Lilja Guðrún Þorvaldsdóttir

12.1.2009 | 17:29

Þeir deyja ekki ráðalausir strákarnir !!!!

Þeir deyja ekki aldeilis ráðalausir strákarnir á Hrauninu, hafa ráð undir hverju rifi. - Enda vanir menn, flestir.

Og þannig eru þeir víst líka, Strákarnir, sem ásamt ráðamönnum lögðu drög að gjaldþroti Íslands.

Þeir voru samt ekki að verki þarna á Hrauninu núna ! Nei, nei, þeir hafa ekki enn verið sóttir.

Enda þarf ekkert að sækja þá. - Þeir vita upp á hár hvaða skálkar lögðu Ísland í rúst, og hvernig þeir frömdu sína ljótu verknaði. -

Og fyrst þurfa Skálkarnir sjálfir að ljúka rannsókn á sjálfum sér. - Þeir verða að rannsaka þetta sjálfir, því þeir þekkja þetta manna best, og kunna best til verka, vita hvar þeir eiga að leita, og eru því fljótari að finna glæpinn.

Já, þeir eru klárir strákarnir, það verður ekki af þeim skafið. -

Enda ekki að ástæðulausu sem var húrrað hástöfum fyrir þeim, undir stjórn Davíðs, húrrað af lífs og sálarkröftum, afþví klapp dugði ekki til, svo mikil var aðdáun ráðamanna á verkum þeirra.

Þeir eru enn samir við sig Strákarnir, hvort heldur þeir eru á Hrauninu, eða á leið þangað. -

Fyrir GJALDÞROT AF GÁLEYSI. - OFL.

	Smyglaði fíkniefnum inn í fangelsi
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Fékk ekki Sigurður Einarsson Fálkaorðuna fyrir útrásina?

Hólmdís Hjartardóttir, 12.1.2009 kl. 17:35

Jú, var það ekki. Og það voru fleiri sem fengu allskyns viðurkenningar og merkjanælingar. Þeir voru Gulldrengir Íslands !

Lilja Guðrún Þorvaldsdóttir, 12.1.2009 kl. 17:38

Guð minn fékk hann fálkaorðuna? Nei í alvöru þá er engin til að rannsaka því allir toppar eru svo sekir, burt með það lið og bara útlendinga inn í rannsóknina.
Kveðja Milla

Guðrún Emilía Guðnadóttir, 12.1.2009 kl. 17:39

LG: Ég er mun sáttari við náungana á Hrauninu. Þeir hafa nefnilega ratað á bak við lás og slá.

Það eru þessir andskotar (fyrirgefðu orðbragðið) sem eru ekki á leiðinni þangað sem halda fyrir mér vöku.

Takk fyrir mig.

Jenný Anna Baldursdóttir, 12.1.2009 kl. 17:54

Já, Milla, þessvegna þurfum við að láta til okkar taka, og það strax. Og við þurfum aðstoð að utan.

Lilja Guðrún Þorvaldsdóttir, 12.1.2009 kl. 17:54

Mikið er ég sammála þér Jenný. - Þú hittir einmitt naglann á höfuðið.

Lilja Guðrún Þorvaldsdóttir, 12.1.2009 kl. 17:56

Það er nefnilega glæpur að stela pylsupakka á meðan það er töff að nappa milljörðum... ....

Mér finnst ég eitthvað svo gamaldags í skilningsleysi mínu á hvernig hægt er að vera ábyrg fyrir skuldum annarra án þess að hafa skrifað upp á neitt. Og guttarnir bara ennþá að djamma fyrir peningana sem við eigum svo að borga. Skrambans !

Anna Einarsdóttir, 12.1.2009 kl. 18:28

Anna og Jenný eru búnar að tjá mína skoðun!

Hrönn Sigurðardóttir, 12.1.2009 kl. 19:27

sammála Önnu Einars.

Aprílrós, 13.1.2009 kl. 07:41

Anna og Jenný orða þetta af einskærri snilld.

www.zordis.com, 14.1.2009 kl. 08:56

- Hvað ég gæti bent á marga sem eiga Riddarakrossinn skilið fyrir störf sín... en það er tilfellið að Sigurður Einarsson, fékk hann 1. jan. 2007 fyrir útrásina. Ég er á því að hann skili nú Riddarakrossinum ekki seinna en strax, hann fer nú varla að tjalda honum úr þessu, svo erfist hann ekki.

Sá þig sæta í gær, það er ljúft að vita að sköpunin er að taka völdin, til hamingju með það Lilja mín. Gangi allt vel! kveðja norður til þín.

Eva Benjamínsdóttir, 15.1.2009 kl. 16:45

Sá þig líka í sjónvarpinu í gær. Ég er að hugsa um að kjósa þig. Þú varst flott. Bið að heilsa norður.

Eyþór Árnason, 15.1.2009 kl. 21:58

Jamm það er rétt sem hér kemur fram strákarnir á Hrauninu fá að taka út sína refsíngu, hinir mega leika sér, þeir stálu nefnilega nægilega miklu. En ég ætlaði að segja að þú varst virkilega flottur frambjóðandi í sjónvarpinu um daginn. Lýst vel á þig í því hlutverki frú frambjóðandi Aldrei að vita hvað gerist, nú þegar kemur að því að fólkið taki höndum saman um að stofna stjórnmálaflokk til að hreinsa til og skapa nýtt Ísland. Þá þurfum við flotta frambjóðendur, þú ert örugglega ein af þeim.