Á stefnumót í kvöld klukk.. .....

        Útvarpsleikhúsið á Rás 1, býður mér , og öllum þeim sem vilja,  á stefnumót við George Tabori leikritahöfund,   en verkið hans  "MÓÐIR MÍN HETJAN"  verður flutt þar kl: 22:20.

       Þarna  fáum við að heyra magnaðan leik,  stórfenglegra leikara,  flytja eitt þekktasta verk höfundarins,   í leikstjórn Hallmars Sigurðssonar

       Á  meðal leikara eru þarna þeir bestu listamenn sem Ísland hefur átt :  s.s.  Guðrún Þ. Stephensen,  Baldvin Halldórsson,  Bríet Héðinsdóttir , Erlingur Gíslason,  Þorsteinn Gunnarsson, Sigurður Skúlason, Guðmundur Ólafsson, og Eggert Þorleifsson. 

Ó, hvað ég hlakka til að njóta þessarar kvöldstundar í fylgd þessara snillinga. Kv. Lilja 

Siðblindur þingmaður ......

      Mér þótti oft dapurleg hér um árið, svör þingmannsins Birkis Jóns þegar fréttamenn reyndu að fá svör hjá honum vegna aðkomu hans að  svonefnda Byrgismáli,   sem fyrrverandi aðstoðarmaður ráðherra og seinna formaður fjárveitinganefndar,  voru svör hans svo fáránlega kjánaleg, og ósvífin, að manni féllust hendur.  Og enn dapurlegra fannst mér að hann skyldi komast upp með þá ósvífni sem hann sýndi þá.  

     En núna þegar sjá má hvernig hann reynir,  á jafn ósvífinn hátt og áður,  að réttlæta gjörðir sínar um þátttöku sína,  í ólöglegu spilavíti,  þá getur maður ekki orða bundist.  

     Þó maðurinn sé spilafíkill þá ætti hann sem þingmaður að sjá sóma sinn í því að spila í löglegum spilum,  til að fá fíkn sinni fullnægt,   en þar sem sýnt þykir,  að græðgisfíknin,  nær út yfir öll lögleg mörk,  þá ætti hann að skammast sín,  og segja af sér þingmennsku nú þegar. 

     Því hann situr í umboði kjósenda á lögþingi okkar Íslendinga  sem hefur kosið hann til að framfylgja lögum og rétti landsmanna,    og eftir þeim lögum og rétti skal hann fara og sýna þar fordæmi samvkæmt eiði sem þingmenn sverja þegar þeir setjast á þing. 

      Þar sem þú Birkir Jón virðist ekki skilja,  eða hefur verið það hrokafullur að eiður sá er þú  sórst  er þú settist á þing er þér einskis virði,  og þú hefur gleymt,  hvað þér ber að gera á þingi,  og í hvers umboði þú situr  á Alþingi ,  skaltu skammast þín og segja af þér,  já þú skalt skammast þín fyrir  þann hroka sem þú sýnir  Íslensku þjóðinni,   og þú skalt skammast þín,  fyrir þau ummæli sem þú lætur þér um munn fara og höfð eru eftir þér í fjölmiðlum þar sem þú  t.d. jafnar "fjárhættuspilinu Póker"  við  skákmót og bridgemót og setur þau á sama standard sem afsökun fyrir lögbroti þínu.  Því fjárhættuspilið Póker er bannað með lögum hér á Íslandi og afhverju heldur þú að það sé?     Lægra er ekki hægt að leggjast í valdahroka Birkir Jón 

Íslenskukennsla í Útvarpsleikhúsi

       Fyrir rúmum áratug eða svo var ég einusinni sem oftar á leiklistarhátíð , en þá reyni ég  sjá eins mikið af góðum sýningum og mögulegt er, en þarna var ég  á Alþjóðlegri leiklistarhátíð í  Hollandi og hafði séð margar góðar leiksýningar og  gott dansleikhús sem var þarna áberandi þetta árið í Amsterdam.

    En sá þá auglýst í prógrammi Listahátíðarinnar afar spennandi sýningu í Den Haag,   svo við ákváðum dætur mínar og ég að skella okkur til Dan Haag fara á ströndina sem er mjög skemmtileg þarna  og fara svo í leikhús á eftir.    Þetta var útileikhús sem sett hafði verið niður á aðaltorgi borgarinnar (spennandi),   þar,   á torginu semsagt,  hafði verið byggt einhverskonar hús "snjóhús" og í kringum það var verið að setja upp ljós.

