Nei Geir ekki meir ! Ekki meir !

Nei, Geir ég veit að þú ert mikill húmoristi, ég veit að þú hefur gaman af góðu gríni, og forveri þinn í foringjastólnum er þekktur orðhákur og húmoristi, og góður sem slíkur. -

En nú gangið þið fóstbræður of langt.

Nú er komið nóg af aulahúmor!  Nú er komið af fíflaskap! Hegðun Davíðs er ekki fyndin! Það er bara ekkert fyndið við svona framkomu gagnvart þjóðinni.

    Ég geri mér í hugarlund að hótun Davíðs, um, að hann muni snú aftur í stjónrmálin, ef hann yrði rekinn úr Seðlabankanum,  - virki eins og svipa á flokkinn. -  virki eins og Grýla á flokkinn. - Og að þetta sé dæmi um góðan húmor ykkar Davíðs.  -

Ykkur finnst þetta kannski alveg drepfyndið. -  Svona náið þið best saman,  og þessi Grýlu hótun mun kannski virka til að sameina flokkinn. -  Grýla er einmitt að kalla á börnin sín þessa daganna, því hún er að fara að sjóða til jóla.  - Og hún öskrar :  Komið hingað öll til mín, Leppur, Skreppur, Lápur, Skrápur, Leiðindaskjóða, og Landsfundur allur.

 Og smjörklípan er kannski líka fyndin, og hefur alltaf virkað, fyrr en nú: 

   Nú ætti "múgurinn" að hafa eitthvað, að rífast um. - Og mótmæla. -   Á meðan þið félagar vinnið ykkur inn tíma, fyrir Landsfundinn. - Reddið Mogganum. - Fáið nýja ritstjórn. - Eyðileggið RÚV,  leggið niður landsfjórðungsútvarpið.  En fyrst og fremst komið í veg fyrir klofning innan flokksins.

Já, akkúrat, þannig getur hótunin um Evrópu-Grýluna sem komin er í stað "Rússa-Grýlunnar", virkað flott,  og plottið gengur upp.

   Hugmyndin um aðildildarviðræður Evrópu-Grýlunnar og Íslenskra jafnaðarmanna er hættuleg Íslensku Grýlunni,  Jólasveinunum og verkstæðum þeirra, sem vilja engan jöfnuð. -

Og því þarf að koma í veg fyrir allt sem heitir upplýsingar um aðild eða aðildarviðræður, í augum þeirra sem slást um völdin í Sjálfstæðisflokknum og úrskurða á Landsfundi:  -

 Því skilaboðin verða að vera skýr :  Ef Landsfundur samþykkir aðildarviðræður við ESB-Grýlunna. - þá snýr Foringinn Grýla aftur og klýfur flokkinn.

Já, þið eruð miklir húmoristar, það verður ekki af ykkur skafið.

Dæmi um það, má sjá í fjölmiðlum í dag:  Þá mun ég snúa aftur! - Tilkynnir Davíð. 

Svo hvort er betra, að hafa "foringjann"  góðan í Seðlabankanum,  eða láta hann kljúfa Sjálfstæðisflokkinn? - Spyr sá sem ekki veit. 

Og þannig verða allar aðildarviðræður útaf borðinu á einu bretti ?  -  Það ákveður Landsfundur eins og Styrmir sagði. - Og þið Foringinn takið enga sjensa, Geir? ., þið viljið engar aðildarviðræður.  - 

Og þá mun Davíð geta átt huggulegt ævikvöld í Svörtu loftum svo lengi sem hann lystir. - Því líklega snýst þetta valdabrölt Davíðs,  eingöngu um væntanlegar aðildarviðræður.  -  Og hræðslu flokksklíkunnar ógurlegu,  við það sem kann að koma fram í þessum aðildarviðræðum, sem gæti orðið til þess að landið gegni í ESB. -

Og kannski um Eftirlaunaólögin líka? Því þau lög voru barn Davíðs, var það ekki?

