Góður Steingrímur J. !!!

 

   Mikið asskoti stendur Steingrímur sig vel !

   Er að hlusta á umræður um  "Ríkisábyrgð á lántöku tryggingarsjóðs innistæðueigenda og fjárfesta".

   Eina leiðinlega við þetta er stöðugt frammíkall og gjamm alþingismanna, m. a. s. þegar Fjármálaráðherra var að flytja framsöguerindi sitt.

   Þetta er alveg með ólíkindum, hvílíkt agaleysi. - Þau hlusta ekki á framsöguerindið og tala svo!

   Nei, nei,  -  Þau hlusta ekki, heldur gjamma stöðugt fammí,  ég hef bara aldrei vitað annað eins,  og hef þó fylgst vel með störfum Alþingis í síðustu áratugina.  

   Það er ekki nema von að þjóðfélag okkar sé komið á þann stað sem það er nú.

   En mikið assskoti stendur Steingrímur J. sig vel.

Dýrustu milljarðar Íslandssögunnar

Athugasemdir

[Loftur Altice Þorsteinsson, 2.7.2009 kl. 13:38]

Já þeir fagna því núna Vinstri Grænir, hversu duglegur Steingrímur er að fremja landráðin. Allir búnir að gleyma kosninga-loforðum og heitstrengingum, að þjóðin eigi ekki að leggjast hundflöt fyrir herrum nýlenduveldanna. Þar er von að hugsjónalaus lýður fagni !

[Loftur Altice Þorsteinsson, 2.7.2009 kl. 14:07]

Eins og fleirri af stuðningsliði Icesave-stjórnarinnar, hefur Óskar Haraldsson lítið málefnalegt að leggja til umræðunnar. Hann býður upp á sama sönglið um sömu vitleysuna.

Sjálfstæðisflokkurinn hefur sýnt meiri manndóm en aðrir stjórnmálaflokkar og farið í gegnum sársaukafulla gagnrýni. Við viðurkennum mistök okkar, en á sama tíma forherðist Samfylkingin í sinni glæpsamlegu afstöðu, að afsala okkur fullveldinu.

Fortíðinni breytum við ekki og rétt er að geta þess, að hvað hana varðar er ekki hægt að sakast sérstaklega við Steingrím. Hins vegar er nútíð og framtíð í okkar höndum. Þar kemur Steingrímur við sögu, er það ekki ?

Takið eftir málflutningi Icesave-stjórnarinnar. Stöðugt er vísað til Hollendska skeini-pappírsins og símtala ráðherra við nýlenduveldin í Evrópu. Þjóðréttarlega eru slík gögn ekki bindandi og að engu hafandi.

Þar að auki hef ég bent á, að "rebus sic stantibus" ákvæði alþjóðalaga gerir löglegt að rifta ákvæðum milliríkjasamninga, ef aðstæður hafa breytst frá því sem hægt var að gera ráð fyrir í upphafi.

Ljóst er að Icesave-stjórnin hefur á öllum stigum málsins haldið fram röksemdum andstæðinga okkar. Stjórnar-andstöðunni var haldið frá samningagerðinni svo að OKKAR málstaður hefði engan málssvara.

Ef Alþingi samþykkir fjár-ábyrgð á þessum samningi, mun þjóðin dæma þá þingmenn sem sekir eru um þetta glæpaverk. Þeir munu verða dæmdir sem landráðmenn og skömm þeirra vera með þjóðinni um alla framtíð.

[Loftur Altice Þorsteinsson, 2.7.2009 kl. 16:50]

Fúkyrðin eru þér töm Óskar, en hvar er rökræðan ? Ert þú hugsanlega lærisveinn Ögmundar Jónassonar, sem hélt ræðu í Alþingi fyrir stundu ?

Ögmundur vissi ekki, að stjórnvöld í Bretlandi og Hollandi hafa nú þegar greitt innistæðu-eigendum Icesave-reikninganna. Deila okkar er við stjórnvöld þessara landa, ekki innistæðu-eigendur.

Ögmundur talaði mörgum orðum um að hann ætlaði að hugsa málið vel, áður en hann ákvæði afstöðu sína. Ég þykist vita, að hann mun greiða atkvæði með samningnum. Þetta eru venjuleg klókindi hjá Ögmundi.