      Við keyptum okkur miða á sýninguna og fórum svo á ströndina og svo þegar fór að bregða birtu drifum við okkur inní borg og niðrá torg.   Þar var okkur áhorfendum leiðbeint inn í leikhúsið  ( inn í snjóhúsið),  gegnum lítið þröngt op,  eins og gjarnan er á snjóhúsum,  og þegar inn var komið,  þá mátti sjá,  að ljósið frá ljóskösturunum sem stóðu fyrir utan,  lýstu í gegnum veggina ,  og inn í húsið,  inni  var allt fljótandi í vatni  enda fjallaði verkið um vatn.  Verur birtust allsstaðar bæði ofanum lítið gat í loftinu sem og skríðandi í gegnum smugur sem við áhorfendur sáum ekki svo glöggt.  Leikararnir sem í þessu tilfelli voru líka  dansarar komu í þögn og uppgötvuðu snertinguna við vatnið og þegar þau höfðu fengið kraftinn úr vatninu byrjaði ein sú kraftmesta og flottasta sýning sem ég hef séð.  

    Þetta var mjög eftirminnileg sýning,   þar sem allt spilaði saman,  og útkoman varð  glæsileg ,   en strax í upphafi sýningar tók ég eftir ungri stúlku sem bókstaflega stal senunni með þvílíkum sviðssjarma og útgeislun að allir meðleikarar og dansarar féllu bókstaflega í skuggann af þessari "Valkyrju"  sem þessi stúlka lék,  stúlkan talaði bæði frönsku og flæmsku ég skildi ekki orð en skildi samt allt og yngri dóttir mín ellefu ára var sama sinnis þegar við fórum að ræða sýninguna á heimleiðinni.

     Þá segir eldri dóttir mín mér að þetta sé íslensk stúlka og ég muni hitta hana á morgun.  Þá kemur semsagt í ljós að stúlkan Lilja Björk Hermannsdóttir  er fædd og uppalin í Luxemborg svo þessvegna hafði ég aldrei séð neitt til hennar fyrr,  en það sem kom mér mest á óvart þegar ég hitti  hana var,  hve fallega íslensku hún talaði,  og talar enn,  ég varð alveg gáttuð,  það örlaði ekki á hreim og málfræðin alveg pottþétt og orðaforðinn var meiri enn hjá mörgum Íslendingnum sem hafa þó búið hér alla sína ævi., og munu margir geta öfundað hana af fallegu orðfæri.   Þá sagði hún mér  að hún hafi reynt að koma til Íslands á hverju sumri og búið þá hjá afa sínum og ömmu,  til að læra íslensku,  en það sem hún gerði alltaf og hefði hjálpað henni mest og best ,  og væri henni sem helgistund það er að hlusta á Útvarpsleikhúsið,   hér áður fékk hún kassettur af gömlum upptökum en eftir að netið kom þá eru fimmtudagskvöldin og sunnudagarnir henni heilagir því þá hlustar hún á leikritin í gegnum tölvuna hvar sem hún er í heiminum. 

     Og nú er þessi unga stúlka orðin leikkona og er að gera það gott út í heimi,   en  ég á mér þann draum og þá ósk heitasta að hún fái sem allra , allra fyrst,  að leika á íslensku sviði.    Mest væri samt gaman  ef  að  hún fengi fyrst að leika í Útvarpsleikhúsinu,  leikhúsi allra landsmanna (um allan heim) .   Í leikhúsinu sem ól hana upp listalega séð.   Þar sem Útvarpsleikhúsið hefur lagt fram sinn skerf að framtíð  þessarar ungu ,  kraftmiklu og glæsilegu leikkonu,  og jafnvel gerði það að verkum að hún ákvað að stíga þetta spor að verða leikkona. 

      Útvarpsleikhúsið hefur semsagt jafnvel verið öflugasta leikhúsið í útrás hér áður og er kannski enn.  Er þetta ekki merkilegt ?!?!?.    Jú,  þetta er sko merkilegt.  Þessvegna varð ég að segja ykkur frá þessu.   Og ég er líka viss um að þið takið undir ósk mína um að Lilja Björk verði boðin velkomin á íslenskt svið.  Kv. LG.

