Strandhögg Þjóðar ef Ice.... ....

 

   Ég spyr nú eins og Steingrímur J.  þegar hann spurði þá Bjarna Benediktsson og Sigmund Davíð Gunnlaugsson þessarar spurningar :  -   Hver er þeirra leið?  Hvert er þeirra plan?.,  eftir að samningurinn um Icesave verður felldur? 

Svari þeir nú Bjarni Benediktsson og Sigmundur Davíð Gunnlaugsson!

Og ég spyr líka:  Hverjir hagnast mest á því að samningurinn um Icesave verði felldur?

   Eru það þeir sem gera upp í erlendri mynt?  -  Ég var nefnilega að fá Visa reikninginn minn,  þar sem ég sé,  að  15 fyrirtæki sem ég hef oft verslað við áður,  eru nú allt í einu að láta mig greiða inn á erlendan reikning sinn !  -  Eins og ég hafi verið að versla í útlöndum.

   Því spyr ég:  -  Eru það þeir sem græða á að við fellum Icesave samninginn, og búum fyrir vikið áfram við gjaldeyrishöft ?   -  Græða þessir sömu aðilar á gjaldeyrishöftum?

Það virðist vera þeir sem bera ábyrgðina á efnahagshruni Íslands, sem græða á að fella samninginn.   

 Og þá er að  fara í leikinn finnum Finn.

  Finna út hverjir "þeir" eru ?

   Til að nefna engin nöfn, getum við , kallað þá Knoll og Tott sem ætla að fella samninginn um Icesave. 

Ég spyr því, þá Knoll og Tott :  Hvað ætla þeir svo að gera, þegar þeir hafa fellt samninginn?   Hver eru þeirra plön?  Hvaða áætlun hafa þeir gert?

ÞVÍ EINS OG ÞEIR VITA SEM VILJA VITA.  - þÁ ERU ALLAR FJÁRHIRSLUR ÍSLANDS TÓMAR!  -   ALVEG GALTÓMAR.

HVAR ÆTLA ÞEIR SEM VILJA FELLA ÞENNAN SAMNING AÐ FÁ FJÁRMAGN TIL AÐ STARTA EFNAHAGS- OG ATVINNULÍFINU Á NÝ ?!?!?!?

Hvar ætla þeir að fá fjármagn til að halda þjóðfélaginu gangandi?

Til að halda uppi Grunnskólamenntun barnanna?

Til að greiða fyrir menntun Framhaldsskólanema?

Háskólamenntun?

Heilbrigðisþjónustu og heilsugæslu ?

Velferðarþjónustu?  Félagsþjónustu?

Fæðingarorlofi?

Lánasjóði íslenskra námsmanna? 

Ég veit  .......!

 ......  Hef það frá stálheiðarlegum sjálfstæðismanni.

Þeir ætla að láta draum sinn rætast ! 

Einkavæða allt heila helvítis klabbið ! Eins og gamall sveitungi minn sagði við mig í gær.

Einkavæða bankanna aftur !

Einkavæða heilbrigðiskerfið!

Einkavæða menntakerfið!

Einkavæða og einkavæða, og einkavæða,  osfrv. osfrv. 

Það var vitað fyrir kosningarnar 2007 að Þjóðarskútan hafði steytt á skeri, Lilja mín, sagð'ann !

Því voru góð ráð dýr fyrir okkur sjálfstæðismenn,  að bjarga henni aftur á flot, í skjóli myrkurs:  bætti minn gamli sveitungi við. 

Eina ráðið var:   Að koma Samfylkingu uppí stjórnklefann með Sjálfstæðisflokki.  -   Öðruvísi næðum við ekki Þjóðarskútunni á flot áður en Ísland færi á hausinn.

Ísland fór nú samt á hausinn, svaraði ég. 