Það sem vakti þó sérstaka athygli, var að hann ætlar að byggja afstöðu sína á hugboði, um hvers vegna Sjálfstæðisflokkurinn er á móti samþykkt. Hann ætlar að hafa vakandi auga með stjórnarandstöðunni, til að fá svar við þessari spurningu. Þetta eru ekki stórmannleg efnistök, að mínu mati. Þetta er samt dæmigerð málefna-vinna Ögmundar.

[Lilja Guðrún Þorvaldsdóttir, 2.7.2009 kl. 19:19]

   Í alvöru talað Loftur,  þá ert þú nú ekki málefnalegur sjálfur, svo vægt sé til orða tekið.  Svo þér ferst illa að ásaka Óskar um málefnaleysi eða rökleysu.

   Blint hatur þitt og óskiljanleg heift þín í garð Steingríms J. og VG, er svo dæmalaus að það er ekki svaravert. 

    Þú ferð hér hamförum á blogginu mínu, svo eitthvað hlýtur að hafa farið verulega fyrir brjóstið á þér, ef marka má hömlulaus skrif þín.  

   Þú hamast á Óskari sem þú virðist þekkja (ég þekki hann ekki frekar en að ég þekki þig).,  svo þú hlýtur aldeilis að hafa fengið útrás.  En ég hjó eftir einu sem þið Sjálfstæðismenn hafa nú ekki viljað hlusta á hingað til, og allsekki viljað viðurkenna fyrr en nú,  en þú drjúgur með þig, ætlar að hengja Ögmund fyrir,  að vita ekki það sem þú veist.!

   Og hvað skildi það nú vera?  Jú, það er,  að stjórnvöld á Bretlandi og í Hollandi hafa nú þegar greitt innistæðu-eigendum Icesave inneign sína.  Vegna samningsins sem  Árni Matt og Geir H. Haarde gerðu og Árni Matt skrifaði undir í Hollandi 11. október 2008.  

   Svo er nú það! 

[Jenný Anna Baldursdóttir, 2.7.2009 kl. 19:38]

Sammála þér eins og oft áður.

[María Kristjánsdóttir, 3.7.2009 kl. 10:22]

Ég er líka alveg gáttuð á þessari framkomu og frammíköllum á þinginu. Eitt er að geta ekki stillt sig af og til að grípa fram í , annað að gefa varla fólki færi á að tala. Er einhver ungliðafasistadeild mætt á svæðið?

[Loftur Altice Þorsteinsson, 3.7.2009 kl. 13:15]

Mér þætti fróðlegt að vita Lilja, hvort þér finnst í lagi að við tökum á okkur risavaxnar skuldir án þess að okkur beri til þess skylda, lagaleg eða siðferðileg. Ef þér finnst þetta bara allt í lagi, ætla ég ekki að reyna að rökræða við þig meira.

Finnst þér merkilegt að þeir sem standa fyrir slíkum gerningi, uppskeri hatur ? Hatur mitt á landráðmönnum er ekki blint og það ætti að vera öllum Íslendingum skiljanlegt.

Orðræða þeirra sem vilja gangast undir það jarðar-men sem Icesave-samningurinn er, ber vott um slæma samvitsku og rökþrot. Bloggið þitt snýst til dæmis um framm-í-köll og aðdáun á Steingrími. Lestu nú bloggið nokkrum sinnum og segðu mér síðan hvort það er ekki fáfengilegt. Það var tilefni þess að ég læddi nokkrum orðum inn á síðuna þína.

[Lilja Guðrún Þorvaldsdóttir, 3.7.2009 kl. 15:13]

Loftur:  Þetta er nú í meira lagi skrítinn málflutningur.  - Ég mundi nú segja barnalegur málflutningur, ef ég vissi ekki betur, furðulegur málflutningur hjá  innmúruðum sjálfstæðismanni.

   Ef þú kynnir þér upphaf og aðdraganda þessa máls sem ég efast ekki um að þú hafir gert, þá veistu jafnvel og ég að Sjálfstæðisflokkur og Framsóknarflokkur gerðu svokölluðum útrásarvíkingum það kleift að fremja það rán sem framið var á Íslandi.   -

  Og múruðu inn velþóknun sína á atgervi útrásavíkinganna, árið 2006, þegar Bretland og Holland beindu þeim tilmælum til þáverandi ríkisstjórnar Framsóknar og Sjálfstæðisflokks um hvert stefndi varðandi Icesave,  þá telfdu þeir Fjármálaeftirlitinu fram fyrir sína hönd og létu Fjármálaeftirlitið senda þessum löndum bréf um að "ríkið" mundi ábyrgjast þessa starfsemi Icesave.