Magnað leikhús Útvarpsleikhúsið og ódýrt ....

      Ó,  það var svo gaman að hlusta á " Engill í Vesturbænum"  í Útvarpsleikhúsinu  s.l. sunnudag leikgerð Jóns Hjartarsonar gerð eftir þessri yndislegu bók í leikstjórn Sigrúnar Eddu Björnsdóttur þessarar frábæru leikkonu og rithöfundar m.m.  og í  gær sunnudag hlustaði ég á "Nornirnar"  það er svo gaman að fylgjast með börnum hlusta á útvarpsleikrit þau lifa sig svo inn í verkið,  ég sem hélt að það hefði bara verið í gamla daga sem börn sátu límd við útvarpið og þorðu varla að anda til að trufla ekki útsendinguna, 

   En það er nú eitthvað annað ég segi það satt,   ég komst að því þegar ég í lok síðasta árs fylgdist í fyrsta skiptið  með barnabörnunum mínum þrem  já, bónusbarnabarnið meðtalið hlusta á Útvarpsleikhúsið,   Ég hefði aldrei trúað þeirri sýn að óreyndu.  Þarna sátu þau og hlustuðu af þvílíkri andakt á leikritið um "Uppfræðslu Litla Trés" að ég sá  að  sannarlega hefði engin breyting orðið  á áhuga og hlustun barna  nú  og á þeim börnum sem hlustuðu fyrir 20 - 30 árum.  Ég gapti af undrun.  En þau göptu af spennu.

    Þar sem  ég vann sjálf við verkið "Uppfræðsla Litla Trés"  hafði ég gjörsamlega heillast af snilldar velgerðri leikgerð Benónýs Ægissonar og þeirri natni sem leikstjórinn  Lárus Ýmir Óskarsson lagði í leikstjórnina.    Beið ég því spennt eftir að fá tækifæri til setjast niður með þrem barnabörnum mínum og fylgjast með upplifun þeirra á útvarpsleikriti og hvort þau yrðu líka jafnhrifin af verkinu og ég var.

     Það verður að segjast að ekki stóð á viðbrögðum barnanna því svo heilluð voru þau  að þau  sátu sem límd við tækið m.a.s. sá litli þá rétt tveggja ára sat sem negldur við útvarpstækið  og þegar útsendingu var lokið vildi hann fá að hlusta aftur og átti erfitt með að skilja afhverju það var ekki hægt ég reyndi að útskýra fyrir honum að þetta hafi verið fyrri hluti og næsta sunnudag eftir viku gætum við hlustað á seinni hlutann Ursúla stóra systir hans og Gígja frænka hans biðu með óþreyju eftir næsta sunnudegi  og það var eins og hann  skynjaði  þetta líka því þegar komin var  sunnudagur settist hann við útvarpið og  vildi að  láta kveikja á því .

        Því  loks væri sunnudagur runnin upp og nú ætlaði hann að hlusta á Litla Tré ,lloksins kom að því að seinni hluti verksins hljómaði á öldum ljósvakans og aftur varð "þögn"  á heimilinu , þessi þögn sem var fyllt af eftirvæntingu og spennu sem börnin skópu sjálf með þögninni.  ótrúleg þögn á þessu barnmarga heimili og amma Lilja upplifði það í fyrsta sinn að sitja á gólfinu með barnabörnum sínum og hlusta á Útvarpsleikhúsið, Leikhús allra landsmanna senda út leikritið "Uppfræðsla Litla Trés"  verk sem erindi á til allra.   Þó ég hafi aldrei getað ímyndað mér  að ég ætti eftir að  upplifa þessa hamingjustund  barnabarnanna þegar þau uppgötvuðu þennan galdur sem Útvarpsleikhúsið er , þá er  ég svo stolt  af því að Útvarpsleikhúsið  skuli enn vera til  og  enn jafn metnaðarfullt að standa sig sem stærsta leikhús landsins sem betur fer fyrir barnabörnin mín og fyrir mig og alla þá sem vilja njóta góðs Leikhúss  og það vilja  ömmubörnin  mín ekki síst 2ja ára drengurinn sem hefur síðan hlustað mikið á útvarp og mest finnst honum gaman að hlusta á útvarpsleikrit og það finnst ömmu líka.