Ekki get ég ímyndað mér, að Davíð hafi nokkra löngun til að standa í þessum látum. - En hvað gerir hann ekki til að reisa,  vini sína jólasveinanna, kvótagreifanna,  og bankafurstanna og þá bræður alla. - uppúr drullunni. - Þeir studdu við hann á sínum tíma.

Og hreingerningin hjá ykkur Geir, mun hún þá felast í afskriftum og niðurfellingu skulda bankanna og fyrirtækjanna, og brunaútsölu á sömu föllnu bönkunum og fyrirtækjum, til þessara sömu gömlu vina og vandamanna sem geta þá keypt aftur gömlu fyrirtækin sín og bankanna fyrir slikk, og nú skuldlausa. -  Þannig lítur það út ef grannt er skoðað.  -

Og allt á kostnað heimilanna, og alþýðu þessa lands.

  Og Foringinn mikli,  mun væntanlega sjá sjálfan sig sem Hannes Hafstein endurborinn, hamast við að reisa nýtt Fullvalda Ísland upp úr öskustónni.  -  og þannig hafi hann bjargað Íslandi úr klóm Evrópu-Grýlunnar. - 

Og mun hann þá aftur leggja til,  að leitað verði frekar á náðir dollarans og Bush. - við að endurreisa "sjálfstæðisstefnu" hins nýja fullvalda Íslands. - Því Foringjanum virðist liggja lífið á,  sem er svo sem skiljanlegt, því Bush hverfur senn frá völdum.

Því í skjóli Bush og Bandaríska hersins blómstraði Sjálfstæðisflokkurinn. -

Og þrátt fyrir brölt Davíðs og Halldórs með því að hengja Ísland í aftaní hóp hinna viljugu þjóða, og eindrægan vilja þeirra kumpána við að festa Ísland á klafa Bandaríkjahers,  fór herinn. -  Og flokkurinn klofnaði.

En heimili landsins eru líka að hrynja, skiptir það ykkur engu máli Geir?  Skiptir það ykkur engu , þó lýðurinn svelti, eða verði gjaldþrota?  

Og kreppan er varla komin, hvernig verður ástandið í mars - apríl?

Þá verður skríllinn kannski hættur að mótmæla, eða farinn burt. - Haldið þið það Geir?

Veistu að þjóðinni blæðir, og henni blæðir út,  ef fer, sem horfir.  

En þið eruð náttúrulega svo miklir húmoristar að ykkur finnst sjálfsagt góður "splatter" með miklu blóði toppurinn á tilverunni.

En nei Geir, ekki meir. - Stöðvaðu þennan ljóta darraðardans.  Svo Ísland lifi.

Davíð: „Þá mun ég snúa aftur"

Athugasemdir

[Hólmdís Hjartardóttir, 4.12.2008 kl. 13:04]

Farsi farsann.

En ég hef bara ekki húmör fyrir honum.

[Lilja Guðrún Þorvaldsdóttir, 4.12.2008 kl. 13:20]

Ekki ég heldur Hólmdís, ég hef ekki húmor fyrir því ástandi sem við þjóðinni blasir. - Og þær hörmungar sem gjörðir þessara manna eiga eftir að hafa á okkur landsmenn. - Ég vil þá burt ! -

[Ía Jóhannsdóttir, 4.12.2008 kl. 14:10]

[Anna Ragna Alexandersdóttir, 4.12.2008 kl. 14:21]

Hvar er Ísland eigum við ekki skilið breytingar eftir allt það sem var hægt að klúðra

[Soffía Valdimarsdóttir, 4.12.2008 kl. 14:25]

Já maður er bara alveg hreint að míga niður af hlátri alla daga nú orðið. Verst hvað það næðir um bossann þessa dagana, vont að vera blautur.........

[Lilja Guðrún Þorvaldsdóttir, 4.12.2008 kl. 15:50]

Ójú, Anna Ragna við eigum nefnilega skilið breytingar, en ekki í þá átt sem breytingarnar virðast vera að þróast núna. -

[Lilja Guðrún Þorvaldsdóttir, 4.12.2008 kl. 15:51]

Já, Soffía, það er óskandi að næðingurinn verði ekki meiri og verri en hann er nú. -

[Aprílrós, 4.12.2008 kl. 16:15]

Það er komið nóg, en á því miður eftir að versna .

