Þau ætla að klára þetta !!!

Við klárum þetta !  sagði Ragnheiður Elín þingmaður, aftur og aftur, - lauk m.a.s. ræðu sinni á þessum orðum:  Við klárum þetta !    

Hvað hún ætlar að klára er mér ekki alveg ljóst.  -

Nema að hún ætli að klára að leggja landið í rúst,  fái hún og hennar flokkur til þess fylgi.  Það er ekki hægt að skilja þessar upphrópanir hennar öðruvísi. -

 Við klárum þetta !  -  Ætlast konan virkilega til að við leggjum líf okkar,  og niðja okkar, og framtíð Íslands,  í hendur svona fólks, sem endurtekur svona fáránlega innantóma upphrópun, hvað eftir annað úr pontu á eldhúsdagsumræðum á hinu háa Alþingi. 

Við klárum þetta !!! - Innantómur frasi,  sem skellur á áhorfendur, eins og falskur tónn,  þar sem hálf þjóðin situr og veltir fyrir sér ræðu hvers og eins frambjóðanda sem þarna talar, vegur og metur, hvert orð sem þarna fellur. 

Því nú eru aðrir tímar.  Nú er hlustað á hvað þingmenn hafa að segja.  -  Og nú er fylgst með hvað þingmenn eru að gera.  

Og þessvegna hljóma svona innantóm slagorð, eins og bjalla sem vantar í kólfinn. 

Hinsvegar skýrðu svona upphrópanir nauðsyn þess að þjóðin sjálf komi að breytingu á Stjórnarskránni, og nauðsyn þess að koma á Stjórnlagaþingi. 

Með því að kjósa, og kjósa rétt.

AFÞVÍ VIÐ VILJUM EKKI ÞAÐ SEM VAR OG HRUNDI.

 

 

 

Vildi hækka skatta á Helguvík

Athugasemdir

[Guðmundur Pétursson, 7.4.2009 kl. 22:44]

Þessi manneskja er og hefur alltaf verið út á þekju.  Þetta sýnir best hversu aumir sjálfstæðismenn eru að þurfa að tjalda svona einstaklingi.

Ekki er nú forystu tvíeykið þeirra mikið skárra.  Lánlausir lögfræðingar sem vilja virkja allt sem hægt er að virkja og selja á gjafverði til erlendra auðhringja. 

[Lilja Guðrún Þorvaldsdóttir, 7.4.2009 kl. 22:50]

Já það er satt Guðmundur er ekki aumingja konan með Árna Johnsen í öðru sæti og stjórn þar sem allt er falt, fyrir valdið.  

[Guðmundur Pétursson, 7.4.2009 kl. 22:57]

þú átt við að x-d sé sama og x-con í þessu kjördæmi?     Sjálfstæðisflokkurinn er bara í mjög slæmum málum og það tekur hann allavega áratug að ná sér upp úr þessu.

[Heimir Arnar Birgisson (IP-tala skráð) 7.4.2009 kl. 23:00]

Lesið þetta og þá sjáið þið hversvegna það er nauðsynlegt að hækka skatta á þessi fyrirtæki. Það er einfaldlega vegna þess að hvert álver skilar ekki nema 0,1-0,2% af vergri þjóðarframleiðslu....Þessi kerling hagar sér eins og trúður með þessu bulli sínu. Talar eins og Indriði Þorláksson sé fífl.... held að það sjái allir hver er fíflið hérna.

[Lilja Guðrún Þorvaldsdóttir, 7.4.2009 kl. 23:06]

   Heldurðu Guðmundur að það taki þá bara áratug að komast upp úr þessu, ég held að það taki þá lengri tíma, sérstaklega eftir að hafa hlustað á það sem þeir höfðu fram að færa í eldhúsdagsumræðunum í kvöld. 

   Ég var sérstaklega hissa á Bjarna Benediktssyni nýkjörnum formanni, mér fannst hann vanta allan sannfæringakraft, sem sagði mér það,  að sú meinsemd sem hrjáir Sjálfstæðisflokkinn er stærri og meiri en okkur grunar.

[Lilja Guðrún Þorvaldsdóttir, 7.4.2009 kl. 23:08]

Þakka þér fyrir þetta Heimir. - Þörf áminning.

[Ingibjörg Hinriksdóttir, 7.4.2009 kl. 23:15]

ja hérna ... ég hef greinilega kíkt á fótboltann meðan Ragnheiður Elín talaði, og missti ekki af neinu! Kannski hefði verið í lagi að hafa upphrópanirnar með boltanum? Hmmmmm!

[Jóna Kolbrún Garðarsdóttir, 8.4.2009 kl. 01:30]

Bylur hæst í tómri tunnu. 

[Ásthildur Cesil Þórðardóttir, 8.4.2009 kl. 08:57]

Þeir eru margir frasarnir frá Sjálfstæðismönnum sem skella á okkur þessa dagana.   Málið er bara eins og þú segir að aldrei hefur bulið hærra í tómum tunnum en einmitt núna.  Þarna stóður þeir í pontu alþingis í gær og töluðu eins og þeir eini gætu bjargað málunum.  Eyddu mestum tíma í að ræða um aðra flokka og hvernig þeir gerðu ekki nógu vel.  Mennirnir sem eiga þessi vandræði frá A til Ö. Voru á vaktinni allan tímann, greinilega steinsofandi nema þeir hafi vísvitandi látið allt fara með það í huga að hygla sínum og sér brunarústirnar.  Ég er búin að fá svo mikið upp í kok af þessu liði að ég get ekki hugsað mér að þeir komi nálægt því að stjórna landinu næstu árin.  Og ég verð reið þegar ég hugsa um það fólk sem er í sömu sporum og þorri fólks hér á landi ætlar að veita þeim umboð sitt.  Hvað er að slíku fólki?  Sjálfseyðingarhvöt?  Ég er oft að spá í það hvað gengur venjulegu verkafólki til að þjóna til borð í Valhöll.  'Eg bara næ ekki upp í það. 

[Eva Benjamínsdóttir, 9.4.2009 kl. 14:51]

Elsku Lilja Guðrún, takk fyrir góðan pistil að vanda. Já, hvað vill þetta fólk uppá dekk, sem hefur akkúrat ekkert fram að færa. - Ömurlegt!

Annars er ég nýkomin heim úr sveitinni og við Mumma höfðum það rosalega notalegt með landnámshænu-páska-ungunum. Friður frá fjölmiðlum og argaþrasi var kærkomin hvíld. Hlustuðum á tónlist, borðuðum góðan mat og lékum við börnin smá.

Gleðilegar Páskakveðjur til þín og þinna!

[Linda Linnet Hilmarsdóttir, 10.4.2009 kl. 17:44]

Gleðilega Páska og ljúfar notalegar kveðjur

[Hólmdís Hjartardóttir, 12.4.2009 kl. 01:33]

TAKK fyrir fínan pistil og gleðilega páska