    Jaaá, sagði hinn sauðtryggi sjálfstæðismaður, dapur.  -   Samfylkingin gat ekki fellt sig við það sem þeir kölluðu,  blekkingar fyrrum ríkisstjórnar,  Fjármálaeftirlitsins, Seðlabankans, og allra þeirra manna í ábyrgðarstöðum,  sem settu sinn eigin hag,  fram yfir hag landsmanna, að þeirra sögn.  -   

   Þessi andskotans Jafnaðarstefna, alltaf hreint, sem allt ætlar að drepa:   Sagði hann og spýtti út úr sér tóbaksleðjunni frá Sænska munntóbakinu sem bannað er að flytja inn,  - og ekki hefði hvarflað að mér að gamlir sveitungar mínir brúkuðu,  til jafns við félaga mína marga hér sunnan heiða.

Er nema von hugsaði ég  ........., hætti við og spurði svo ....

   ... Ætla þeir frekar að horfa á Þjóðarskútuna hrekjast í briminu og brotna niður á meðan fólkið tekur út og drukknar í skuldum.   -  Ætla þeir svo að hirða brakið þegar það rekur í land, og fá þannig Þjóðarskútuna með öllum rekanum fyrir slikk? -   Á brunaútsölu? 

 Frekar en að horfast í augu við gjörðir sínar, og taka á málum eins og sannir Íslendingar eiga að gera.

....  Oooh, þeir munu bjargast sem kunna að bjarga sér,  en hinir ekki,  og þá þeir um það, var svarið. 

   Vilja þeir það í alvöru,  frekar en að horfast í augu við "gjörðir"sínar eða afglöp ?   Þráspurði ég:  En uppskar bara  þögn,  og nýja spýtingu af munntóbaki.

   Þeir sem stranda Þjóðarskútu vegna gáleysis,  þeim ber að taka afleiðingum gjörða sinna:  hélt ég þrjósk áfram ......  

 .....  - Eða eru þið eða þeir  svo hræddir við afleiðingarnar sem það getur haft,   að allir benda á hinn, sama gamla sagan, það bara bjargar ekki neinu,  það frestar bara því að tekist sé á við vandann ........   

Þögn

    .....  Og á meðan nýta félagar þínir tímann og æsa upp lýðinn til að kenna núverandi ríkisstjórn um skaðann, og jafnvel ganga svo langt að nú er allt nýju ríkisstjórninni að kenna, hélt ég áfram. 

.....  Samningar eru samningar,   og þá ber að virða,  þó að þeir séu óréttlátir,  fyrir mig og þig: sagði ég og freistaði þess að espa hann til svars. -

 - Löng þögn -

   ... Um leið og búið er að ganga frá þessu Icesave máli,  þá fyrst er hægt að taka þessa "drulludela" og setja þá bak við lás og slá,  fyrr ekki. - svaraði sjálfstæðismaðurinn og fékk sér nýjan munntóbaksskammt .......

..... Það vita þessir "drulludelar"  sem komu okkur í þetta kviksyndi: Hélt hann áfram ..... og  

  ... Þessvegna vilja þeir enga samninga. -  bætti hann við,  og með það var hann rokinn. 

 Og ég sem hefði viljað spyrja hann svo margra spurninga í viðbót. 

    En þarna fékk ég semsagt alveg nýjan vinkil á þetta Icesave mál, og það frá manni sem er þarna innsti koppur í búri Sjálfstæðismanna.

- Og úrþví svona er í pottinn búið þá varð ég að skrifa um þetta.  Það hvarflar ekki að mér að þegja, þetta er of alvarlegt til þess. 

   Ég vil, vegna þess sem ég hef hér skrifað, -   og ég efa ekki, að er rétt, þá vil ég að þessir samningar :  VERÐI SAMÞYKKTIR STRAX.  ...

SVO HÆGT SÉ AÐ FARA AÐ HREINSA TIL !

   AFLÉTTA NEYÐARLÖGUNUM SEM GERA ÞESSUM SVINDLURUM KLEIFT AÐ HALDA AFRAM AÐ SVÍKJA, SVINDLA OG STELA. -  OG KOMA ÞEIM UNDIR LÁS OG SLÁ SEM ÞAR EIGA AÐ VERA.

