Hugsanlega hugsanlegt ....

 

   Þeir sem valdir urðu að íslenska efnahagshruninu og framreiddu þann skuldabagga sem íslenska þjóðin situr nú uppi með,  gala hátt þessa daganna. 

   Mogginn segir að þeir  m. a. s. hóti hugsanlegum mótmælum. - Segir að það sé líklegt að hugsanleg mótmæli verði hugsanlega viðhöfð á Austurvelli.   Það segir Mogginn, og ekki lýgur mogginn. 

   En hvorki Mogginn, né þeir sem stærstan þátt áttu að Icesave,  -  og síðar Icesave-deilunni,   þ.e. fyrrverandi ríkisstjórn Framsóknar og Sjálfstæðisflokks,  - minnast ekki á það einu orði að bæði Bretar og Hollendingar, gerðu allt sem í þeirra valdi stóð til að aftra því að Ísland fengi á sig dóm fyrir glæpsamlegt athæfi. 

   Hollenski Fjármálaráðherrann segir það í blaðaviðtali,  að hann hafi ógilt dóm sem féll Hollendingum í hag,  gagnvart Íslandi,  á meðan Íslendingar leituðu leiða til að semja um þessi mál. 

 -  Þegar ekkert gerðist í þeim málum ógilti Hæstiréttur Hollands ógildingu ráðherrans í lok apríl s.l.

   Ég er svolítið hissa á þessu áhugaleysi fjölmiðla,  að hafa ekki gert sér mat úr þessum upplýsingum Hollenskra ráðherrans og hafið rannsóknarblaðamennsku á ný.

Því það er ljóst á orðum ráðherrans að hann virkilega barðist "fyrir hönd" Íslands en  "ekki gegn" Íslandi.

   Ég er handviss um að við hefðum ekki séð neinn Íslending hætta ráðherradómi sínum til bjargar  málstað Breta eða Hollendinga. 

    Hvernig væri að bíða og sjá hvað þessi samningur hefur að gefa,  og fá í kjölfarið allar staðeyndir upp á borðið,  -  því það má líka skilja á orðum ráðherrans að við höfum ekki fengið alla söguna enn.

   Ég ætla að bíða, og sjá. 

Helst vildi ég vera fluga á vegg, hjá þessum aðilum sem ég nefni hér fyrir ofan, þegar þeim verður ljóst,  að upp komast svik um síðir,  sama hversu hátt þeir gala !

Hugsanleg Icesave mótmæli á Austurvelli

Athugasemdir

[Jóna Kolbrún Garðarsdóttir, 7.6.2009 kl. 23:23]

Mér er um og ó, ég ætla að mæta á mótmælin á morgun klukkan 15.00 á Austurvelli. 

[Lilja Guðrún Þorvaldsdóttir, 7.6.2009 kl. 23:28]

Já, ég mundi bara mæta á þingpalla ef ég væri þú, og líka,  þó ég væri ég,  því ég ætla að mæta á þingalla ef ég kemst.

[Þorsteinn Helgi Steinarsson, 7.6.2009 kl. 23:50]

Þú ert að benda á fréttir frá Hollandi sem ég hef ekki séð hér í fjölmiðlum en eru mjög áhugaverðar. Geturðu vísað á heimildir (t.d. hollenska vefsíðu). Þetta er mjög áhugavert og þá sérstaklega að íslenskir fjölmiðlar virðast ekki hafa fjallað um þetta.

Er málið sem sagt það að neyðarlögin sem Seðlabankinn hafði undirbúið í marga mánuði með erlendum sérfræðingum standast ekki lög? Eða hvað er málið? Hvernig getur ráðherra ógild dóm í Hollandi?

Hvað er eiginlega að íslenskum fjölmiðlum?

[Lilja Guðrún Þorvaldsdóttir, 8.6.2009 kl. 09:32]

Já, Þorsteinn þetta kom fram í viðtali við fjármálaráðherra Hollands,  í hollenska blaðinu "Volkskrant" nú í vor. 

 -

En Volkskrant hefur einmitt frá því s.l. haust fjallað mjög mikið um Icesave, og efnahagshrunið á Íslandi. 

Ein greinin fjallaði t.d. um það að Árni Matt. þáverandi fjármálaráðherra hafi verið búinn að skrifa undir samkomulag um að greiða þessa 1.3 milljarða evra á sínum tíma. 

 - 

Annars fengju Íslendingar ekki  lán frá Alþjóða gjaldeyrissjóðnum, sú grein var skrifuð eftir að Geir tilkynnti að það væri ekki á forgangslista Íslendinga að borga skuldina, og allt varð vitlaust í Hollenska Þinginu í kjölfarið.

[Lilja Guðrún Þorvaldsdóttir, 8.6.2009 kl. 09:42]

Þorsteinn Helgi: Hæstirétur í Hollandi ógilti í lok apríl, ógildingu fjármálaráðherra Hollands,-  á skaðabótakröfum á hendur Íslendinga fyrir að mismuna þeim sem fengu greitt úr innistæðutryggingasjóðnum eftir hrun bankanna.

Þ. e. a. s. þá ákvörðun Íslenskra stjórnvalda að ábyrgjast aðeins innistæður íslendinga en ekki hollendinga.

[Þorsteinn Helgi Steinarsson, 9.6.2009 kl. 09:07]

Við eigum þá væntanlega von á málsóknum til að Hollendingar og Bretar fái mismuninn á lágmarkstryggingu og upp í 100% bætt líka.

Gaman.

[Lilja Guðrún Þorvaldsdóttir, 9.6.2009 kl. 17:14]

Hvað áttu við Þorsteinn ? Nú skil ég ekki!

[Garún, 10.6.2009 kl. 11:05]

Ég skil ekki neitt!  Er ég með eða á móti?  Hef ekki hugmynd, þar sem mig grunar að ég hafi ekki fengið alla söguna rétta!  Hvað er að gerast?  Shitt ég er farin útí garð að moka holu! 

[Linda Linnet Hilmarsdóttir, 10.6.2009 kl. 12:44]

Innlitskvitt og sólarkveðjur

[Ásdís Sigurðardóttir, 11.6.2009 kl. 14:07]

Maður er bara í losti yfir þessu öllu.   kær kveðja til þín