   Og það var  Árni Matt. og Geir H. Haarde sem staðfestu ríkisábyrgðina. 

  Og það var Árni Matt. sem skrifaði undir samning við Holland þann 11. október 2008.  Og gerði svo samskonar samning við Bretland í byrjun nóvember 2008.

   Svo var það eftir að þessi ríkisstjórn tók við að farið var í, að freista þess,  að ná betri samningum,  og það tókst.

   Og af tvennu illu, þá er seinni samningurinn betri enn hinn, og það veist þú,  og allir sjálfstæðismenn og allir framsóknarmenn, það hafa menn sagt mér sem þar eru innan dyra.  -

   Hvað er það þá sem þið eruð ekki samþykkir? 

   " Jú þið viljið að landið verði lýst gjaldþrota,  svo að þið og þínir líkar getið komið og keypt auðlindir landsins á brunaútsölu". 

  Það er skýringin á því hversvegna þið eruð á móti seinni samningnum sem gerður var.  

 Því ekki heyrðist bofs í ykkur þegar skýrt var frá samningi þeirra Árna Matt. & félaga.

 Hversvegna kallaðir þú þá ekki landráðamenn og allt þaðan af verra? Eins og þú gerir hér á mínu bloggi?

   Já, bloggið mitt snýst um fáránleg frammíköll einhverra Alþingismanna sem ekki skilja hlutverk sitt á Alþingi Íslendinga, og hve vel Steingrímu J. stendur sig. -

   Maðurinn, þingmaðurinn, Fjármálaráðherrann, Steingrímur J. Sigfússon á sannarlega aðdáun mína skilið.  - Hann kaus sér ekki það hlutskipti að þurfa að gera þennan samning, né að þurfa að verja þessar gerðir. - En sem betur fer tók hann  það að sér.  - 

 Steingrímur J. tók það að sér, vegna þess, að hann er að berjast fyrir þjóð sína. - Hann er að berjast fyrir því að hægt sé að endurreisa Ísland. 

  Og hann er að "verjast" því, að landið lendi á brunaútsölu, svo "Gammarnir" sem fluttu allt fjármagnið burt af landinu, tæmdu Seðlabankann, og allar fjárhirslur, í skjóli myrkurs, s. l. haust í aðdraganda hrunsins.  - 

   Hann er að verjast því að Gammarnir sem síðan í haust hafa "vomað gínandi" yfir landinu, og beðið þess að geta látið til skarar skríða gegn þessum "Lýð" (sem þú kallar svo) sem þeir hafa þegar féflett, og getur því ekki varist.

   Það eru þeir, sem  hamast nú gegn því að seinni samningurinn sem getur komið í veg fyrir að Ísland og auðlindir þess brenni, verði samþykktur.   Og nota til þess öll þau bolabrögð sem hugsast getur.  - Í skjóli peningavalds síns.

[Loftur Altice Þorsteinsson, 3.7.2009 kl. 16:13]

Þú ert að fara mannavillt Lilja, ef þú heldur að ég sé blaðafulltrúi Sjálfstæðisflokksins. Fáir hafa gagnrýnt flokkinn jafn harkalega og ég, opinberlega, í einkasamtölum og Endurreisnarnefnd Sjálfstæðisflokksins. Ég hef aldregi samþykkt neina samninga við Breta eða Hollendinga, heldur lýst yfir fullkominni andstöðu við þá. Ekki þýðir því neitt fyrir þig að reyna að koma á mig orðspori tvöfeldni.

Hugsanlega er Icesave-samningurinn að einhverju leyti betri en þau drög sem áður lágu fyrir, en það skiptir mig engu. Af lagalegum og siðferðilegum ástæðum hafna ég með öllu, að samningurinn verði staðfestur. Að auki getum við ekki staðið undir þeim viðbótar álögum sem Icesave-samningurinn myndi leggja á þjóðina. Það er allt betra er þessar dráps-klyfjar.

Um framangreinda afstöðu mína til Icesave hef ég bloggað sjálfsagt mörg hundruð sinnum. Hugsanlega hefur þú áhuga að kynnast afstöðu minni frá í desember 2008, sem hægt er að finna hér:

 http://altice.blog.is/blog/altice/entry/742547/