      En ég missti af frábæru verki "Andvaka"  eftir Tabori sem var sent út s.l.  fimmtudagskvöld ég var búin að kveikja á útvarpinu stilla á rás1 og allt var tilbúið til hlustunar og klukkan að verða 22:20 þá sofnaði ég sótthitasvefni og vaknaði ekki einusinni þegar verið var að afkynna verkið svo nú verð ég bara að vona að ég sofi ekki af mér næsta leikrit  sem sent verður út n.k. fimmtudagskvöld  kl: 22:20 því það verður ekki síður spennandi að hlusta á það. Góða skemmtun

Já, ástin ! Var búin að hóta að ....

Það var verið að minna mig á að ég var búin að hóta því að ég ætlaði að skrifa um ástina þegar ég bloggaði næst.  Ég ætlaði að hætta að skrifa um pólitík og einbeita mér að skrifa um ástina þannig lauk ég skrifum mínum  sem ég birti hér á blogginu fyrir nokkru,  þá  hvarflaði ekki annað að mér en að strax daginn eftir mundi ég standa við þessa hótun,  þá grunaði mig ekki að strax daginn eftir mundi ég veikjast svo heiftarlega að ég gæti ekki einusinni lesið bloggið mitt hvað þá skrifað nýtt.  Ég vaknaði semsagt óvenju slöpp næsta dag og fljótlega kom í ljós að ég var alls óvinnufær sökum flensu og þannig steinlá ég með sótthita og hor í nös kryddað með hálsbólgu og beinverkjum næstu sólarhringa sem gerði það að verkum að ég opnaði ekki einusinni tölvuna hvað þá að ég skrifaði staf.   Svo í dag var ég búin að gleyma að ég hafði boðað skrif um ástina.  Enda er þessi svokallaði Valentínusardagur liðinn þetta árið en það var einmitt ætlun mín að leggja út frá honum.   Svo nú verð ég að finna aðra leið til að segja ykkur sögu ástar og sögu heitra tilfinninga ,  ég verða að finna aðra nánd á efninu ef svo má að orði komast.   Því ég ætlaði einmitt að nota tækifærið og ræða þegar ég uppgötvaði hina einu og sönnu ást  og   hvernig á því stendur að maður verður alltaf hálf feimin þegar maður hugsar um þessa stóru tilfinningu sem kviknar hjá manni þar sem "Stóra Ástin" í lífi manns er.  Og hvernig hún birtist manni tilfinningin um ástina og hvernig  ástin birtist manni í daglegu amstri.  Ástin er allsstaðar allt um kring það er bara að hleypa henni að,  hleypa henni að hjarta sér.  Örsaga:  Lítill maður lýkur við kvöldmat sinn og segir um leið  og hann leggst niður á  tvo stóla sem standa hlið við hlið ,  hann teygir úr sér á stólunum  pakksaddur  og ánægður en þreyttur eftir daginn og vinnuna á leikskólanum sínum :  Amma Lilja segir hann,  Amma Lilja hvað ertu að gera?   spyr litli maðurinn og stynur þungan af seddu.  Ég er bara að ganga frá  svarar amma Lilja litla manninum sínum , -  Amma Lilja komdu aðeins  segir þá litli maðurinn  -  Hvað er það vinur? spyr amma Lilja um leið og hún gengur til hans. -   Amma Lilja sestu hérna segir hann og færir sig aðeins svo amma geti tyllt sér  við hlið hans á annan stólinn. -  Amma Lilja viltu hvísla að mér : Spyr litli maðurinn svo. -  Amma lýtur niður að litla snáðanum og hvíslar að honum lítilli stöku. -  ,  Amma  Lilja  viltu hvísla ég elska þig , segir hann lágt og lygnir aftur augunum.  Og amma laut aftur niður að litla snáðanum sínum og hvíslaði : ÉG ELSKA ÞIG -  og við að heyra þessum orðum hvíslað að sér , lokaði litli snáðinn augum sínum og tímdi ekki að opna þau þó að amma bæri hann inn í herbergi og gerði hann kláran fyrir háttinn bæri hann fram á bað og burstaði tennurnar osfrv. það var ekki fyrr en amma breyddi sængina ofaná hann og beygði sig yfir hann til að kyssa hann góða nótt að hann hvíslaði : - ELSKA ÞIG LÍKA  amma Lilja - enn með lokuð augu og þar með var hann sofnaður eins og slökkt hafi verið á honum.   Þetta er ÁST.

