Kemur hvergi fram .....

  

   Það kemur hvergi fram,  á síðu Gerard van Vliet,  að hann hafi stuðning Hollenska þingsins, til að fara í mál við íslenska ríkið.   

   Í þessari frétt Mbl.  er bent á síðu Gerard van Vliet,  sem er fulltrúi þeirra 469 sparifjáreiganda er áttu yfir 100 þúsund evrur inn á reikningi Icesave í Hollandi.   Því til stuðnings að í undirbúningi sé lögsókn þessara tilteknu sparifjáreiganda gegn íslenska ríkinu.

   Á síðu Gerard v.V.  kemur  hinsvegar fram að hollenski fjármálaráðherrann hafi í fjölmiðlum Hollands, lýst andstöðu sinni við það,  að þessir 469 einstaklingar fari í mál.  - En eins og öllum er kunnugt þá getur hvaða einstaklingur sem er höfðað mál gegn Íslenska ríkinu.  Alveg á sama hátt og hver einasti einstaklingur á Íslandi getur farið í mál við Icesave.    

   Og þessi undirbúningur þessara einstaklinga á lögsókn, er alfarið gegn vilja Fjármálaráðherrans Hollenska. 

   Því þeir hafi (þ.e. þessir 469).,  eins og allir aðrir sem áttu inni í Icesave upp að 100 þúsund evrum,  sem tryggingasjóðurinn náði til,  núþegar fengið greitt að fullu. -  20 þúsund evrur frá Íslenska ríkinu,  sem Hollendingar lánuðu Íslandi fyrir,  og 80 þúsund evrur frá Hollenska ríkinu.

   Því væri lögsókn algjörlega gegn vilja Fjármálaráðherra Hollands.  Þessu hefur Fjármálaráðherrann lýst yfir í hollenskum fjörlmiðlum, eins og kemur fram á síðu G.v.V. 

OG ....á síðu Gerards Van Vliet

  - "KEMUR EKKI FRAM" AÐ HANN HAFI STUÐNING ÞINGSINS.  Eins og Morgunblaðið kýs að segja, í þessari frétt.  

   Hinsvegar kemur fram á síðunni að stjórnmálamenn séu uggandi yfir Icesave,  og að þeim finnist nauðsynlegt,  að lausn verði fundin á þessum Icesavevanda.

   Og það kemur einnig fram,  að Gerard Van Vliet heldur því fram,  að enginn Íslendingur,  "ekki einn einasti aðili" , hafi tapað sparifé sínu eða fé úr tengdum sjóðum í Bankahruninu á Íslandi, þar tapaði enginn Íslendingur, segir hann.

   Hvaðan svo sem hann hefur það. 

 En hann vísar hinsvegar til þess góða, samstarfs,  sem  hann á við "Indefense hópinn" íslenska.    

   Og, að lokum, það kemur hvergi fram á síðu hans,  að hann eða hópur hans,  hafi stuðning Hollenska þingisins.  

Þar hefur Mogginn skáldað glatt.

Undirbúa lögsókn gegn Íslandi

Athugasemdir

[Sigrún Jóna (IP-tala skráð) 5.7.2009 kl. 22:40]

Mér er líka nokk.. sama hvort einhver hefur samþykki Hollenska þingsins fyrir lögsókninni.

[Kolbrún Heiða Valbergsdóttir, 5.7.2009 kl. 22:59]

Það mætti líka alveg gauka að þessum hollendingum að þrátt fyrir að ég hafi ekki tapað krónunujm sem ég átti inni á verðtryggða reikningnum mínum (sem ber töluvert lægri vexti en IceSave reikningarnir gerðu) þá eru þær bara 50% virði þess sem þær voru fyrir 2 árum síðan. Í raun höfum við tapað helling af sparifé okkar þrátt fyrir að upphæðin sé sú sama í íslenskum krónum talið og svo verðum við að taka á okkur skattahækkanir og gríðarlega aukningu skulda.

[Lilja Guðrún Þorvaldsdóttir, 5.7.2009 kl. 23:15]

Það er dapurlegt að heyra Sigrún Jóna, mér finnst það aftur á móti skipta miklu máli, að hollensk stjórnvöld skuli standa við bakið á okkur Íslendingum, þrátt fyrir svik og pretti Icesave aðila.