 OG HEFJA ÍSLAND AFTUR TIL ÞESS TRAUSTS OG VIRÐINGAR SEM ÞAÐ ÁÐUR HAFÐI. 

  

 

Strandi Icesave, strandar allt

Enn eitt svindlið .....

 

Af þessari frétt að dæma er ekkert eftir nema skuldirnar,  allar eigur hafa verið seldar til nýstofnaðra fyrirtækja.  

Átti ekki að vera búið að girða fyrr svona svindl ?

Hvar eru allir viðskiptafræðingarnir, og lögfræðingarnir, sem vilja réttlæti framar öllu ?

Eða eigum við líka að sitja upp með þessar skuldir?

Ég segi nei takk, ekki meir !

Ég er alveg pakksödd!

Íslensk afþreying gjaldþrota

Afmæli og afmæli í dag !

 

   Í dag eiga tvíburarnir afmæli,  í morgun kl: 10:45 voru tvö ár frá fæðingu nöfnu minnar Lilju Guðrúnar!

Og í dag, klukkan 11:03 eru tvö ár frá fæðingu Ólafar Maríu!

Afmæli og afmæli í dag,  sungu þær hástöfum, þegar þær voru að klæða sig og búa sig undir að fara á leikskólann sinn Hólmasól.  

   Og þar var líka aldeilis tekið vel á móti þeim, með samverustund allra barna á leikskólanum,  eins og reyndar alltaf á föstudagsmorgnum, þá koma öll leikskólabörnin saman og syngja og eiga notalega stund, þennan síðasta vinnudag leikskólavikunnar.

   En samverustundinni í dag, lauk á því að krakkarnir mynduðu stóran hring,  svo steig eldri tvíburinn fyrst inn í hringinn og það var sunginn afmælissöngurinn:  "Hún á afmæli hún Lilja Guðrún, hún á afmæli í dag".   Og hún varð nú bara feiminn, við alla þessa athygli.

   Næst steig Ólöf María inn í hringinn, og það var sunginn afmælissöngurinn, "Hún á afmæli hún Ólöf María hún á afmæli í dag".  Og Ólöf brosti út að eyrum og tók hressilega undir sönginn.

   En amma situr nú heima,  og les og syngur með stórabróður sem er veikur heima og komst því ekki til að taka þátt í samverustund dagsins, og afmælissöngnum. 

 En hann ætlar að verða fljótur að láta sér batna, svo hann komist sem fyrst á leikskólann aftur, því þar er sko gaman.

Það er ekkert stórkostlegra en börn ! Og þvílíkt ríkidæmi að eiga bæði börn og barnabörn.

 

Það er því rík ástæða til að minna á söfnunarátak Barnaheilla, sem hleypt var af stokkunum í dag, og biðja fólk um að bregðast vel við.

 

 

 

 

 

Nýtt söfnunarátak Barnaheilla

Græðgi eða geggjun !

 

Svona hömlulaus græðgi, hlýtur að jaðra við geggjun !

Þó að það þyki sjálfsagt innan bankaheimsins.

Hann gerði þetta, þegar hann var að eigin sögn að hamast við að hjálpa skilanefndinni, aðspurður afhverju hann væri með skrifstofu í Nýja Landsbankanum!

Muniði ekki eftir myndinni af honum sveittum niðrí banka seint um kvöld !

Maður hefði haldið að hann hefði ekki lyklavöld þarna lengur, en jú hann var að hjálpa til í Nýja Landsbankanum. - Sér er nú hver hjálpin!

 Hversu margir voru þarna að "hjálpa" til ?

 Það voru jú nokkrir.

Ég má þá líka  ........

Hann tók milljarð,  ég tók bara nokkur hundruð milljónir,  trilljónir !

Sigurjón sem var með 13 milljónir í mánaðarlaun, plús bónus.  - Var það ekki nóg?

Eða er geggjunin, og siðblindan svo mikil að .....

Þeir halda að þeir eigi þetta, - bara eins og óvitar: "É áetta, og é máedda" !!!!

Spurðu bara lögfræðinginn !

