Baráttukveðjur til Valgerðar! Áfram Valgerður!

Valgerður Bjarnadóttir varaþingmaður Samfylkingarinnar, lagði fram á Alþingi  í október á síðasta ári, frumvarp um,  að afnema réttindi, ráðherra, þingmanna, og æðstu embættismanna, til eftirlauna.  Í frumvarpinu leggur hún til, að þessir aðilar, hafi sömu eftirlaun, og aðrir ríkisstarfsmenn. 

     Frumvarpið hefur legið í Allsherjarnefnd í 4. mánuði án þess að koma til umfjöllunar í nefndinni,  og er það alveg ótrúlegt en satt,  að þegar,  Valgerður spurði hverju þetta sætti,  fór Birgir Ármannsson undan í flæmingi og sagði að það væru svo "mörg mál" sem lægju fyrir nefndinni.    Það er undarlegt svar,   enn undarlegri,  og verri,  eru svörin,  sem maður heyrir, líka svarað,  að það sé, annað frumvarp,  á leiðinni,  um sama mál,  frá Forsætisráðherra,  og því óþarfi að ræða frumvarp Valgerðar !  -  Halló, hvað er í gangi?!?!  Eru þau  Valgerður ekki í stjórnarsamstarfi?   Hversvegna má þá ekki að ræða hennar frumvarp?!?!? 

       Á ekki að standa við kosningaloforðið?  Eða hvað? -   Þegar lagt er fram,  velundirbúið frumvarp,  um afnám þessara fáránlegu "sérréttinda",  sem allir virtust,  sammála um,  fyrir síðustu  kosningar,  að hafi verið, "mistök", og því bæri, að afnema þau, hið fyrsta. 

      Svo þegar lagt er fram furmvarp,  um, "afnám" þessara "mistaka",  þá er, -  já, þá lítur út fyrir,  að allir leggist á eitt,  í Allsherjarnefnd, um að,  svæfa málið.  -  Ég hef mikla trú, á henni Valgerði Bjarnadóttur,  og ég er ekki ein um það,  og við vitum því, að hún mun berjast áfram, fyrir afnámi á þessum fáránlegu sérréttindum,  sem átti sér stað á Alþingi fyrir "slysni", það var allavega eftirá skýring þeirra sem þarna sátu og samþykktu "slysið" á sínum tíma.   En við munum fylgjast með og styðja hana Valgerði í baráttunni við að afnema þetta "mistakaskrímsli" burt úr lögum okkar lands.  - Áfram Valgerður!  Við stöndum með þér.

Athugasemdir

[Ingibjörg Hinriksdóttir, 7.3.2008 kl. 04:50]

Sæl Lilja, algjörlega er ég sammála þér. Það vildi þannig til að ég horfði á útsendingu frá Alþingi þegar Valgerður bar fram fyrirspurnina og athugasemd Helga Hjörvar vakti eiginlega meiri athygli hjá mér heldur en fyrirspurnin sjálf eða svör Birgis Ármannssonar.

Helgi benti réttilega á að þegar lögin voru sett þá hafi hann og fleiri þingmenn Samfylkingarinnar greitt atkvæði gegn frumvarpinu sem var keyrt í gegn á einum degi. Það væri annað en breytingafrumvarp Valgerðar Bjarnadóttur og fleiri (s.s. Sivjar Friðleifsdóttur - sem þó tók þátt í flýtimeðferð upphaflega frumvarpsins). Frumvarpið um afnám sérréttindanna hastaði greinilega ekki neitt hjá sumum þingmönnum og ráðherrum, eins og þú bendir á, og önnur frumvörp njóta forgangs.

Í stjórnarsáttmálanum (sem er ekki langt frá margumræddum málefnasamningi sem sjálfstæðismenn í borginni beita óspart fyrir sig) er kveðið á um að frumvarpið skuli fellt úr gildi. Það er því eðlilegt að forsætisráðherra beri það fram en það er jafn eðlilegt að þingmenn sem vilja standa við gerða samninga komi fram með sínar eigin tillögur, fari þeir að verða langeygir eftir frumvarpi ráðherranns.

Þetta er hið makalausasta mál.

[Marta B Helgadóttir, 7.3.2008 kl. 07:59]

Þetta frumvarp hennar Valgerðar er mikið þarfaþing og tímabært.

[Ía Jóhannsdóttir, 7.3.2008 kl. 08:08]

Já rak augun í þessa frétt í morgun í Mbl. Ég hef trú á því að hún haldi sínu striki og láti ekki ganga yfir sig.  Vala hefur alltaf haft bein í nefinu. 

[Jenný Anna Baldursdóttir, 7.3.2008 kl. 08:12]

Ég er með.  Áfram Valgerður.

[Jens Sigurjónsson, 7.3.2008 kl. 16:30]

Það var löngu orðið tímabært að taka á þessum málum.

[Ingunn Valgerður Henriksen (IP-tala skráð) 7.3.2008 kl. 21:35]

ég las þetta og ohh hvað mamma er sæt að senda mér baráttukveðjur.í þessarri pest ég er búin að vera hér í allan dag að taka til til að detta ekki í slenið og vera alveg ónýt  :)

   Nei djók hehe já þetta er flott frumvarp. Glæsilegt alveg.

     veistu ég er búin að taka allt herbergið hjá stelpunum í gegn:) nú bara hengja upp myndir og svona huggulegheit :)

knús og kossar mundu sæta mín :)