[Lilja Guðrún Þorvaldsdóttir, 5.7.2009 kl. 23:46]

Kolbrún Heiða:  Auðvitað hafa Íslendingar tapað heilmiklu, misjafnlega miklu, en það hafa allir tapað einhverju,  eins og þú bendir réttilega á.  -  Þessvegna finnst mér sú "upplýsingaveita" sem veitir Gerard upplýsingar um tap hins almenna Íslendings mjög sérkennileg, svo ekki sé meira sagt. -  Því öll höfum við tapað eins og þú segir.

   En þessi 469 manna hópur sem þessi Gerard vinur Indefense hópsins, er í forsvari fyrir,  eru engir venjulegir sparifjáreigandur,  þetta eru þeir sem áttu inni "yfir"100 þúsund evrur,  -   og þeir eru búnir að fá borgaðar "hundraðþúsund evrur",  það fengu þeir greitt í október frá Hollenska ríkinu ásamt hinum 147 þúsundum sparifjáreiganda.

Holland lánaði Íslandi fyrir okkar hlut.  Sem er 20 þús. evrur, og Holland mun borga 80 þúsund evrur. 

   Það er kannski réttara að kalla þessa 469 einstaklinga,  fjármagnseigendur,  en þetta eru þeir,  sem áttu yfir 100 þúsund evrur inni í Icesave,  og ætla núna sem einstaklingar að íhuga málsókn, til að fá restina af pengingum sínum.   Og það er ekkert hægt að banna þeim það, þrátt fyrir að Fjármálaráðherrann Hollenski sé því andvígur, og ræður þeim eindregið frá lögsókn.  

[Magnús Geir Guðmundsson, 6.7.2009 kl. 00:14]

Mjög athyglisvert hjá þér Lilja Guðrún, þetta á ef til vill eftir að vinda upp á sig. EF maður þessi segir rétt frá, væri nú til dæmis afar fróðlegt að heyra viðbrögð hins vaska og háraddaða formanns B og skýringar hans á þessum tengslum.

[Lilja Guðrún Þorvaldsdóttir, 6.7.2009 kl. 00:47]

Já, Magnús Geir og líka það, hversvegna, segir Mogginn svona rangt frá, eins og t.d. það,  að það standi á síðunni hans að hann hafi stuðning hollenska þingsins, það stendur hvergi á síðunni hans.  -  Þetta er mjög alvarleg rangfærsla hjá Mbl.

[Júlíus Björnsson, 6.7.2009 kl. 03:56]

Almenningur hefur tap hér stórum hluta af eignum sínum aftur á móti miklu hærri upphæð en innstæðurnar námu. Verðbólga sem var sett hér af stað og IMF vísar í á heimsíðu sinni. Þökk neysluvísutölutengingu íbúðalána á Íslandi í stað fasteignavísitölutengingu sem allar aðrar þjóðir miða við. 

Ástæður þess að Ríkisjóður Ísland ákvað að bæta innstæður að fullu í útibúum allra banka óháð þjóðerni banka eða innstæðueigenda voru sértækar aðgerðir til draga úr áhrifum þess í sinni efnahagslögsögu að allar bankalínur lokuðust við útlönd. Mér finnst eðlilegt að sérhver þjóð beri ábyrgð á sinni efnahagslögsögu. Langsótt að lögsagan liggi inn í lögsögur annarra ríka.    Mættu Bresk og Hollensk stjórnvöld gera það sama fyrir sínar efahagslögsögur.

Hvað haldið þið að Íslendingar hafi farið með mikið fé út til Bretlands? Westham og tískuvörubúðir.

[Vilhjálmur Örn Vilhjálmsson, 6.7.2009 kl. 06:49]

Vitaskuld væri lögsókn gegn vilja Hollensku stjórnarinnar. Hún lét gera skýrsluna sem hópur van Vliets ætlar sér að nota í máli gegn íslenska ríkinu, og hollenska stjórnin hefur haft lítinn áhuga á því að skýrslan væri kynnt.  Íslenska stjórnin hefur verið hjartanlega sammála hollensku stjórninni, enda voru stjórnirnar búnir að komast að nettu samkomulagi sem gerið það að verkum að Íslendingar munu lifa við armóð í ófyrirsjáanlegan tíma. En það er líka til stjórnarandstaða í Hollandi.

