Ellið fyrir mig, en E fyrir Ellen Björns......

 

 Og nú hefur Ellen Björnsdóttir lokið prófkjörsbaráttu sinni hér fyrir norðan.  Nú situr hún sæl og ánægð,  glöð yfir þeim lofsamlegu móttökum og þeim frábæru undirtektum sem framboð hennar fékk hér á Akureyri, og nærsveitum.

   En þó Ellen hafi lokið prófkjörsferðalagi sínu á Akureyri,  þá getur hún ekki bara sest í helgan stein strax, og slakað á. 

   Því nú hefst undirbúningur að ferð frambjóðandans til Finnlands.

   Jamm,  Ellen stefnir á útrás,-  hún mun sem sagt leggja land undir fót,  -  og taka flugið til Vasa í Finnlandi.  

   Já, Ellen Björnsdóttir ætlar í útrás,  enda hefur henni ásamt hennar fríða föruneyti, þeim Benedikt Búa kosningastjóra framboðsins,  vefstjóranum og fyrrum Idol- stjörnunni Írisi Ösp,  og hinum dygga áhanganda prófkjörsins Karli Jónssyni,  verið boðið að stíga á svið á leiklistarhátíð í Vasa,  og  flytja leikverkið "Falið fylgi" eftir eitt af okkar fremsta leikskáld,  Bjarna Jónsson. 

   Það má segja að þessi Finnlandsferð með Leikfélagi Akureyrar muni aldeilis verða góður lokapunktur á sérstaklega góðri dvöl minni hér norðan heiða. 

   Þetta hefur verið snjóasamur og ljúfur vetur, en nú fer senn að vora,  samkvæmt dagatalinu, þó erfitt sé að átta sig á því horfandi á snjóskaflanna hér fyrir utan gluggann.  

   En bráðum kemur betri tíð með blóm í haga, kvað skáldið forðum, og nú erum við vonandi búin að fá almennilega manneskju til að stjórna rannsókn á öllu "sukkinu og svínaríinu í sambandi við efnahagshrunið" .  - Ef Eva Joly tekur það að sér að stjórna rannsókninni, þá verð ég sátt.  Því henni treysti ég. 

   Og svo vil ég fá stjórnlagaþing, eins og Ellen.

   Æ, ég hefði átt að vera búin að taka frá bókstafinn  L  fyrir mig. - Þá gæti ég sagt: 

   Ellið er fyrir Liljur landsins. - E fyrir Ellen

   Svo ætla ég að fara að kjósa prófkörum.

 

L-listinn kynnir merki sitt

Athugasemdir

[Eva Benjamínsdóttir, 9.3.2009 kl. 20:15]

Yndislegur pistill Lilja mín og mikið lifandi undur er gaman að fylgjast með þínu skapandi flugi. Það verður skemmtilegt í þinni útrás, til hamingju með flokkinn!

Eitt gott ráð fyrir ferðalanginn. Ef þú færð rauða bólu á nefið þá skaltu jóðla tannkremi á hana og láta þorna yfir nótt...svínvirkar alveg einsog ein bóla á tungunni engin á morgun hundraðsinnum, klikkar ekki.

Ég samgleðst þér hjartanlega elskan mín og ótrúlegt að veturinn sé senn að baki og blóm og börn brátt að leik hvernig sem allt fer.

Hafðu það ávallt sem allra best Lilja mín. kveðja, eva

[Jóna Kolbrún Garðarsdóttir, 9.3.2009 kl. 20:22]

Ég vildi að ég kæmist til Finnlands í ár, en kreppufjandinn tók það frá mér

[Jenný Anna Baldursdóttir, 10.3.2009 kl. 10:35]

[Ásthildur Cesil Þórðardóttir, 11.3.2009 kl. 09:18]

FLott hjá henni Ellen að fara í útrás.   Mikið vildi ég hafa séð ykkur stöllurnar á leiksviðinu á Akureyri   Til hamingju með Finnlandsferðina og við fáum þá ef til vill að njóta þín meira hér eftir törnina.   Oft var þörf en nú er nauðsyn á öllum sterkum röddum að tala og vekja fólk til umhugsunar um ástandið og sökudólgana, hina raunverulegu sökudólga, sem ætla sér áfram völdin, því stefnan er jú góð það er bara fólkið sem brást.