 

 

Geir góður og Stefán Jón hrei..

Geir góður og Stefán Jón hreinn og beinn eins og hans er von og vísa,  því miður missti ég af byrjun þáttarins kom bara inn í þegar Geir var rétt komin í Silfrið., heillandi maður Geir og málefnalegur þarna sat hann  geislandi af visku og orku,  gefandi von um góða lausn á þeim vanda sem herjar á okkur nú um mundir og  einhvernveginn fannst mér Egill líka vera alveg í essinu sínu í dag bæði í samræðum sínum við Geir og ekki síður við Stefán Jón Hafstein sem á ótrúlega skömmum tíma súmmaði upp kreppuástand Borgarstjórnarflokka Reykjavíkurborgar  allt frá  árinu 1982 til dagsins í dag og dró upp skýra  mynd af innanflokksátökum í Borgarstjórnarflokki Sjálfstæðisflokksins frá sama tíma. hann staðfesti það sem ég hef verið að velta fyrir mér en ekki fengið staðfest fyrr enn nú að enginn, og ég endurtek, " enginn " möguleiki er að koma á,  stafhæfum meirihluta í borgarstjórn fyrr en Borgarstórnarflokkur Sjálfstæðisflokksins hefur fundið lausn á sínum vanda grafið stríðsaxir sínar og sameinast um að koma á starfhæfri "Starfsstjórn" sem starfi saman að þeim málum sem ekki þola nokkra bið og áríðandi er að leysa hið fyrsta út kjörtímabilið.  Því eins og málum er háttað nú,  er enginn starfhæf stjórn við stjórnartauminn í Reykjavík dagsins í dag og verður ekki fyrr en unnið hefur verið úr því sem greinir um þarna innanflokks og greint er frá hér að ofan.  Megi þeim bera gæfa til að leggja hag borgarbúa og borgarinnar framar öllu öðru, því að þessu kjörtímabili loknu munu kjósendur skera úr um hvernig til hefur tekist hjá þeim.  Trúið mér, núverandi ástand gleymist ekki svo glatt.  Annars ætla ég að horfa á endurtekningu á Silfri Egils í kvöld og vita hvort þátturinn hafi verið svona gjöfull og málefnalegur alveg frá byrjun.  Kv. Lilja 

Hætt að skrifa um pólitík ....

Ég er hætt að skrifa um pólitík nú verða þeir meirihlutanum í borgarstjórn að dansa sjálfir, bara  að hysja upp um sig buxurnar og binda fastar á sig dansskóna og láta sig hafa það  að skella sér með í Óla Skans, og til að létta sporin er gott að láta sig hafa það að raula með gamla góða textan  um hann  "Ólaf Fans"  en viðlagið er svona: - "Óli, Óli , Óli fans,  voðalega kargur er hann Villi  vinur hans."..  osfrv.   - Og sporin eru 3 skref fram  á við og 13 skref afturábak..... -  Svona var gamli góði textinn:  Óli skans  Óli Skans ógnarvesalingur ,  Villi hans , vinur hans, veit nú hvað hann syngur, - og þá kom viðlagið. -  Óli ÓLi Óli fans voðalega kargur er hann Villi vinur hans . osfrv. og endur tekið eins oft  og þurfa kann.       Gangi ykkur vel.    Og næst hristum við upp í  Kokkinum sem við Kabyssuna stóð.    Á morgun ætla ég að tala um ástina.  Kv. LG

