég legg til að verði tekinn upp.-.  

Semsagt niðurstaðan er:  ÞAÐ ÞARF AÐ ÞJÓÐNÝTA BANKANNA,  þar sem útlagður kostnaður við leit á bankaræningjum, hverju sinni, er meiri en verð á BANKANUM ÖLLUM. -

Ræningjarnir hverju nafni sem þeir nefnast, verði settir á endurmenntunarnámskeið í meðferð fjármála og verðamætamati.

Síðan verða bankarnir settir aftur á frjálsan markað og seldir. - 

 Og væntanlega fara þá, allir, að hafa eitthvað uppúr krafsinu, og bankaræningjarnir fá eitthvað fyrir sinn snúð. - með nýjum gjaldmiðli.

OG MANNAUÐURINN VERÐUR SETTUR OFAR ÖLLU ÖÐRU.

Leitað að bankaræningja

Athugasemdir

[Jenný Anna Baldursdóttir, 7.5.2008 kl. 13:00]

Þú ert brilljant stelpa.  Ójá.

 En sem betur fer þá heypur löggan bara um og leitar að "stick´em up" bófunum og lætur þessa í jakkafötunum í friði.

Takk fyrir mig.

[Hólmdís Hjartardóttir, 7.5.2008 kl. 13:04]

[Lára Hanna Einarsdóttir, 7.5.2008 kl. 13:22]

Óborganlegur pistill, takk fyrir! 

Í millitíðinni mætti kannski benda bankaræningjunum á að pilla sig úr landi og ræna banka í útlöndum þar sem alvörugjaldmiðill er í umferð. Ef vel tekst til og þeir nást ekki komast þeir kannski heim aftur með góssið og geta slegið um sig og hagnast á tiltækinu.

Svo þarf mannauðsstjórnunarfræðingasérfræðing í að velja hverjir eru hæfir til starfans og hverjir ekki. Samkvæmt nýlegu mati hjá Sparisjóðnum BYR komum við ekki til greina, m.a. vegna aldurs.

Framtíðarstarf fyrir unga fólkið, kannski?

[Ásdís Sigurðardóttir, 7.5.2008 kl. 13:45]

Yndislegur pistill Lilja.  Ertu búin að fá glossin?? þú kannski leggur inn 2.000 við tækifæri.  Kveðja

[Brynja skordal, 7.5.2008 kl. 17:10]

Frábær pistill Lilja hafðu það ljúft Elskuleg

[Tiger, 7.5.2008 kl. 17:36]

   Skemmtilegar pælingar hjá þér og vel settar fram. Mér finnst ótrúlegt að blessaðir bankaræningjarnir - þessir með hnífana og kylfurnar - skuli ekki vera löngu hættir starfi. Í fyrsta lagi er já krónan ekki þess virði - og svo er vitað mál að það kemst alltaf upp um þá og þeir látnir axla ábyrgð..

Auðvitað allt annað mál með hina ræningjana, þessa sem fela sig á bakvið titla og feita stóla og komast upp með rupl og ræn án þess að þurfa að axla neina ábyrgð.

Knús í daginn þinn kæra Lilja mín og takk fyrir mig!

[Linda Linnet Hilmarsdóttir, 7.5.2008 kl. 20:39]

[Ía Jóhannsdóttir, 8.5.2008 kl. 09:23]

Hehehehe kveðja héðan úr sveitinni

[Steingerður Steinarsdóttir, 8.5.2008 kl. 09:43]

Frábær pistill.