Þetta aumingja fólk í Niðurlöndum telur sér fært að lögsækja íslenska ríkið vegna skýrslu, sem íslenskum stjórnvöldum þótti ekki ástæða til að setja í skjalasafnið varðandi Icesave sem sett var út á http://www.island.is/. Í síðustu viku. Skýrsla þessi er ekki til á hollensku, en nú er verið að þýða hana yfir á ensku tjá menn mér í hollenska fjármálaráðuneytinu. Ég skrifaði samningamanni Hollendinga, Johan Barnard, til að fá þessa skýrslu og hef greint frá því á bloggi mínu hér, hér og hér.

Skýrsla þessi hafði verið sett út á net fjármálaráðuneytis Hollands, en íslensk yfirvöld gerðu ekkert þótt þau hefðu fengið hana í hendur í Kaupmannahöfn þann 15. júní sl., þegar Svavar Gestsson hélt fund og mikla veislu fyrir yfirmenn samninganefnda Breta og Hollendinga. Skýrslan var svo aðeins lítillega kynnt í Morgunblaðinu og kom stutt klausa um hana þann 17. júní, sem fáir tóku eftir.

Hollenski samningamaðurinn Johan Barnard vill annars ekkert upplýsa mig hvað var annars rætt á fundi þessum hjá DDR-styrkþeganum með framlenginguna í Kaupmannahöfn.

Eigum við ekki að spyrja Svavar Gestsson og Indriða Þorláksson: Af hverju var verið að pukrast með skýrslu Hollendinganna, sem nú á að nota til að lögsækja Íslenska ríkið með? Ætla þeir að afhenda hana í dag? Var það vegna þess að þeir gátu ekki lesið hana sjálfir? Segið mér ekki að íslenska samninganefndin hafi ekki haft hollenskan túlk????

[Sigrún Jóna (IP-tala skráð) 6.7.2009 kl. 11:32]

Lilja Guðrún.

 Er það að standa við bakið á Íslensku þjóðinni að lána okkur fyrir 80% af skuldum sem bara örfáir Íslendingar stofnuðu til.

Fyrir mér er það engin stuðningur, hvorki bak- mér fyrir!

Látum þá sem tóku lánin eða skulda Hollendingum eitthvað, borga. Það er gert vegna allra annarra skulda.

Ég man ekki eftir að hafa átt hlut í banka, hvorki Landsbanka, né öðrum. Ég hef ekki verið ábyrgðarmaður banka.

[Guðrún Emilía Guðnadóttir, 6.7.2009 kl. 13:46]

Tek undir með þér Lilja Guðrún mín, þetta er bara svona og við því miður breytum því ekki, en vildi óska að við gætum það.

[Lilja Guðrún Þorvaldsdóttir, 6.7.2009 kl. 14:31]

Júlíus:  Ég er sammála þér um það að Íslendingar þ.e. hinn almenni borgari hefur tapað miklu, miklu meira en en þessir aðilar, þessvegna skil ég ekki hvaðan Gerard van Vliet hefur sínar upplýsingar, um hið gagnstæða. 

En hvað varðar efnahagslögsögu, þá var Icesave bankinn "netútibú" frá Landsbankanum á Íslandi , "ekki dótturfyrirtæki", eins og margir virðast enn halda.  Þessvegna tilheyrir Icesave Landsbankanum á Íslandi.

[Lilja Guðrún Þorvaldsdóttir, 6.7.2009 kl. 15:02]

Vilhjálmur Örn!  Þú ert þá viljandi að fara rangt með, úrþví að þú þekkir málið svona vel,  þá veistu, að þann 11. október 2008, undirritaði Árni Matt. og  fjármálaráðherra Hollands samkomulag, um,  að Íslendingar stæðu við sinn samning um tryggingarsjóðinn og greiddu erlendum innlánseigendum sama og íslenskum innlánseigendum. 