Eins og börn í sandkassaleik hafa "Bankamenn"  fengið að leika sér óáreittir í 5 ár.

Og þeir eru enn að,  þrátt fyrir hrunið!

Er nema von að þeir segi: "É áedda" !!!  

Og hvað fær virtan lögfræðing til að vera málsvari fyrir svona aðgerð?

Heitir þetta þá ekki einbeittur brotavilji.

Geggjun eða græðgi ?

BÆÐI GEGGJUN OG GRÆÐGI. 

Fékk 70 milljóna lán

Þjóðleikhúsið blasir við .......

 

Þjóðleikhúsið blasir við öllum vegfarendum sem leið eiga um Hverfisgötu, jafn tignarlegt og fallegt og það var fyrir 59 árum síðan.

Ný viðgert að utan sem innan!

Skil ekki alveg þessa frétt á forsíðu Fréttablaðsins í gær,  ég get á engan hátt gert mér grein fyrir tilgangi fréttarinnar. - Því hún er svo tilefnislaus með öllu. Og algerlega út í hött!

En hitt er annað mál að Þjóðleikhúsið er nú að undirbúa næsta leikár, sem verður jafnvel enn meira spennandi en síðasta leikár,  svo ekki sé meira sagt.

Og á morgun eftir vinnu, fara allir starfsmenn Þjóðleikhússins í sína árlegu óvissuferð!

En eins og alþjóð veit þá eru mánudagskvöld, einu fríkvöldin sem leikarar eiga.

Nema ef annaní jólum, annar í páskum, eða annar í hvítasunnu ber upp á mánudaga, þá eiga leikarar ekki frí þau kvöldin.

En við hlökkum öll til morgundagsins, nema hvað. 

Þjóðleikhúsinu ekki lokað í tvö ár

Ertu að djóka !?!?!?!?!?!?

 

     Er þetta eitthvert djók, eða hvað ?!?!?!?

   Ég hélt í alvöru talað, að eftir að staðgreiðsla skatta tók gildi hér á landi,  um áramótin  1987/1988,  höfðum við launþegar þessa lands greitt skatta af lífeyri okkar jafnóðum,  það er að segja við inngreiðslur í lífeyrissjóðinn.  Og þannig hefur það verið  síðan hjá mér.

   Ég man ekki betur en að það hafi verið sett lög um þetta á sínum tíma.

   Þannig:  Að við greiðum jafnóðum skatt af brúttó launatekjum okkar, og þar er lífeyrissjóðurinn innifalinn.  Síðan er lífeyrissjóðurinn lagður inn. 

   Hvenær var þessu breytt? 

   Hinsvegar var það þannig, að fyrir áramótin 1987/1988,  greiddum við skatt eftir á, sem þýddi og þýðir enn,  að við útgreisðlu þeirra peninga, þurfum við að greiða skatt.   

   Svo ég skil ekki alveg hvað er í gangi þarna! 

   Skil ekki hvað Sjálfstæðismenn eru að fara,  með þessari tillögu.

  Getur einhver frætt mig um það!

 

Lýstu ánægju með tillögur sjálfstæðismanna

Hver vill ekki spillinguna burt ?!????

 

   Stjórnarherrarnir vissu allir í lok árs 2007 að búið væri að sigla Þjóðarskútunni í strand!

  Stjórnarherrarnir vissu það líka í desember 2006.  Þegar enn var ríkisstjórn Sjálfstæðisflokks og Famsóknarflokks, að allt væri að sigla í strand.   -   Okkur var bara sagt að það væri misskilningur!

   Þeir vissu það frá því að þeir gáfu bankanna 2003, því þar var ekki grænn eyrir.

   Strax í janúar 2008 veit ég að Geir H. Haarde,  Árni Matthissen og Baldur Guðlaugsson í  Fjármálaráðuneytinu vissu að allt væri komið í strand hér á Íslandi,  því þeir höfðu steytt á skeri, og Bretar hjálpað þeim, sett í þá líflínu og dregið þá að landi,  síðan hleypt þeim til Íslands í von um að þeir gripu þegar til þeirra ráðstafana,  sem þeir lofuðu Bretum að þeir skildu gera.

