Svandís Svavars þorir, vill, og getur ....

 

   Það var eins gott að Svandís hafði kjark og þor til að setja hina svokölluðu Suðvesturlínu í umhverfismat.

Ekki viljum við Reykvíkingar fá línuna lagða þvert yfir vatnsverndarsvæði okkar.

Það er ekki nema von að Heilbrigðiseftirlit Reykjavíkur hafi haft þungar áhyggjur.

En Svandís Svavarsdóttir umhverfisráðherra, er svo sannarlega starfi sínu vaxin. 

Heilbrigðiseftirlit lýsir yfir áhyggjum vegna vatnsverndarsvæðis

Athugasemdir

[Halla Rut , 23.10.2009 kl. 01:27]

Nei, segðu mér satt Lilja. Er þetta svona "Not" færsla?

Þú hlýtur að vara að grínast. 

[Ásthildur Cesil Þórðardóttir, 23.10.2009 kl. 08:38]

Ég er sammála þér Lilja Guðrún.  Mér finnst eins og allof mikið sé horft til þess að skemma landið okkar á kostnað mammons.  Það er mikil takmörkun á yfirsýn yfir hvað er að gerast í heiminum.  Álver eru ekki framtíðin, heldur ósnert víðerni, vatn og endurnýjanleg orka.  Það er framtíðin, og það er það sem við þurfum að verja með öllum ráðum. 

[Guðbjörn Jónsson, 23.10.2009 kl. 10:41]

Ég tek undir þetta með þér Lilja Guðrún. Það er algjört glapræði að láta svona háspennulínu liggja yfir neysluvatnssvæði rúmlega þriðjungs þjóðarinnar.

Mér fannst afar lítið gert úr þeirri hættu sem skapist af tæringu og álútfellingum frá burðarvirkjunum (möstrunum). Þau skaðlegu efni sem með þeim hætti síast út í jarðveginn, og þar með í neysluvatnið okkar,  er þegar þekkt sem afar heilsuspillandi.

Þá er athyglisvert, að önnur þekkt heilsuspillandi áhrif frá háspennu- raflínum, er útgeislunin á rafbylgjum, sem þegar er farið að tengja við ýmis krabbamein og taugasjúkdóma. Raftíðni frá svona línu er stöðug og nokkuð mikil. Hins vegar koma hinar hættulegu afleiðingar ekki fram fyrr en eftir langan tíma, kannski 20 - 40 ár. Spurningin er því hvort fólk vilji leggja þessa línu, eins og fyrirhugað er, vitandi að það veldur börnum þeirra og barnabörnum heilsuskaða og óhollu neysluvatni.

Kannski vill fólk leggja það á sig til að geta skammast út í Svandísi. 

[Lilja Guðrún Þorvaldsdóttir, 23.10.2009 kl. 17:16]

Nei Halla Rut því miður er þetta ekki grín, heldur staðreynd sem mun ógna vatnsverndarsvæðum Reykvíkinga. Þeir Árni Sigfússon og félagar hafa vaðið áfram, án þess að vilja hlusta á aðvaranir um að betra sé að hafa "vaðið fyrir neðan sig".  Þeir eru bara komnir í kosningaham, og nú er bara að halda völdum með góðu eða illu.

[Lilja Guðrún Þorvaldsdóttir, 23.10.2009 kl. 17:34]

Satt segirðu Ásthildur, álver er ekki framtíðin heldur,  vatn og endurnýtanleg orkan ásamt óspilltri náttúrunni.  Við þurfum að verjast þessari ósvífnu ásælni misviturra sveitstjórnarmanna, pólitíkusa og bissnessmanna í misnotkun á náttúruauðlindum þjóðarinnar, þeir eiga ekki að fá að ráða þessu, heldur þjóðin.  Þessir menn ætla sér að selja landið undir hverja stóriðjuna á fætur annarri á spottprís, og þá varðar ekkert um afleiðingar gjörða sinna, því þeir verða allir komnir til Tortóla, og/eða undir græna torfu.

[Lilja Guðrún Þorvaldsdóttir, 23.10.2009 kl. 17:55]

Þakka þér fyrir merkilegt innlegg Guðbjörn.  - Já, sumir vilja mikið til vinna, til að geta skaðað pólitískan andstæðing sinn, jafnvel fórna mannslífum. 

[Aprílrós, 24.10.2009 kl. 15:10]

[Linda Linnet Hilmarsdóttir, 25.10.2009 kl. 06:04]

Innlitskvitt og ljúfar kveðjur

[Garún, 27.10.2009 kl. 14:24]

Hæ hæ það var mikið að tölvan þín komst í lag.  Ég var  farin að undrast um þig...og hér færðu knús elsku besti aðdáandinn minn.....RISAKNÚS