Staðgengill Borgarstjóra

       Vilhjálmur ætlar ekki að segja af sér enda enginn ástæða fyrir hann til að gera það að  hans mati og stuðningsmanna  hans þar sem hann hefur nú þegar "axlað ábyrgð"  og nú á hann ekkert annað eftir en að fá frið til þess að vinna  verkin sín leyfa verkunum að tala  verkin sem hann á eftir að vinna t.d. er hann "STAÐGENGILL" borgarstjóra og mun gegna því embætti ef og þegar þörf verður á, sem verður örugglega þegar Ólafur fer í sumarfrí og  vetrafrí, páskafrí jafnvel jólafrí,   hann er nú þegar búinn að fara sem Staðgengill borgarstjóra á fund Evrópskra eða Norænna borgarstjóra ég man ekki hvort heldur var,  svo það segir sig sjálft að  hann er ekkert hættur.  En eins og hann sagði á fundinum í dag  þá vonast Vilhjálmur eftir því að eftir "eitt ár og einn mánuð"  þegar hann á að taka við verði hann búinn að vinna aftur það traust sem hann hafði og hann vonast líka eftir að fá frið til að fara að vinna í þeim málum sem hann þarf að vinna svo hann verði búinn að ávinna sér aftur traust og trúnað borgarbúa.   Og þar sem ég hef fengið þessar upplýsingar frá fólki sem hefur ómakað sig við að hringja í mig til að ég sé ekki að halda áfram að mynda mér ranghugmyndir um  Vilhjálm staðgengil borgarstjóra og verðandi borgarstjóra,  fólk sem þekkir hans pólitík og hans vinnubrögð , þá get ég ekki annað séð  en  að Vilhjálmur  er séður maður sem getur státað af um 25 árum í pólitískum refsskap og hann er ekki búinn að syngja sitt síðasta í pólitíkinni fyrr en honum finnst sjálfum tími til kominn að setja punktinn aftan við iið. ég, skil ekki alveg þetta með iið en það var ítrekað sagt við mig í símanum svo mér finnst nauðsynlegt að sýna viðmælendum mínum að ég hafi náð iinu þó ég hafi ekki skilið það.   En eitt skildi ég  - og það er að næsta árið og einn mánuð til -  verður notuð maður á mann aðferðin - já,   þið vitið sókn er besta vörnin - og þegar líður að leikslokum og til að geta gengið sómasamlega sáttir af velli þarf að ná  góðum lokum - þá er gott að nota maður á mann aðferðina-  Eða eins og maðurinn sagði þú sérð það góða að nú er það bara maður á mann og ekkert minna en það  "og sigurinn er okkar".  Og ég trúi honum sagði honum það líka en spurði að lokum alveg fáránlegrar spurningar:. EN,  sagði ég:  Hvað með kjósendur ?!?!?  Hvað  með kjósendur? .,  hvað meinarðu kona? Hvað með kjósendur !!! hváði maðurinn í símanum. -  Já, ég sagði hvað með kjósendur, borgarbúa hvað með fólkið í borginni ungu foreldranna sem koma börnum sínum ekki í dagvistun vegna þess að ekki er hægt að manna leikskólanna t.d. eða skólaverin og bara skólanna,  allsstaðar  vantar mannskap þar sem ekki er hægt að borga fólki sómasamleg laun fyrir að hugsa um framtíð landsins sem er jú, börnin ekki satt?.  Hmm,   jú, jú sjálfsagt, sjálfsagt,   en þau eru bara ekkert til umræðu núna góða. -  Einmitt það .  Og  nú eftir þennan síðasta blaðamannafund   hef ég áttað mig betur á  "maður á mann" aðferð þeirra Sjálfstæðismanna.   Það sá ég þegar Vilhjálmur ætlaði að tala við einn í einu.   En nóg um það í  bili.   Og til ykkar sem hringduð í mig vegna bloggpistilsins vil ég segja þetta:  Ég þakka fyrir símtölin og heilræðin.  Ég þakka fyrir falleg orð í minn garð.  En best þætti mér ef að þið munduð bara vilja skrifa það í athugasemdadálkinn  minn hér á blogginu því það hlýtur að mega sjást og heyrast hve fallega þið hugsið til mín og  til þess er ég hérna á blogginu að skrifa og fá skrifleg viðbrögð á skrifin., annars mundi ég bara auglýsa símatíma ef ég ætlaði mér að hanga í símanum allar mínar frístundir., þið kynntuð ykkur en báðuð um nafnleynd að sjálfsögðu varð ég við því og við það mun ég standa.  Kær kveðja Lilja

Ég varð svo reið að ég gat ekki sofnað sagði rödd . .......