   En þeir gerðu ekkert með ráðleggingar Bretanna. Enda var þetta auðvitað bara misskilningur í þessum Bretum. 

  Jú, Baldur tók kannski "smá" mark á þeim, hann seldi allavega hlutabréfin sín á fullu!

   Þessvegna kemur manni það ekkert á óvart að Baugur hafi verið komin í þrot í mars 2008, það vissu margir erlendir fjölmiðlar og skrifuðu um það. - Það var bara ekki tekið mark á þeim skrifum hér.

   Og það vissum við líka því alltaf hækkuðu upphæðirnar sem "bréfin" voru seld á, eða ekki seld, heldur þykjustu seld, og skifst á. 

   Og alltaf urðu grófari og grófari myndirnar af græðgi þeirra  "krosseignatengslamanna", sem voru orðnir heimsfrægir á Íslandi og voru nú farnir að færa sig upp á skaftið og farnir að gera útá Ísland, út í heimi, undir nafninu útrásarvíkingarnir.

   Grófasta dæmið er myndin sem birtist af "krosseignatengslamönnunum" þar sem þeir voru að skera grillað svín á hol, til að ná í fyllinguna, sem var rice sem búið var að gylla. -

   Já, þeir þurftu auðvitað að láta gylla morgunkornið svo þeir gætu borðað það. 

  Og síðan sannað að þeir skitu gulli.

   Var ekki alltaf sagt :  Að þeir ættu peninga eins og skít?

 - Einkaþoturnar, þyrlurnar, laxveiðiárnar, og 3000 fm sumarhúsin, og íbúðirnar í New York, London, París, Róm, og hvar þær eru allar villurnar, þeirra "krosseignatengslamanna" sem dugðu þó ekki til að vekja athygli á þeim í útlandinu.

   Svo þeir urðu að  láta gullhúða morgunkornið með 24 karata gulli.  Enda fengu þeir mynd af sér í Fréttablaðinu, þar sem þrír "sukkarar" (man að einn af þeim var Sigurjón), þar sem þrír ídjótar voru að skera svínið á hol með sveðju.   Og hópur dökkklæddra manna með glas í hendi, horfðu gráðugir á. 

  Skrítið að hafa ekkert séð um þetta í Mogganum, voru ekki einhverjir frá þeim þarna ?!?

   Og enn er þetta spilliningarlið að,  - nú er það að safna liði til að koma í veg fyrir að upp um það komist.

   Það vill Evu Jolý burt !

   Það má aldrei verða! 

   Ég vil spillingarliðið burt !  

   Það er nefnilega þetta með "krosseignatengslin"!!!

   Nú verð ég að hætta því ég þarf að ...

  

Baugur kominn í þrot í mars 2008 og Kaupþing vissi af því

Allir á sömu laun .......

 

      Það eiga allir að vera á sömu launum á meðan við erum að reisa við "efnahagskerfi landsins".

   Og þá á ég við "allir" sama hvaða embætti þeir gegna.

  Það á líka að auglýsa allar stöður "bankastjórastöður jafnt sem annarra lykilstjórnenda  í bankakerfinu". 

   Það á að auglýsa allar lykilstöður í bönkunum,  og bara allar bankastöður á vegum hins opinbera.

   Á nákvæmlega sama hátt og skylt er að auglýsa allar aðrar stöður hjá "ríkinu".

   Og ég endurtek að:  EF ALLIR LANDSMENN VÆRU Á SÖMU LAUNUM, ÞÁ VÆRUM VIÐ EKKI LENGI AÐ NÁ  RÍKISFJÁRMÁLUNUM NIÐUR í NÚLLIÐ. 

   Og ég hvet þá sem núna sitja í Karphúsinu og reyna að ná einhverju vitrænu samkomulagi.

   Að hvetja atvinnurekendur til að leggja sitt að mörkum og, gera hið eina rétta, að borga öllum sömu laun,  því allir eru jafnnauðsynlegir í vinnu.