[Lilja Guðrún Þorvaldsdóttir, 4.12.2008 kl. 16:24]

Já, ég er ansi hrædd um að þetta fari versnandi þegar kreppan skellur á okkur af fullum þunga, eins og allt útlit er fyrir. -

[Alma Jenny Guðmundsdóttir, 4.12.2008 kl. 17:09]

Við getum þakkað Ingibjörgu Sólrúnu Gísladóttur fyrir stöðu okkar.  Hún og fyrst og síðast hún, heldur þessari ríkisstjórn við völd.

[Bergur Thorberg, 4.12.2008 kl. 17:54]

Þessi færsla þín er náttúrulega bara tær snilld. Fyrirgefðu stór orð. Það sem hin íslenska þjóð þarf á að halda eru snillingar. Ekki hillingar. Þó þessi tvö orð rími saman, eiga þau ekkert sameiginlegt, nema rímið sjálft. Kannski er það vandamálið, að við Íslendingar týnum sjálfum okkur í orðum, sem betur hefðu aldrei komist á blað, en hefðu gert sig vel í verki? Leikverki? Ef ég skrifa mikið meira fæ ég verki. Langar í leiðinni að benda þér á Lilja mína, ath.s . við skessa .blog.is. Bið að heilsa norður.

[Anna Einarsdóttir, 4.12.2008 kl. 18:07]

Sammála Gunnari Þór..... ég er líka orðin verulega óþolinmóð gagnvart þolinmæði Samfylkingarinnar í garð Sjálfstæðisflokksins.

En mér finnst að skríll þessa lands eigi að læra eitt af Davíð.  Þeir sem fá uppsagnarbréf eiga að bregðast við með þessum líka óvenjulega hætti;  "Heyrðu nei, ég ætla að vinna þessa vinnu í nokkur ár í viðbót". 

[Jenný Anna Baldursdóttir, 5.12.2008 kl. 10:55]

Takk fyrir þennan frábæra pistil.

[Anna Ragna Alexandersdóttir, 6.12.2008 kl. 22:02]

[Linda Linnet Hilmarsdóttir, 6.12.2008 kl. 23:05]

Innlitskvitt og kveðjur

[Rúna Guðfinnsdóttir, 7.12.2008 kl. 01:03]

Fyrr má nú rots en dauðrota... það er það eina sem mér dettur í hug um Herra Davíð Oddsson!

[Ingunn Valgerður Henriksen (IP-tala skráð) 7.12.2008 kl. 22:47]

hann hljómar svona eins og krakki í fýlu....þá fer ég bara aftur í pólitík..

   Eins og kallinn sé ekki ennþá að stjórna með harðri hendi og hefur mikil heljartök á flokknum.

  Gaurinn er með eftirlaun forsetisráðherra sem eru ......... há og svo er hann með laun seðlabankastjóra.........  hann vill auðvitað passa upp á peninginn sinn. En maðurinn er útbrenndur og ætti ekki að vera með svona mikil völd.

[Gunnar Helgi Eysteinsson, 7.12.2008 kl. 23:35]

Davíð er sérstakur persónuleiki... hann er einræðisherra og Guð sé lof erum við bara 300.000

[Lilja Guðrún Þorvaldsdóttir, 9.12.2008 kl. 18:34]

Það er hrein svívirða hvernig þessir menn fara með vald sitt Ægir. - ÉG vil bara burt með þessa ríkisstjórn ef þeir geta ekki staðið með þjóð sinni gegn þeim spillingaröflum sem vaða hér yfir allt og alla, og eru að leggja heimilin í rúst, og landið í auðn.

Geir er forsætisráðherra og ræður yfir Seðlabankanum, valdið liggur hjá honum, og ákvörðunin líka.