        Sagði rödd í símanum í gærkveldi,   um það leyti sem ég var að gera klárt fyrir svefninn hringdi síminn og þegar ég svaraði var sagt: já, gott kvöld fyrirgefðu að ég hringi svona seint en ég varð  svo reið þegar ég las bloggið þitt að ég varð bara að hringja .  Nú , svaraði ég afhverju skrifarðu ekki bara í athugasemdademdadálkinn er það ekki það sem á að gera.?  Jú, sagði konan en það sem ég ætla að segja við þig vil ég ekki að fari í fjölmiðla. Ó, Guð , hugsaði ég:  ég rétt að stíga fyrstu skrefin  á blogginu og strax  búin að fá upphringingu.  Ég skil ekki alveg svaraði ég hikandi hvað er það sem má ekki heyrast. -  Jú , ég sé að þú þekkir ekkert til mála svo ég vil bara segja þér að þú veður bara í villu og svima - þú ert ekki í flokknum og veist ekkert hvað gengið hefur á  svaraði konan og ég heyrði á rödd hennar að hún var djúpt særð það var enginn æsingur , bara sársauki.  Bíddu við þú verður að segja mér betur hver þú ert svo að ég skilji þig ég er svo ný á blogginu var og er bara að fikra mig áfram inn í þennan bloggheim svo þú skilur að ég veit ekki alveg hvað þú ert að fara. hvað er það sem ég gerði vitlaust á blogginu. 

     Ég er bara að reyna að segja þér  á kurteisan hátt að þú veist ekkert um það sem er að gerast bak við tjöldin .  Þú heldur að allt sé Vilhjálmi að kenna , þú gerir þér enga grein fyrir að það geti nú verið að hann hafi verið dreginn inn í þetta með blekkingum og falsi.  Vilhjálmur er góður maður og trúgjarn og jú það má segja að hann hafi látið draga sig  á asnaeyrunum en það gerðu nú fleiri.

 Ég held ekki neitt því ég eins og þú segir réttilega er ég ekki innsti koppur í búri þeirra sjálfstæðismanna sem þarna halda á spilunum,  flýtti ég mér að segja:,   ég hef hinsvegar eins og margir aðrir borgarbúar þessa daganna verið að reyna að átta mig á málavöxtum. - Það er einmitt það sem ég vil ræða við þig sagði konan Ertu tilbúin að hlusta?  Ha,jájá, ég er sko til í það svaraði ég óðamála.  Gott og vel sagði röddin  og síðan hófst frásögn hennar. 

    Klukkan var að verða 3 þegar ég skreiddist loks upp í rúm ég veit ekki hvað klukkan var loks þegar ég sofnaði undir morgunn,  en  ég veit bara að ég var alltaf að hrökkva upp og athuga hvað klukkan væri ég var svo hrædd um að vakna ekki við vekjaraklukkuna.

   Enda var það heldur framlág , ósofin  bloggkona sem skrölti fram úr rúminu í morgun. Eitt er víst að hafi blessuð konan verið reið þegar hún ákvað að hringja í mig og segja mér allt þetta þá var það ekki bara undrandi kona sem hún kvaddi í lok samtals heldur var ég líka enn rignlaðri enn ég hef nokkurn tíma verið.   Allt í einu var ég komin inn í miðja hringiðu "aðalmála málanna" í pólitíkinni  án þess að ég hef nokkuð til þess unnið nema að prufa að blogga.   Og þar sem ég sat og maulaði morgunkornið  í morgun og fór yfir þetta langa samtal í huganum ,  fann ég að ég  vorkenndi þeim alveg rosalega sem þurfa að axla ábyrgð á mistökum sínum og atburðum síðustu missera í borgarpólitíkinni , en það var ekki fyrr en síminn hringdi í þann mund að ég var að fara útúr dyrunum og nú var það karlmaður sem átti röddina kynnti sig og spurði hvort hann mætti eiga við mig orð að ég gerði mér grein fyrir að lífið er ekki bara leikur í henni pólitík eða í bloggheimum.........meira um það seinna.  En eitt get ég sagt ykkur að ekki hafði það hvarflað að mér að bloggið hefði svona mikil áhrif.

Búnir aððví sagði....

 "Við erum búnir aððví " sagði verðandi Borgarstjóri  í fréttum á stöð2 í gær :" Við erum búnir að axla ábyrgð við misstum meirihlutann" sagði hann.  Og í Kastljósi í gærkv. sagði hann m.a.:  " Við gerðum mistök og viðurkennum það,  núna ætlum við að bæta vinnubrögðin, taka þau upp á borðið eins og sagt er við erum staðráðin í að vinna saman svo dómur sögunnar gefi okkur tækifæri til að sýna og sanna að við leggjum okkur öll fram að sýna borgarbúum það að við meinum þetta sem við erum að sýna núna".  NEMA HVAÐ.