  Og muna það að enginn er sterkari en veikasti hlekkurinn.  

   Og forstjóri er ekkert merkilegri en maðurinn sem vinnur á gólfinu, því forstjórinn væri ekkert án þeirra sem hjá honum vinna.

   Sama má segja um formenn félaga, það væru engir formenn félaga hvorki stéttarfélaga, eða íþróttafélaga, ef ekki væru félagsmennirnir. 

   Við getum náð fyrr fótfestu á ný,  ef landsmenn allir erum á sömu launum,  þeim launum sem t.d. samkvæmt vísitölufjölskyldunni eiga að duga okkur til framfæris.

   Það gætu verið laun uppá segjum svona 300 - 400 þúsund krónur á mánuði.    Já, bankastjórar góðir afhverju ættuð þið að vera á hærri launum en það?

   Eða þið forstjórar, framkvæmdastjórar, skrifstofustjórar, bifvélavirkjar, trésmiðir, sölumenn, bankagjaldkerar, efnafræðingar, verkfræðingar, Læknar, hjúkrunarfræðingar, skipstjórar, skipherra, flugmenn og flugstjórar, eða hvaða starfsheiti sem nöfnum kann að nefna.

   EF ALLIR LANDSMENN VÆRU Á SÖMU LAUNUM Í,  að minnsta kosti EITT ÁR,  -   ÞÁ VÆRUM VIÐ ÖRUGGLEGA FLJÓT AÐ RÉTTA ÚR KÚTNUM. 

  Allavega fljótari en útlit er fyrir nú, að við verðum

-  Nú spyr einhver:  En hvað með afborganir af íbúðum okkar? 

 - Þá er svarið: -  Ef að við getum ekki borgað af íbúðum okkar af þessum launum, -  þá skulum við bara frysta íbúðasjóðslánin þar til við erum komin á réttan kjöl aftur.

Brýnt að auglýsa bankastöður

Uppreist æru !

 

   Ég vil halda því fram að Íslenska þjóðin hafi sýnt það í verki með móttöku sinni við hetjulegri framgöngu Telmu Ásdísardóttur, þegar hún sté fram og sagði sögu sína og systra sinna.  Að  þaðan í frá yrði það ekki liðið á Íslandi að þegja "ofbeldi" í hel. - 

   Því þá loks opnuðust augu Þjóðarinnar fyrir þeim ósköpum sem dunið hafa á saklausum manneskjum sem ekkert hafa til saka unnið,  nema það,  að vera til.

   Breiðavíkurdrengirnir fylgdu sem betur fer í kjölfarið og sögðu sína sögu í heimildarmynd Bergsveins Björgólfssonar og félaga.

   Og Blátt áfram systurnar sem áður höfðu komið fram og sagt sína hryllilegu sögu, fengu loks athygli eftir framgöngu Telmu og Breiðaveikurdrengja, og starfa nú ötullega að forvarnarmálum.

   Einn var sá hópur sem eftir stóð,  og ég hef beðið eftir að stigi fram,  til að fá þá hlustun og þá virðingu sem þeim ber.  

   Beiðni kirkjunnar um fyrirgefningu yfir þögguninni.   því óp þöggunarinnar hefur vomað yfir lífi kvennanna eins og "mara",  allt frá því að gerandinn misbeitti valdi sínu.

 Það eru þolendur fyrrverandi biskups. 

   Nú hefur ein af þeim fjölmörgu konum sem fyrrverandi biskup misbauð,  og átt hefur um sárt að binda síðan, vegna niðurlægingar löggjafarvaldsins og kirkjunnar á málum hennar  - Ákveðið að snúa heim úr útlegðinni, og  stíga fram fyrir skjöldu, og krefjast "réttilega" uppreist æru. 

   Á sinn kurteisa og hlýja hátt, biður konan um afsökunbeiðni  frá Þjóðkirkjunni, sem með þöggun sinni hefur kúgað hana og svívirt nafn hennar í öll þessi ár.

Ég þekki ekki þessa konu, og hef aldrei hitt hana.