   Þannig að jafnt mundi yfir alla ganga, hvers lenskir sem viðkomandi innlánseigandi væri. -  Þetta innsiglaði síðan Davíð Oddsson, Geir H. Haarde, og Árni Matt, þegar þeir innsigluðu samninginn við Bretlad, og AGS. 

Þessi samningur, milli Hollendinga og Íslands frá 11. október hefur verið á netinu síðan,  og var m.a. birtur í hollenskum  fölmiðlum, þar las ég um hann.

   Síðan fór samninganefnd aftur út og gat náð betri samningum, með betri kjörum, bæði við Breta og Hollendinga. 

 Og um hann stendur styrinn hér á Íslandi nú.

  En það sem þessir 469 manna hópur Hollendinga er að fara fram á er að fá meira út úr tryggingarsjóðnum íslenska en,  lög gera ráð fyrir, og það er þá þeirra mál, ekki hollenska ríkisins.  

  Annað sem kemur fram eins og að Hollendingar séu að pukrast með hitt og þetta skaltu bara spyrja Hollendinga um ég hef ekki hugmynd um að hverju þú et að ýja, né hvað þú ert að gefa í skyn.

En hitt veit ég að Holland hefur verið þekkt fyrir opna og gegnsæja stjórnsýslu og kæmist ekki upp með annað, svo vel fylgjast fjölmiðlar,  og fólkið,  með gjörðum Þings og sveitarfélaga.

[Lilja Guðrún Þorvaldsdóttir, 6.7.2009 kl. 15:09]

Sigrún Jóna!  Þú hefur ekki lesið það sem ég skrifaði.  Holland lánaði Íslandi 20% sem Ísland þurfti að borga.  Holland borgaði á móti 80% sjálfir.  Þannig fenguþeir innlánseigendur sparfjárs sem áttu upp að 100 þúsund evrum í Icesave greitt strax í október 2008.  - Ég vona að þetta komist til skila til þín.

[Lilja Guðrún Þorvaldsdóttir, 6.7.2009 kl. 15:17]

Elsku Milla mín!  Við skulum allavega breyta því þannig að héðan í frá verður opin og gegnsæ stjórnsýsla hér á landi, eins og í öðrum lýðræðisþjóðfélögum.  Við erum svo heppinn að hafa nú við stjórn einu ríkisstjórnina, sem er skipuð þeim forystumönnum sem hafa barist  hvað harðast fyrir opinni stjórnsýslu. - 

[Guðrún Emilía Guðnadóttir, 6.7.2009 kl. 19:20]

Já veistu elsku vina, ég vona svo sannarlega að það verði, en ég er ekki að treysta alveg strax, en vona það besta.

[Magnús Geir Guðmundsson, 6.7.2009 kl. 23:30]

http://visir.is/article/20090706/VIDSKIPTI06/841947698/-1

Ef þú skildir ekki hafa séð eða tekið eftir!

Framararnir áfram samir við sig!

[Magnús Geir Guðmundsson, 6.7.2009 kl. 23:32]

Hins vegar ekki orð um þetta enn á mbl svo ég hafi tekið eftir.

[Lilja Guðrún Þorvaldsdóttir, 7.7.2009 kl. 13:17]

Þakka þér fyrir Magnús, ég las yfirlýsingu Indriða, og þar segir hann satt og rétt frá.   -   Maður spyr sig hverjum er svona mikill akkur í að halda uppi svona mikilli rangfærslu?  Hvað gengur svona fólki til ?  

    Þeir sem svona haga sér eru vísvitandi að sundra þjóðinni,  en til hvers, hvað græða þeir á slíku.  Og afhverju kynnir þessi framsóknarmaður Höskuldur Þórhallsson sér, ekki málin. - Ef þetta eru skýr dæmi um vinnubrögð framsóknarmanna  þá segi ég bara, Guð hjálpi okkur ! 

[Jenný Anna Baldursdóttir, 7.7.2009 kl. 16:17]

Mogginn er ákaflega skáldaglaður þessa dagana.

[Magnús Geir Guðmundsson, 7.7.2009 kl. 22:11]

Ekkert að þakka, tek svo undir með þér og sömuleiðis held ég að "Bomban" hún Jenný hafi lög að mæla, dæmið um þessa lögfræðiskýslu í mbl í dag, enn eitt dæmið að því er virðist!