Hvað fælir Guðna frá ....?

Hvað í ósköpunum er að gerast, Guðni Ágústsson segir af sér þingmennsku og formennsku í flokknum.

Hvað liggur þarna að baki ?

Er hann að axla ábyrgð ?

Eða ?!?!?!?!?

Hver segir af sér næst?

Guðni segir af sér þingmennsku

Athugasemdir

[Hólmdís Hjartardóttir, 17.11.2008 kl. 15:34]

Hann stofnar kannski flokk með Bjarna?

En grínlaust þá var víst fundur framsóknarmanna ansi heitur

[Sævar Einarsson, 17.11.2008 kl. 15:40]

Ég var einmitt að rausa um þetta hérna, þetta eru stórtíðindi !

[Lilja Guðrún Þorvaldsdóttir, 17.11.2008 kl. 15:43]

Já, Hólmdís, ég hafði heyrt af þessum hitafundi, en svona heitur hélt ég ekki að hann hefði verið.

Ég lét mig jafnvel dreyma um að Guðni hefði ákveðið að ganga á undan með góðu fordæmi og segja af sér, þar sem hann var ráðherra í þeirri "ríkisstjórn" sem tók allar þessar afdrifaríku ákvarðanir, sem við erum nú að súpa seyðið af. -

Hann er því samábyrgur öðrum í þeirri "ríkisstjórn" fyrir því að gera land og þjóð gjaldþrota. - Því skil ég vel að hann segi af sér.

[Jenný Anna Baldursdóttir, 17.11.2008 kl. 15:44]

Ég er viss um að hann er ekki að segja af sér til að taka ábyrgð á sínum stóra þætti í síðustu ríkisstjórn.  Líklegrara er að hann sé að fara fra´vegna harðrar gagnrýni á miðstjórnaflokkinum um helgina.

[Lilja Guðrún Þorvaldsdóttir, 17.11.2008 kl. 16:01]

Já, Jenný Anna, ég trúi að þú hafir rétt fyrir þér sem endranær.

En óskhyggja mín og þrá um að þeir svíðingar sem með bolabrögðum og ofríki, framkvæmdu þá gjörninga sem gerðu það að verkum að hægt var að framselja Land og Þjóð eins og um kvikfénað væri að ræða. 

Hefðu allt í einu verið slegnir af  Þjóðarvættum og þeim kennt að skammast sín, eða segja af sér ella.

Og að Guðni hefði af feginleik, þegið vænni kostinn.

[Himmalingur, 17.11.2008 kl. 16:58]

Sæl mín kæra: Eitt er á hreinu og það syrgir mig: Þeir sem eiga að taka pokann sinn og hunskast af þingi og úr Seðlabanka sitja sem límdir við stóla sína! Eitt vitum við þó og krefjumst: Hér verða engar breytingar á meðan núverandi ríkisstjórn ásamt Seðlabankastjórn sitja við völd! Burt með þetta fólk!!!!!!

Kveðja: Hilmar

[Lára Hanna Einarsdóttir, 17.11.2008 kl. 18:31]

Eins og Jenný segir er hann ekki að axla ábyrgð á óförum þjóðarinnar heldur bara óförum flokksins. Honum hefur mistekist að auka fylgi flokksins í stjórnarandstöðu - enda alls ekki verið trúverðugur í sínum málflutningi.  ESB-sinnum hefur fjölgað innan flokksins en Guðni staðið eindregið gegn ESB, svo dæmi sé tekið.

Átök innan Framsóknarflokksins hafa verið gríðarleg um árabil og ekki hefur tekist að skapa frið um forystu flokksins. Halldór fór, Jón Sig fór - og nú fer Guðni.

Valgerður hlýtur að fara líka og jafnvel Siv. Þær bera mikla ábyrgð á ástandinu í þjóðfélaginu í dag eftir að vera ráðherrar í fyrri stjórnum - einkum og sér í lagi Valgerður.

En mannval hjá Framsóknarflokknum er hræðilegt og erfitt að segja hver muni taka við.

[Ásthildur Cesil Þórðardóttir, 17.11.2008 kl. 21:32]

Það er svo skrýtið með mig, að því meir sem þrýst er á ESB aðild,því fráhverfari er ég því.  Ég hef lengi verið hlutlaus, og jafnvel fallist á það að allt væri betra en þetta sukk hér heima, en nú er ég komin á þá skoðun að ég vil vera frjáls, það er ekkert frelsi innan ESB báknsins, eða eins og sjallar sögðu einhverntímann Báknið burt.  Nú viljum við endilega fara beint í gin báknsins, þegar loksins er smáglæta að við losnum undan oki Sjálfstæðisflokksins, þá vilja menn endilega fara beint í gin ESB, hverslags luðrur erum við eiginlega, þegar við sjálf eigum svo margt gott og frábært, og höfum alla burði til að vera við sjálf.  Segi nú ekki margt.