   En þegar mál þetta kom upp á sínum tíma var ég á fundi kvenna,  sem var að fjalla um svipuð  málefni.  -    Þá komu þar fram konur sem þekktu til kvenna sem lent höfðu í þessum "geranda".  - Þegar var ákveðið að taka þetta mál til umræðu,  þar sem þetta varðar rétt kvenna.  Þá steig fram þolandi og sagði sína sögu.  -  Ég varð miður mín.

   Tveim árum seinna kemur til mín móðir leikfélaga dóttur minnar, og segir mér að fjölskyldan litla sé að flytja úr landi, svo hún vilji kveðja mig,  og þakka mér fyrir allt.  -  Ég var að elda köldmat,  þegar hana bar'að garði, "dýrindis lax" sem mér hafði áskotnast" svo ég bauð henni og hennar litlu fjölskyldu að borða með okkur.  Og var það vel þegið.

    Þegar við sitjum undir borðum, eftir að hafa gætt okkur á "laxinum",  heyrum við,  sagt frá því í sjónvarpsfréttum kvöldsins, að þessi hugrakka kona Sigrún Pálína sé að flytja burt frá okkar góða landi,  vegna þeirra móttöku sem mál hennar hefur fengið .  

   Ég fer náttúrulega að býsnast yfir fréttinni og segi þeim af fundinum og frá minni upplifun þar,  þá verður mér litið á " matargesti" mína,  og sé að þessi "litla fjölskylda" situr skjálfandi með tárin í augunum. -   Mér var allri lokið.

    Þá kemur í ljós að Móðirin er eitt af fórnarlömbunum, var ekki nema tólf ára þegar hún reyndi að segja frá,  og uppskar útskúfun fjölskyldunnar. 

Daginn eftir sagði ég mig úr Þjóðkirkjunni.

   Og hef ekki gengið í hana aftur þrátt fyrir góð samskipti mín við kirkjuna og kirkjunnar menn marga hverja.  - Og þrátt fyrir, að ég hafi unnið mikið fyrir Þjóðkirkjuna, eftir úrsögn mína.

Þá vita þeir kirkjunnarmenn sem ég hef unnið fyrir, hversvegna ég er utan Þjóðkirkjunnar. 

   Og að ég muni ekki ganga í Þjóðkirkjuna aftur fyrr en kirkjan hefur gert hreint fyrir sínum dyrum, og viðurkennt  þann órétt sem þessar konur voru beittar

    Þá mun ég stolt ganga í Þjóðkirkjuna á ný.

Sigrúnu boðið á fundinn 19. júní

Eins og í hryllingsmynd !

 

Aumingja drengurinn, honum hlýtur að hafa liðið eins og í hryllingsmynd, úr því að hann grípur til þess örþrifaráðs að brjótast inn í banka á Íslandi.  

Hverjum nema örvita og algjörlega örvingluðum manni lætur sér detta í hug,  að leggja það á sig, að sparka upp hurð í banka á Íslandi, til þess eins að brjótast inn.

Ég get ekki ímyndað mér að hann hafi haldið að hann hefði eitthvað upp úr krafsinu.   

Maðurinn hlýtur að hafa verið sturlaður úr hræðslu, að vilja heldur vera handtekinn fyrir að brjótast hér inn í banka, fyrir að ræna mynt sem er ekki einusinni örmynt. 

 Frekar enn að lenda í   ..............  HVERJU !?!?!?!?!?!?! 

Það er nefnilega það.  Lenda í hverju ? 

 Hvað var vesalings maðurinn að flýja,  sem var svo ógnvænlegt,  að sjóliðinn ungi kaus frekar að lenda í herfangelsi,  fyrir að brjótast inn í fyrrverandi banka, en að lenda í klónum á ............. HVERJU?

Nema,-  kannski greip sjóliðinn ungi til þessa örþrifaráðs, vitandi að þá loks mundi lögreglan koma og hann fengi þá hjálp sem hann þurfti. -  Þ.e. að komast undir læknishendur.

Braust inn í banka