Lilja Guðrún Þorvaldsdóttir

20.2.2009 | 09:17

Eitruð pólitík!

Mikið assskoti getur pólitíkin verið eitruð!

Árni hefur fengið að finna vel fyrir því, þegar fæðubótarefnið hans, sem átti að skila honum auknum kröftum í köggla og hraustlegt og gott útlit.

Skilaði honum svo bólgnum hnúum og hnefum og sprungnar neglur, að hann gat ekki látið hendur standa fram ermum.

Það ku hafa verið svo hrikalegt að hann hafi ekki getað heilsað að "sjómannasið" lengi.

Enn svoleiðis "heilsing" hefur lengi verið aðalsmerki Árna.

Og einmitt fyrir svoleiðis "heilsingu" er hann hvað þekktastur, fyrir utan tónlistina sína, sem hann stundar jafnan af dugnaði og elju.

En nú hefur Árni semsagt farið í afeitrun, svo nú má vænta þess, að hann taki til við fyrri iðju, af enn meiri ákefð en áður, heilsi nú jafn hraustlega og hann gerði áður, jafnvel af enn meiri kröftum, enda ekki seinna vænna, það eru jú að koma kosningar.

Þeir sem ég þekki, og hafa látið glepjast af skyndireddingum rétt fyrir kosningar, með því að svolgra í sig fæðubótarefni án þess að lesa notkunarreglurnar, allt gert til að verða eins vinsæll og íþróttaálfurinn, eða Glanni glæpur, hafa hingað til látið sér nægja að hætta bara notkuninni, og snúið sér að hreinum ómenguðum íslenskum afurðum, og öðrum vörum án aukaefna.

Aðeins með því að sleppa hvítu hveiti, hvítum sykri, hvítu pasta, og allri unninni kjötvöru, og allri unninni fiskvöru, og allri vöru sem inniheldur msg.

Þá hafa þeir hinir sömu bara afeitrast án nokkurrar utanaðkomandi hjálpar, og hafa því getað notað peningana í afborganir af lánum sínum í stað Póllandsafeitrunarferðar. -

Og að launum hafa þeir þannig losnað við rándýra fæðubótareitrun, og líka losnað við að þurfa að fara í rándýra afeitrun.

Og þurfa því ekkert að borga upp í ferðina með krassandi auglýsingu.

Svona getur nú lífið verið auðvelt, ef maður þarf ekki að vasast í pólitík.

Og ef maður þarf ekki að punga út fyrir rándýrum prófkjörsauglýsingum.

Því pólitíkin getur verið svo eitruð.

	DV: Eitrað fyrir Árna Johnsen
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 09:30 | Facebook

Athugasemdir

ætli það ekki

Og ætli haugar af fæðubótaefnum með vafasamt magn undarlegra innihaldsefna geti ekki valdið áhrifum eins og eitrun. T.d. vítamín og snefilefna ofskammtar og síðan ef eru einhver skemmtileg "undraefni" sem eiga að lækna þig í einum rykk.

Kannski hefur karlinn bara takið í spaðann á einhverjum sjóaranum sem var búinn að vera of mikið í þykkum, sveittum gúmmíhösnkum. Ég hef sé sveppasýkingar á sjómannahöndum sem maður trúir ekki.

Ari Kolbeinsson, 20.2.2009 kl. 09:31

Hehehe ég hló vel og lengi þegar ég las fréttina, skömmin ég auðvitað á maður ekki að hlæja að veikindum en bara það að hann trúi því að einhver hafi eitrað fyrir honum er alveg dæmalaust. Og fara síðan með Jónínu í afeitrun og láta mata sig þar á endemis þvælu.

Var þetta bara ekki svona hrikalega slæmt ofnæmi fyrir próteindrykknum.

Ía Jóhannsdóttir, 20.2.2009 kl. 09:43

Hveiti,hvítur sykur og allt þetta unna dót er eitur.

Birna Dis Vilbertsdóttir (IP-tala skráð) 20.2.2009 kl. 10:19

Aumingja Árni þetta er allt rétt og satt sem þú segir, pólitík er eitruð En hann er samt heppinn að fá ekki ofnæmi fyrir sjálfum sér, slíkt gerist og þá er nú fátt til ráða.