[Lilja Guðrún Þorvaldsdóttir, 17.11.2008 kl. 21:49]

Við höfum aldrei verið við sjálf.  Stjórnvöld héldu upp á 5 ára Lýðveldisafmælið með því að ganga í NATO og festa herinn hér í 6o ár eða þar til þeir fóru þrátt fyrir grátbeiðnir þáverandi Stjórnvalda um að vera kyrrir svo "sumir" gætu haldið áfram að maka krókinn.  -

Þannig að eftir að herinn fór þá hafa þeir sem héldu í stjórnartaumana afhent Fullveldið og Lýðræðisríkið Ísland til fjárglæframanna og óráðssíugemsa, fyrir stundargróða, og lofað þeim að gambla og veðsetja landið og auðlindir Íslands fyrir veðmálum sínum.  - Er það Lýðræði. -

Ef við hefðum verið í ESB hefðu þeir aldrei getað gamblað svona með okkur og Ísland, svo mikið er víst. - Því þar dugar ekki að vera besti vinur aðals til að fá að vaða uppi svíkja og svindla.

En ég spyr þig Ásthildur heldur þú í alvöru að Finnland, Svíþjóð og Danmörk, Holland, Belgía, Bretland, osfrv. hafi afhent Fullveldi sitt, - eða sé ekki lengur Lýðræðisríki. -

Ég trúi bara ekki að nokkrum manni detti slíkt í hug. -

[Anna Ólafsdóttir (anno) (IP-tala skráð) 17.11.2008 kl. 23:03]

Tek undir með Láru Hönnu, Valgerður fer næst.

Um ESB segi ég: Allt sem maður þekkir ekki nógu vel hefur maður tilhneigingu til að vera tortrygginn gagnvart.

Með því að fara í aðildarviðræður kemur raunverulega upp á borðið hvað ESB gerir og gerir ekki fyrir Ísland. Ég tek undir með þér Lilja um ESB mál. Það er ekki gefið að hér í okkar litla landi þar sem allir þekkja alla og allir hygla sínum sé endilega gott að forræði í öllum málum sé í höndum fámennrar klíku eins og viðgengist hefur hér á Íslandi. Það getur nefnilega verið að það felist í því aðhald fyrir spillingarpésana að aðrar þjóðir andi ofan í hálsmálið á þeim. 

Um kosti og galla fáum við ekki að vita með því að hlusta á Steingrím Joð, Davíð Odds, Björn Bjarna, Guðjón A. Kristjáns, Ingibjörgu Sólrúnu, Geir Haarde, Valgerði og þau hin sem alltaf eru að tjá sig með og á móti. Hjá sumum er með og á móti nánast trúarbrögð. Slíkt gengur ekki þegar verið er að fást við efnahags- og stjórnkerfi heillar þjóðar. Við þurfum að komast upp úr þessum trúarbragðahjólförum og fara í samningaviðræður og síðan þjóðaratkvæðagreiðslu.

[Guðjón H Finnbogason, 17.11.2008 kl. 23:45]

Nú er að hefjast tími jólahlaðborða og svo koma þorrablótin og þá verður hann skemmtanastjóri á sem flestum hlaðborðum og blótum og má ekkert vera að því að vera á þingi því hann er miklu betri í slíku en sem þingmaður.

[Guðjón H Finnbogason, 17.11.2008 kl. 23:46]

P.S. Hafðu það gott fyrir norðan vina.

[Jóna Á. Gísladóttir, 18.11.2008 kl. 01:02]

Guðni who!!??

[Jóhanna Magnúsar- og Völudóttir , 18.11.2008 kl. 08:10]

Það komu ýmsar skýringar í blöðunum í morgun.

TAKK FYRIR LEIKSÝNINGUNA! .. Ég átti auðvitað að vita að þetta varst þú, en ég átti svo erfitt með að tengja ykkur neikvæðu konuna á sviðinu og Lilju Guðrúnu bloggvinkonu saman að ég held ég hafi farið í afneitun!   .. Ég er ekki alveg í lagi!!!..  Þú varst alveg brilljant! .. Ég hefði líka verið of feimin til að spyrja um þig eftir sýningu. Er "launfeimin"

[Birna Dis Vilbertsdóttir (IP-tala skráð) 18.11.2008 kl. 09:02]

Feit eftirlaun kannski?

[Linda Linnet Hilmarsdóttir, 18.11.2008 kl. 09:21]

Góðan daginn elsku fjölskylda og bestu ljúfar kveðjur inn í góðan dag

[Rúna Guðfinnsdóttir, 18.11.2008 kl. 09:56]

Ég er sammála Jenný, hann er ekki að segja af sér vegna bankaklúðursins. þar vill enginn koma nálægt, enginn vill kannast við að bera ábyrgð á því og segja þeir seint af sér vegna þess.

[Steingerður Steinarsdóttir, 18.11.2008 kl. 16:19]

Hafðu engar áhyggjur kæra bloggvinkona. Þeir verða ekki fleiri sem fara úr feitum embættum þótt full ástæða væri til að gerðu það.

[Eva Benjamínsdóttir, 19.11.2008 kl. 00:39]

BURT MEÐ SPILLINGUNA INN MEÐ GAGNSÆIÐ OG SANNLEIKANN!!!